Daniel 8:2 - Mbeti ti Nzapa - Tënë so amu fini

² Ye so mbi baa na ya ti mbeni ye tongana bango-li ayeke tongaso: Mbi baa tere ti mbi tongana mbi yeke na yanga ti ngu so iri ni Ulai, na Suze, li-kodro ni so ngangu gbagba ayeke na tere ni si ayeke na sese ti Elam.

Daniel 8:2 Iomraidhean Croise

Tongo nda ti aye 10:22

Amolenge ti Sem ayeke so: Elam, Asur, Arpaksad, Lud na Aram.

Tongo nda ti aye 14:1

Na ngoi ni kâ, ambeni gbia ague ti tiri bira. Agbia ni ayeke Amrafel ti kodro ti Shinear, Ariok ti kodro ti Elasar, Kedor-Laomer ti kodro ti Elam, na Tidal ti kodro ti Goim.

Néhémie 1:1

Mbai ti Néhémie, molenge ti Hakalia. Na ngu baleuse ni so Artakzerses ayeke le-gbia na Perse, na nze ti Kisleu, mbi, Néhémie, mbi yeke na Suze, kota gbata so a sara ngangu gbagba na tere ni.

Esther 1:2

Na ngoi ni so, ngu ota na peko ti so lo gbu mbata ti kua ti lo na kota kodro ni so ayeke Suze,

Esther 2:8

Na peko ti yanga so gbia amu nga na peko ti mbela ti lo ni, azo abongbi amaseka-wali gbani gbani si aga na ala na Suze, kota kodro ni; na popo ti amaseka-wali ni Esther ayeke daa. A gue na Esther na yangbo ti gbia si a zia lo na da so awali ayeke lango daa. Hege, so ayeke zo ti batango awali ti gbia si ayeke baa ndo na ndö ti lo.

Esther 3:15

Gi so gbia amu yanga awe, azo ti tokua ni asigigi na kota loro si ala gue na ambeti ni. Azo atambula na ya ti kota kodro ti Suze kue ti fa na azo tënë ti ndia so. Tongaso gbia na Haman aduti ti nyon ye. Me li ti azo ti gbata ti Suze kue aga kirikiri.

Esther 7:6

Esther akiri tënë: “Zo so asara ngangu na e so, wato ti e so… Haman laa, sioni zo so!” Na dawa ti gbia nga na ti wali ti lo, kota mbeto agbu Haman.

Esther 8:15

Mardochée asigigi na yangbo ti gbia; lo yu bongo ti gbia so nzoroko ni akpa ngu ti karakanzi si mbeni avuru vurungo. Lo yu nga mbeni kota bongo so abe bengo si lo zia na li ti lo kpoto ti gbia so a sara na lôro. Be ti azo ti gbata ti Suze kue asi na kota ngia si ala yeke dekongo na ngia.

Esther 9:11

Gi na oko lango ni so, azo ague, afa na gbia wungo ti azo so a fâ ala na kota kodro ti Suze.

Esther 9:15

Na lango baleoko na osio ti nze ti Adar, azuife so ayeke na Suze akiri abongbi tere ti ala si ala fâ azo ngbangbo ota, me ala gbu ye ti azo ni pepe.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Jérémie 25:25

– agbia kue ti Zimri, ala ti Elam na ala ti Medii kue;

Ezekiel 1:1

Na lango oku ti nze osio ti ngu baleota ni, mbi yeke na tere ti *bale ti Kebar na popo ti azuife so a gbu ala si a gue na ala na kodro wande. Yayu azi si na ya ti ambeni ye tongana bango-li, Nzapa afa na mbi ambeni ye.

Ezekiel 32:24

“Baa, gbia ti Elam laa, lo na azo ti lo so ayeke gbani gbani; adu ti kuâ ti ala angoro ti ti lo kue. A fâ ala kue na ya ti bira. Azo so afâ ganza pepe si ayeke zia lani kota mbeto na be ti azo so angba na fini na ndö ti dunia so, ala zu yongoro kâ na gbe ti sese awe. Kamene ahon ndö ti ala, ala na azo so azu na ya ti du ti kuâ.

Daniel 10:4

Na lango baleuse na osio ti kozo nze, mbi yeke na yanga ti kota *bale ti Tigre.

Daniel 7:15

“Mbi Daniel, be ti mbi afun kue ndali ti abango-li so; aye so mbi baa azia mbeto mingi na be ti mbi.

Daniel 7:2

Lo tene: “Na bi, na ya ti mbeni ye so mbi baa tongana bango-li, mbi baa pupu so alondo na ndangoro osio ti le ti nduzu si ayingi le ti kota ngu-ingo ngangu mingi.

Daniel 8:1

“Na ya ti ota ngu so Baltazar ayeke gbia, mbi Daniel, mbi kiri mbi baa mbeni ye na ya ti mbeni ye tongana bango-li na peko ti so mbi baa kozo so.

Daniel 8:3

Mbi yo le ti mbi na nduzu, mbi baa mbeni koli-taba so aluti na yanga ti ngu ni. Lo yeke na ayongoro didi use; me didi so asigigi na peko ayo ahon ti so asigigi kozo so.

Wungo ti azo 12:6

Lo tene na ala: “Ala ma tënë ti mbi nzoni. Tongana mbeni wayanga-Nzapa ayeke na popo ti ala, mbi KOTA GBIA, mbi sara si lo hinga, mbi na lege ti mbeni ye tongana bango-li; mbi tene tënë na lo na ya ti bango-li.

Ahebro 1:1

Ando, Nzapa atene tënë fani mingi na akotara ti e na lege nde nde; lo zia tënë ni na yanga ti awayanga-Nzapa si ala tene.

Aye so Nzapa afa 9:17

Ambarata na azo so aduti na ndö ti ala si mbi baa ala na ya ti mbeni ye tongana bango-li, lege ni ayeke tongaso: kazaka ti wen so ayeke na kate ti ala, nzoroko ni abe tongana wâ, avuko tongana le ti nduzu si ayeke nga tongana *sufre; li ti ambarata ni akpa li ti abamara. Wâ, na guru ti wâ na sufre ayeke sigigi na yanga ti ala.