Daniel 7:4 - Mbeti ti Nzapa - Tënë so amu fini

⁴ Kozo nyama ni ayeke tongana bamara, me akpangi ti lo ayeke tongana ti *ngoalo. So mbi ngba ti baa ndo, andaa a zi akpangi ti lo ni awe; a yo lo na nduzu na ndö ti sese, lo luti na ndö ti gere ti lo tongana zo si a mu na lo hingango ndo ti zo.

Daniel 7:4 Iomraidhean Croise

2 Samuel 1:23

Na lango ti fini Saul na Jonatan kue, azo so aye ala mingi. Ataa so ala kui, kuâ akangbi ala pepe. Ala yapu lani mingi ahon *angoalo, ngangu ti ala ahon ngangu ti abamara.

Mbeti ti Job 25:6

si zo, ngusu so, senge zo ti sese, kete makongo so, lo yeke ti lo zo wa?

Abia (Psaumes) 9:20

KOTA GBIA, londo! Ayeke nzoni zo ahon ndö ti mo pepe! Ayeke nzoni mo fâ ngbanga ti amara nde na dawa ti mo.

Jérémie 25:38

mo baa mo tene, bamara so azia ndo ti lo si ahon. Kodro ti ala aga tongana benyama ndali ti aye ti mawa so bira abi ni kâ; nga ndali ti ngonzo ti wâ ti KOTA GBIA.

Jérémie 4:13

“Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Jérémie 4:7

Bamara alondo na ya ti gbako ti lo si ayeke sigigi. Zo ti bubango kodro ti amara nde alondo awe, lo yeke ga. Lo londo na ndo ti lo si lo yeke ga ti buba kodro ti mo; fade lo yeke sara si agbata ti mo aga ngonda si zo ayeke daa mbeni pepe.

Jérémie 48:40

Baa, tënë so KOTA GBIA atene ayeke so: “Wato azi ya ti kpangi ti lo, lo yeke huru na ndö ti Moab tongana *ngoalo.”

Jérémie 49:19

KOTA GBIA atene: “Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Edom makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

Abia ti demango tere 4:19

Awato ti e so ayeke tumba peko ti e, ala kpe loro ngangu ahon *ngoalo so ayeke huru na le ti nduzu. Ala tumba peko ti e na ndö ti ahoto; na benyama, ala honde tere ti ala ti ku e.

Ezekiel 17:3

Mo tene na ala, mo tene: Tënë so Kota Gbia NZAPA atene ayeke so: ‘Mbeni kota *ngoalo ayeke daa so *akpangi ti lo akono mingi, kua ti tere ti lo ayo yongo si ayeke gbani gbani, anzoroko ni ayeke nde nde. Mbeni lâ, lo huru lo ga na ndö ti hoto ti Liban. Lo kungbi li ti keke ti sedre,

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 28:9

Na dawa ti zo so ayeke fâ ande mo, mo lingbi ti tene: ‘Mbi yeke nzapa’? Andaa na gbe ti maboko ti azo so ayeke fâ mo so, mo yeke gi senge zo, mo yeke nzapa lawa!

Daniel 2:38

Lo zia na gbe ti komandema ti mo azo, anyama ti ngonda na andeke ti nduzu na ndo so kue ala yeke daa. Lo zia mo na li ti ala kue. Mo laa mo yeke li ni so ayeke na lôro so!

Daniel 7:12

A zi komandema na maboko ti tanga ti anyama ni, me asara si ala lingbi ti ngba na fini na ya ti mbeni ngoi so a diko ndali ti ala.

Daniel 7:5

Use nyama ni ayeke tongana *urse. Lo mu tere ti lo na nduzu si lo luti mbage oko; abio ota ti kate ayeke na yanga ti lo, na popo ti apembe ti lo. A mu yanga na lo, atene: ‘Londo, mo te akasa mingi!’

Matthieu 24:28

Ndo so akuâ ayeke daa, ndo so laa *angoalo ayeke bongbi tere ti ala daa.”

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.

Aye so Nzapa afa 13:2

Nyama so mbi baa lo so akpa ze. Gere ti lo akpa ti *urse si yanga ti lo akpa ti bamara. Sioni nyama ni, lo so akpa ngunde so, lo mu na nyama ni ngangu ti lo, mbata ti lo ti gbia nga na kota komandema ti lo.