Daniel 7:2 - Mbeti ti Nzapa - Tënë so amu fini

² Lo tene: “Na bi, na ya ti mbeni ye so mbi baa tongana bango-li, mbi baa pupu so alondo na ndangoro osio ti le ti nduzu si ayingi le ti kota ngu-ingo ngangu mingi.

Daniel 7:2 Iomraidhean Croise

Ésaïe 17:12

So mawa ti nyen! Gba ti amara ayeke sara wusuwusu, wusuwusu ni ayeke tongana toto ti kota ngu-ingo. Amara nde ayeke sara wusuwusu, wusuwusu ni ayeke tongana toto ti ngu so ayeke sua ngangu.

Jérémie 49:36

Ti londo na Banga asi na Mbongo, nga na To asi na Do, mbi yeke tokua apupu osio ti ga na mbage ti Elam. “Mbi yeke kangbi azo ti Elam na mbage kue. Azo ti Elam so akpe kodro ti ala ti gue na kodro wande, ala yeke duti na ya ti akodro mobimba.

Jérémie 51:42

Kota ngu-ingo asuku amu Babilone awe; *amapo ti kota ngu-ingo ni atoto ngangu si akanga ndö ti Babilone kue.

Daniel 11:4

Tongana lo duti ande gbia si gere ti lo agbu sese mbirimbiri awe, ya ti kodro ti lo ayeke fâ si ya ni ayeke kangbi na ndangoro osio ti le ti nduzu. *Ahale ti lo laa ayeke mu kodro ni na peko ti lo pepe. Fade a yeke zi kodro ni na maboko ti lo, a kangbi ni na popo ti ambeni zo nde. Me komandema ti azo ni ayeke lingbi na ti lo pepe.

Daniel 2:19

Na bi, na ya ti mbeni ye tongana bango-li, Nzapa afa na Daniel nda ti ye ti ndima ni. Tongaso Daniel alondo ti gonda Nzapa so ayeke na yayu;

Daniel 7:13

“Mbi ngba ti baa aye so na bi tongana bango-li: mbi baa mbeni ye so akpa zo; zo ni alondo na ya ti mbinda, azu. Lo ga nduru na tere ti mbakoro ni si a mu lo, a gue na lo na dawa ti mbakoro ni.

Daniel 7:7

Na pekoni mbi baa ndo, mbi baa na bi na ya ti mbeni ye tongana bango-li osio nyama ni. Lo yeke mu mbeto mingi na zo, lo yeke taa sioni sioni; ngangu ti lo ahon ndoni. Lo yeke na akota pembe ti wen so lo yeke te na ye, lo yeke suru na ya ti aye kete kete. Aye so lo yeke te ni pepe, lo yeke do na gere ti lo. Lo yeke ti lo nde na akozo nyama ota so; lo yeke na didi baleoko.

Daniel 8:2

Ye so mbi baa na ya ti mbeni ye tongana bango-li ayeke tongaso: Mbi baa tere ti mbi tongana mbi yeke na yanga ti ngu so iri ni Ulai, na Suze, li-kodro ni so ngangu gbagba ayeke na tere ni si ayeke na sese ti Elam.

Daniel 8:8

Koli-ngasa ni akono mingi. Me so ngangu ti lo ahon ndoni awe, kota didi ti lo ni afâ si akota didi osio asigigi na ndo ni; ala sigigi na ndangoro osio ti le ti nduzu.

Zakarii 6:5

Ange ni akiri tënë na mbi: “Ala yeke andangoro osio ti le ti nduzu. Ala yeke luti ando na dawa ti *KOTA GBIA so ayeke Makonzi ti sese kue; fadeso ala londo ti hon.”

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Aye so Nzapa afa 17:15

Ange ni akiri atene na mbi: “Angu so mo baa so si wali-ndumba ni ayeke lango na tere ni so, ayeke azo ti akodro nde nde, azo gbani gbani, azo ti amara nde nde na azo ti ayanga ti kodro nde nde.

Aye so Nzapa afa 7:1

Na pekoni, mbi baa *a-ange osio, ala yeke luti na ndangoro osio ti sese kue. Ala yeke kanga lege na pupu osio so ayeke ya na ndö ti sese titene pupu ni aya na ndö ti sese, wala na le ti kota ngu-ingo wala na ndö ti akeke pepe.