Daniel 7:1 - Mbeti ti Nzapa - Tënë so amu fini

¹ Na ya ti kozo ngu so Baltazar ayeke gbia ti Babilone, Daniel abaa li ti lo na ndembe so lo ngba ti lango na ndö ti gbogbo ti lo. Na ya ti bango-li ni, aye aga na li ti lo si lo baa ni na ya ti mbeni ye tongana bango-li. Na pekoni lo su ni na mbeti si lo fa gi amama ti tënë ni.

Daniel 7:1 Iomraidhean Croise

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

Tongo nda ti aye 46:2

Nzapa airi lo na bi na ya ti mbeni ye tongana bango-li, atene: “Jacob! Jacob!” Lo yeda, lo tene: “Mbi laa.”

Mbeti ti Job 4:13

Ye ni asi na bi, na ndembe so azo ayeke baa li ti ala kirikiri, na ndembe so ala kui na lango.

Ésaïe 30:8

*KOTA GBIA atene na Ésaïe: “Fadeso, mo su aye so na le ti mbeni têne, mo su ni na ya ti mbeni mbeti, na dawa ti azo ti Jérusalem. Gbanda, fade ayeke duti ye so ayeke dabe ti ala na aye ni lakue lakue.”

Ésaïe 8:1

*KOTA GBIA atene na mbi: “Mo mu kota le ti têne, mo de mbeti na ndö ni kota kota: ‘Maher-Shalal-Hash-Baz’, (so ti tene: ‘Hio-mo-nzi-ye-na-peko-ti-bira-Ti-na-ndö-ti-ye-mo-nzi-ni’)”

Jérémie 23:28

Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 36:32

Tongaso Jérémie amu mbeni rulo nde si lo mu na wakuasu Baruk, molenge ti Neria. Baruk asu na le ni atënë ti yanga ti Jérémie; so ti tene, atënë so kue ayeke na le ti rulo so Yoakim, gbia ti Juda agbi ni so. Lo su nga na le ti rulo ni ambeni tënë mingi so akpa tere na ti kozo rulo ni.

Jérémie 36:4

Jérémie airi Baruk, molenge ti Neria. Jérémie atene na Baruk peko ti atënë kue ti KOTA GBIA si Baruk asu na le ti rulo ni.

Ezekiel 1:1

Na lango oku ti nze osio ti ngu baleota ni, mbi yeke na tere ti *bale ti Kebar na popo ti azuife so a gbu ala si a gue na ala na kodro wande. Yayu azi si na ya ti ambeni ye tongana bango-li, Nzapa afa na mbi ambeni ye.

Ezekiel 40:2

Na ya ti mbeni ye tongana bango-li, Nzapa amu mbi, ague na mbi na sese ti Israel. Lo zia mbi na ndö ti mbeni hoto so ayo na nduzu mingi. Gba ti ada so akpa ada ti mbeni gbata ayeke na ndö ti hoto ni, na mbage ti Mbongo.

Daniel 1:17

Nzapa asara si amaseka-koli osio so ahinga nda ti aye. Lo sara si ala hinga mbeti si ala duti nga na ndara mingi. Ti Daniel, lo hinga nda ti aye so ayeke ga na le ti zo tongana bango-li nga na abango-li kue.

Daniel 2:1

Na ngu use ni so Nabukodonosor ayeke le-gbia, lo baa li ti lo. Li ti lo kue akpe si lo kiri lo lango pepe.

Daniel 2:26

Gbia atene na Daniel, so mbeni iri ti lo ayeke Beltasar, atene: “Mo lingbi ti fa na mbi bango-li ni si mo fa nga na mbi nda ni?”

Daniel 4:13

Fade a zi hingango ndo ti lo ti zo si a mu na lo mbeni hingango nde so ayeke hingango ndo ti nyama. Fade lo ngba tongaso na ya ti ngu mbarambara.

Daniel 4:5

Na pekoni Daniel, so mbeni iri ti lo ayeke Beltasar, aga. Beltasar ayeke iri ti nzapa ti mbi so a mu na lo. Yingo ti anzapa so ayeke nde si ayeke nzoni kue asi Daniel singo. Mbi fa bango-li ni na lo, mbi tene:

Daniel 5:1

Mbeni lâ, gbia Baltazar asara kota matanga ti tengo kobe ndali ti akota zo ti lo so wungo ti ala ayeke saki oko si na dawa ti ala, lo nyon samba.

Daniel 5:22

Ti mo Baltazar, molenge ti lo, mo hinga aye so kue, me mo ke ti sara tere ti mo kete.

Daniel 5:30

Gi na bi ni, azo afâ Baltazar, gbia ti Babilone.

Daniel 7:13

“Mbi ngba ti baa aye so na bi tongana bango-li: mbi baa mbeni ye so akpa zo; zo ni alondo na ya ti mbinda, azu. Lo ga nduru na tere ti mbakoro ni si a mu lo, a gue na lo na dawa ti mbakoro ni.

Daniel 7:15

“Mbi Daniel, be ti mbi afun kue ndali ti abango-li so; aye so mbi baa azia mbeto mingi na be ti mbi.

Daniel 7:7

Na pekoni mbi baa ndo, mbi baa na bi na ya ti mbeni ye tongana bango-li osio nyama ni. Lo yeke mu mbeto mingi na zo, lo yeke taa sioni sioni; ngangu ti lo ahon ndoni. Lo yeke na akota pembe ti wen so lo yeke te na ye, lo yeke suru na ya ti aye kete kete. Aye so lo yeke te ni pepe, lo yeke do na gere ti lo. Lo yeke ti lo nde na akozo nyama ota so; lo yeke na didi baleoko.

Daniel 8:1

“Na ya ti ota ngu so Baltazar ayeke gbia, mbi Daniel, mbi kiri mbi baa mbeni ye na ya ti mbeni ye tongana bango-li na peko ti so mbi baa kozo so.

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Habakuk 2:2

*KOTA GBIA akiri tënë na mbi, atene: “Ye so mo baa na ya ti mbeni ye tongana bango-li so, mo su ni na mbeti, mo kpaka gere ti mbeti ni nzoni na le ti atêne si azo adiko ni nzoni.

Wungo ti azo 12:6

Lo tene na ala: “Ala ma tënë ti mbi nzoni. Tongana mbeni wayanga-Nzapa ayeke na popo ti ala, mbi KOTA GBIA, mbi sara si lo hinga, mbi na lege ti mbeni ye tongana bango-li; mbi tene tënë na lo na ya ti bango-li.

Rome 15:4

Atënë so kue a su ando na ya ti Mbeti ti Nzapa, a su ni titene e hinga ye na lege ni. Mbeti ti Nzapa ayeke mu na e lege ti kanga be ti e, ti mu ngangu na be ti e si e zia be ti e ti ku ye so Nzapa atene tënë ni.

2 Korente 12:1

Alingbi mbi gonda tere ti mbi, ataa so zo alingbi ti wara ye daa pepe. Me mbi ye ti tene tënë ti aye so *Kota Gbia afa na mbi na ya ti mbeni ye tongana bango-li si lo sara titene mbi hinga ni.

Aye so Nzapa afa 1:19

Ye so mo baa ni so, wala ye ti fadeso, wala ye so ayeke si gbanda, mo su tënë ni na mbeti.

Aye so Nzapa afa 10:4

So abekpa mbarambara ni asungba, mbi ye ti su tënë ni na mbeti, me mbi ma mbeni go so alondo na yayu si atene na mbi: “Bata tënë ti abekpa mbarambara so na be ti mo; mo su ni na mbeti pepe.”