Daniel 6:8 - Mbeti ti Nzapa - Tënë so amu fini

⁸ Agbenyogbia kue ti kodro ni, akota komanda na amakonzi, awamungo-wango na agovoronere ama tere. Gbia, tongana mo yeda, fade mo mu mbeni kota mbela ti kanga lege na mbeni sarango ye ti azo. Tënë ti ya ni ayeke duti tongaso: na ya ti lango baleota, fade zo avoro mbeni nzapa nde pepe, wala lo voro mbeni zo nde pepe, gi mo oko. Tongana zo ni ake, o gbia, mo bi lo na ya ti du ti abamara.

Daniel 6:8 Iomraidhean Croise

Esther 1:19

Gbia, tongana be ti mo aye, fade mo mu mbeni kota mbela ti kanga lege na Vasti ti kiri ti ga na dawa ti mo. Fade mo mu ndo ti Vasti na mbeni wali so ayeke nzoni ahon lo. Fade ndia so ali na ya ti mbeti ti andia ti kodro ti Perse na ti Medii si ngangu ni ayeke ngba tongaso biani biani.

Esther 3:12

Na lango baleoko na ota ti kozo nze ni, a tokua titene a iri awakuasu ti gbia ti ga. Ala ga si ala su na mbeti atënë ni kue alingbi gi na yanga so Haman amu na ala. Na pekoni ala tokua mbeti ni na akota komanda, agovoronere ti akodro-sese oko oko nga na amakonzi ti amara oko oko kue. Awakuasu ni asu ambeti ni na lege ti kode ti sungo mbeti nga na yanga ti kodro ti azo ni oko oko kue. Awakuasu ni asu iri ti gbia Zerses daa si ala kpo nzoroko ti lo na ndö ni.

Esther 8:10

Ala su iri ti gbia Zerses daa si ala kpo nzoroko ti lo na ndö ni. Na pekoni ala mu ambeti ni na azo ti tokua ti gbia si ala gue na ni. Azo ti tokua ni ako na ndö ti ambarata so ahinga ti mu loro mingi; ambarata so a bata ala nzoni ndali ti gbia.

Esther 8:3

Esther akiri atene tënë na gbia. Lo ti na gbe ti gere ti lo na toto, lo voro gbia titene lo kanga lege na sioni ye so Haman, mbeni *hale ti Agag, aleke na be ti lo ti sara na azuife so.

Esther 8:8

Me lege ayeke daa pepe titene mbeni mbeti so a su iri ti mbi daa si a kpo nzoroko ti mbi na ndö ni, a kiri a mingo ngangu ni. Tongaso, ayeke nzoni ala wani asu ti ala mbeti ni tongana ti so be ti ala aye ndali ti azuife. Fade ala su iri ti mbi daa si ala kpo nzoroko ti mbi na ndö ni.”

Abia (Psaumes) 94:21

Ala bongbi ti sara sioni na zo ti mbirimbiri, ala fâ ngbanga ti kuâ na li ti zo so tënë ayeke na li ti lo pepe.

Ésaïe 10:1

Mawa na azo so ayeke lu asioni ndia, ala so ayeke su andia ni na mbeti ti sara si azo aga azo ti mawa!

Daniel 5:28

PARSIN aye ti tene ya ni akangbi awe: ya ti kodro ti mo akangbi awe, a mu ni na azo ti Medii na ti Perse.”

Daniel 6:12

Awato ti Daniel aga na loro na ndo ti lo, ala wara lo, lo ngba ti sambela si lo yeke voro tere ti lo na Nzapa ti lo.

Daniel 6:15

So gbia ama tënë so, vundu agbu be ti lo mingi. Nilaa lo yeke gi lege ti soo Daniel na kuâ. Lo gi lege ti soo Daniel ngbii asi na lakui.

Matthieu 24:35

Fade yayu na sese ayeke hon, me atënë ti mbi ayeke hon oko pepe.”