Daniel 6:2 - Mbeti ti Nzapa - Tënë so amu fini

² Darius abaa nzoni titene lo zia amakonzi ngbangbo oko na baleuse titene ala mu maboko na lo ti sara komandema na ndö ti kodro ni.

Daniel 6:2 Iomraidhean Croise

Esdras 4:22

Ala sara hange si ala baa tënë so tongana senge ye pepe. Alingbi ye ni aga sioni ahon ndoni pepe si komandema ti gbia awara kpale na peko ni pepe.”

Esther 7:4

Biani, azo aka e, mbi na azo ti mara ti mbi titene a fâ e a hunzi e kue, mbeni zo oko angba pepe! Tongana fade ayeke gi senge kango e tongana angbaa ti koli na ti wali, ka mbi lingbi ti zi yanga daa pepe, ngbanga ti so mara ti tënë tongaso laa zo alingbi ti so li ti gbia daa pepe.”

Amato 26:6

Zo so atokua zo ti buba, ye ni akpa tongana lo fâ gere ti lo wani; lo yeke wara tënë ngangu mingi.

Amato 3:16

Na mbage, ndara ayeke mu na zo fini so ayo; na mbeni mbage, lo yeke mu nga na lo mosoro na gonda.

Daniel 5:16

Me ti mbi, mbi ma a tene, mo lingbi ti fa nda ti aye so akara azo na nda ti aye so ahonde. Fadeso, tongana mo diko mbeti so si mo fa nda ni na mbi, fade a yeke yu na mo bongo ti agbia so abe bengo; a yeke zia na go ti mo ye ti go so a sara na lôro si mo yeke duti oko ti akota zo ota ti ya ti govoroma ti kodro ni.”

Daniel 5:29

Biaku na pekoni, Baltazar amu yanga na azo ti gbe ti lo titene ala yu Daniel na bongo ti gbia so abe bengo; ala zia na go ti lo ye ti go so ayeke na lôro. Lo mu yanga titene ala to mbela ti tene na azo atene, fade a yeke zia Daniel ti duti oko ti akota zo ota ti ya ti govoroma ti kodro ni.

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

Daniel 6:1

Na pekoni Darius, zo ti Medii amu mbata ti gbia na ndembe so lo yeke na ngu baleomene na use.

Matthieu 18:23

Ndani laa, tënë ti *Kodro-gbia ti yayu ayeke tongana tënë ti mbeni gbia so aye ti baa lege ti yongo ti lo so ayeke na li ti azo ti kua ti lo.

Nzoni Tënë so Luc asu na mbeti 16:2

Lo iri ndombe ni si lo tene na lo: ‘Tënë ti nyen laa mbi yeke ma na tere ti mo tongaso so? Fa na mbi peko ti aye so mo sara na aye ti mbi, ngbanga ti so mo yeke ngba ti bata aye ti mbi pepe.’

1 Korente 4:2

Me ye so a yeke hunda na awabatango-ye, ayeke titene ala sara kua ti ala na legeni.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.