Daniel 5:9 - Mbeti ti Nzapa - Tënë so amu fini

⁹ Ye ni azia kota mbeto na be ti gbia Baltazar si le ti lo aga nde; be ti akota zo ti lo nga agi ala mingi.

Daniel 5:9 Iomraidhean Croise

Abia (Psaumes) 18:14

Na yayu kâ, KOTA GBIA asara si bekpa asungba; Nzapa so ayeke na yayu kâ na ndö ti aye kue asara si go ti lo atoto ngangu, apembe ti bekpa na ale ti wâ atuku kirikiri.

Abia (Psaumes) 48:6

Gi so ala baa KOTA GBIA awe, be ti ala ado, mbeto agbu ala ahon ndoni si ala kpe kirikiri.

Jérémie 30:6

Ala hunda ndo si ala baa ndo: Koli adu molenge laoko awe? Me ngbanga ti nyen si mbi baa akoli kue azia maboko na ndö ti ngbonda ti ala tongana wali na ndembe ti dungo ni so? Ngbanga ti nyen si le ti ala kue gi na mawa so?

Jérémie 6:24

“Na mango tënë so, e woko kue si be ti e afun kue. E baa pasi tongana wali na ndembe ti dungo ni.

Daniel 10:8

Tongaso mbi ngba gi mbi oko si mbi yeke baa kota ye so aga na le ti mbi so. Ngangu ti mbi kue ahunzi; mbeto agbu mbi si mbi ga tongana zo so ayeke kui; mbi woko kue.

Daniel 2:1

Na ngu use ni so Nabukodonosor ayeke le-gbia, lo baa li ti lo. Li ti lo kue akpe si lo kiri lo lango pepe.

Daniel 5:6

le ti lo aga nde si li ti lo kue akpe; ya ti agere ti lo kue akanga si alikunu ti lo ayeke pika tere.

Matthieu 2:3

So gbia Herode ama tënë so, li ti lo aga kirikiri, lo na azo ti Jérusalem kue.

Aye so Nzapa afa 6:15

Agbia ti sese so, akota zo, amakonzi ti aturugu, azo ti mosoro, angangu zo, azo so ayeke angbaa na azo so ayeke angbaa pepe, ala kue akpe ti honde tere ti ala na ya ti adu ti têne wala na popo ti akota têne so ayeke na ndö ti ahoto.