Daniel 5:23 - Mbeti ti Nzapa - Tënë so amu fini

²³ Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Daniel 5:23 Iomraidhean Croise

Tongo nda ti aye 14:19

Lo sara tufa na ndö ti Abram, lo tene: “Ayeke nzoni Nzapa so ayeke na yayu kâ na ndö ti aye kue si lo sara yayu na sese, asara tufa na ndö ti Abram.

Tongo nda ti aye 2:7

KOTA GBIA Nzapa amu fuku ti sese, lo sara na zo. Na pekoni, lo huru pupu so ayeke sara titene zo aduti na fini na ya ti hon ti zo ni si zo ni aga zo so ayeke na fini.

2 Agbia 14:10

Yoas akiri atene: “Mo fâ azo ti Edom awe si mo yeke pika kate ti mo. Mo lingbi ti gonda tere ti mo senge, me ayeke nzoni mo ngba na ndo ti mo! Ngbanga ti nyen si mo ye ti to nda ti bira so ayeke ga ande kpale na ndö ti mo, titene a fâ mo si a fâ nga aturugu ti Juda so?”

Mbeti ti Job 12:10

Aye so kue ayeke na fini, fini ti ala ayeke na maboko ti lo; pupu so zo ayeke wu ayeke na maboko ti lo.

Mbeti ti Job 31:4

Ti Nzapa, lo yeke baa sarango ye ti mbi pepe? Lo yeke diko peko ti gere ti mbi pepe?

Abia (Psaumes) 104:29

Me tongana mo honde le ti mo na ala, mbeto agbu ala ahon ndoni; tongana mo zi pupu so ayeke na ya ti ala, lango ti ala ayeke hunzi, ala kiri na ya ti fuku ti sese.

Abia (Psaumes) 115:16

Yayu ayeke yayu ti KOTA GBIA, me ti sese, lo mu ni na azo.

Abia (Psaumes) 139:3

Tongana mbi yeke tambula, mo hinga; tongana mbi yeke lango, mo hinga. Alege ti mbi kue, mo hinga.

Abia (Psaumes) 146:4

Na ndembe so pupu ti azo ni ayeke sigigi, ala yeke kiri na ya ti sese; na lango ni so, aye so ala leke na be ti ala ti sarango ni, aye ni ayeke kui legeoko na ala.

Amato 20:24

Ndali ti KOTA GBIA, zo ayeke mu nzoni lege; me zo alingbi ti hinga ndo so lo yeke gue daa tongana nyen?

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 14:13

Mo yeke tene ando na be ti mo, mo tene: “Mbi yeke ma ngbii mbi si na yayu, mbi yeke zia mbata ti mbi ti gbia na ndö ti atongoro ti Nzapa. Mbi yeke duti na ndö ti hoto so anzapa ayeke wara tere daa, yongoro kâ na mbage ti Banga.

Ésaïe 2:12

Biani, KOTA GBIA so ayeke na ndö ti dunia kue, mbeni lango ti lo ayeke ga so lo yeke fâ ngbanga na li ti azo ti pikango kate, azo so ayeke ya iri ti ala nga na azo so abaa atene, ala hon amba ti ala so; lo yeke kiri ala na kete ndo.

Ésaïe 33:10

*KOTA GBIA atene: “Fadeso mbi yeke londo, fadeso mbi yeke luti na nduzu, fadeso, mbi yeke sara titene azo aya iri ti mbi.

Ésaïe 37:19

Agbia ni abi anzapa ti azo ni na le ti wâ. Andaa, anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Ésaïe 42:5

Nzapa, *KOTA GBIA asara yayu, lo gbara le ti nduzu; lo gbara sese na aye so kue asigigi daa, lo mu fini na azo so ayeke na ndö ti sese, lo mu pupu ti wungo ni na azo ti ndö ti sese ni; tënë so lo tene ayeke so:

Jérémie 10:23

KOTA GBIA, mbi hinga, zo ayeke makonzi na ndö ti lege ti lo wani pepe; zo so ayeke tambula na lege, lo yeke makonzi na ndö ti tambula ti lo pepe.

Jérémie 48:26

Moab abaa tere ti lo kota ahon KOTA GBIA. Ayeke nzoni a mu na lo samba, lo nyon ngbii lo de samba ni na sese. Tongaso si lo nga lo ga ye so azo ayeke he ni na ngia.

Jérémie 50:28

Ala ma si! Azo so akpe, ala so angba na fini na kodro ti Babilone, ala laa ayeke ga na asango na *Sion, atene: “KOTA GBIA Nzapa ti e akiri na azo ti Babilone peko ti sioni ti ala awe; lo kiri na ala peko ti sioni so ala sara na kota da ti lo.”

Jérémie 50:29

Ala iri azo ti pikango kokora kue, ala so ahinga ti pika kokora nzoni ti ga ti tiri bira na Babilone. Ala sara bâbâ ti ala angoro Babilone kue; ala sara si zo oko asigigi akpe pepe! Ala kiri na lo peko ti sioni so lo sara, ala futa lo alingbi na ye so lo sara na amba ti lo! Biani, lani lo sara kuru baba mingi ti ke KOTA GBIA, Nzapa ti Israel so ayeke nde si ayeke nzoni kue.

Ezekiel 28:17

Be ti mo asuku na baba ndali ti pendere ti mo; mo zia lege na anzoni ye so mo wara ti buba ndara ti mo. Ndani laa, mbi bi mo na sese, mbi zia mo titene mo ga ye ti ngia na le ti agbia.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 28:5

Na lege ti kota mayere ti mo na ya ti dengo buze, mo kiri mo wara gba ti mosoro ahon ndoni. Tongaso, be ti mo asuku na baba.

Ezekiel 31:10

“Ndani laa, tënë so mbi Kota Gbia NZAPA, mbi tene ayeke so: Keke ti sedre ni akono awe, lo yo na nduzu ngbii li ti lo asi na ya ti ambinda si baba ahon ndö ti lo ndali ti yongo ti lo ni.

Daniel 11:12

So gbia ti Mbongo abaa atene ni kinda azo gbani gbani awe, baba ayeke hon ndö ti lo. Me ataa so lo yeke fâ aturugu kutu kutu, lo yeke so benda pepe.

Daniel 8:11

Didi ni asara nga bira na makonzi ti aturugu ti yayu ni; didi ni akanga lege ti *sandaga so azo ayeke mu na ya ti lango oko oko na makonzi ni; lo sara si ndo so a zia ni nde ndali ti makonzi ni aga sioni.

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Awatokua 17:25

Lo yeke ku titene maboko ti azo laa asara ye na lo pepe, ngbanga ti so lo laa lo yeke mu fini na azo, lo laa lo yeke sara titene azo awu pupu, lo laa lo mu aye kue na azo.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

1 Timothée 3:6

Alingbi zo ti li ti Eglize ayeke zo so ama na be fini fini pepe; tongaso pepe, fade baba ayeke hon ndö ti lo si Nzapa ayeke fâ ngbanga na li ti lo tongana ti so lo fâ na li ti Zabolo.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Aye so Nzapa afa 9:20

Tanga ti azo so kue akui na lege ti asioni ye so pepe, ala zia pepe lege ti sarango asioni ye ti ala. Ala zia lege ti vorongo asioni yingo pepe; ala ngba ti voro ayanda so a sara na lôro, na wen ti nginza, na bengba wen, na têne nga na keke. Ayanda ni ayeke baa ndo pepe, ala yeke ma ndo pepe, ala yeke tambula nga pepe.

Awafango-ngbanga 16:23

Mbeni lâ, agbia oku ti azo ti Filistii abongbi ti sara ngia na ti mu kota *sandaga na Dagon, nzapa ti ala. Ala he bia, atene: “Nzapa ti e azia Samson, wato ti e na maboko ti e awe.”

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”