Daniel 5:2 - Mbeti ti Nzapa - Tënë so amu fini

² So lo tara samba ni awe, lo mu yanga titene ala ga na akopo ti lôro na ti wen ti nginza so babâ ti lo Nabukodonosor amu ando na ya ti kota da ti Nzapa so ayeke na Jérusalem. Lo ye ti mu akopo ni titene lo na akota zo ti lo, na awali ti lo so lo ne ala mingi na ala so lo ne ala mingi pepe anyon na samba.

Daniel 5:2 Iomraidhean Croise

2 Samuel 9:7

David atene na lo: “Sara mbeto pepe; ndali ti babâ ti mo Jonatan, mbi ye ti sara nzoni be na mo. Fade mbi yeke kiri na mo asese so kue ayeke ti ata ti mo Saul; fade mo yeke te kobe lakue na meza ti mbi.”

2 Agbia 24:13

Nabukodonosor amu amosoro so kue a bata na ya ti kubu ti kota da ti KOTA GBIA, na amosoro so a bata na ya ti kubu ti yangbo ti gbia, lo gue na ni alingbi gi na tënë so KOTA GBIA atene. Lo fâ ya ti aye so kue Salomon, gbia ti Israel aleke na lôro si lo zia na ya ti kota da ti KOTA GBIA so.

2 Agbia 25:15

Makonzi ti aturugu ti batango gbia akiri amu aye so kue a sara na lôro nga na wen ti nginza si ague na ni; aye ni ayeke tongana: asembe so a yeke zia ale ti wâ daa na adu ti sembe so a yeke tuku mene daa ti fi na tere ti aye.

2 Mbai 11:20

Na peko ti Mahalat, Roboam amu Maaka, molenge ti Abishalom ti ga wali ti lo. Maaka adu na lo amolenge osio: Abia, Atai, Ziza na Shelomit.

2 Mbai 15:16

Ataa mama ti lo Maaka, lo zi iri ti “Gbia-wali” so ayeke ndö ti lo, ngbanga ti so mama ti lo ni asara mbeni sioni yanda ndali ti nzapa-wali *Ashera. Asa amu yanga titene a kungbi yanda ni so na sese, a fâ ya ni nduru nduru si a gbi ni na ndo so ayeke na popo-hoto ti Sedron.

2 Mbai 36:10

Na tongo nda ti fini ngu, gbia Nabukodonosor atokua aturugu ti mu lo ti gue na lo na Babilone, lo na aye ti ngangu ngere so ayeke na ya ti kota da ti KOTA GBIA. Na pekoni, lo mu Sedesias, mbeni sewa ti Yoakin, lo zia lo gbia ti Juda na ti Jérusalem.

2 Mbai 36:18

Aye so kue ayeke na ya ti kota da ti Nzapa, akota ni wala akete ni, amosoro so a bata na ya ti kubu ti da ti KOTA GBIA, na amosoro so ayeke na ya ti da ti gbia nga na ti akota zo ti lo, gbia Nabukodonosor amu kue ague na ni na Babilone.

Esdras 5:14

Gbia Nabukodonosor amu ando akungba so a sara na lôro nga na wen ti nginza so ayeke na ya ti kota da ti Nzapa na Jérusalem si lo gue, lo zia ni na ya ti da ti anzapa ti Babilone. Gbia Sirus azi akungba ni na ya ti da ti anzapa ti Babilone si lo mu na Sheshebasar so lo zia lo govoronere ti Juda.

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 50:35

“Bira aga na tere ti Babilone, na tere ti azo ti Babilone, na akota zo ti kodro ti ala nga na azo ti ala so ayeke na ndara! So tënë ti yanga ti *KOTA GBIA laa.

Jérémie 52:19

Makonzi ti aturugu ti batango gbia akiri amu aye so kue a sara na lôro nga na wen ti nginza si ague na ni; aye ni ayeke tongana: akota sembe, akete ta ti zongo na dukani, adu ti sembe so a yeke tuku mene daa ti fi na tere ti aye, asembe so a yeke zia mburu ti wâ daa, agere ti lamba, akopo na adu ti sembe.

Daniel 1:2

KOTA GBIA azia Yoakim, gbia ti Juda na maboko ti Nabukodonosor; lo zia nga lege na Nabukodonosor si lo mu mbeni mbage ti akungba ti ya ti kota da ti Nzapa. Nabukodonosor ague na akungba ni na kodro ti Shinear si lo zia ni na ya ti kubu ti batango amosoro ti lo so ayeke na ya ti da ti anzapa ti lo.

Daniel 5:11

Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Daniel 5:13

Tongaso azo ague, aga na Daniel na dawa ti gbia. Gbia ahunda lo, atene: “Mo laa Daniel? Oko ti azuife so gbia, babâ ti mbi agbu ala na sese ti Juda si aga na ala so?

Daniel 5:18

Babâ gbia, Nzapa so ayeke na ndö ti aye kue asara si babâ ti mo Nabukodonosor aga ando kota gbia, azo agonda lo mingi si ane lo na taa nengo ti gbia.

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Daniel 5:3

Tongaso azo aga na akopo ti lôro so ala mu ni na ya ti kota da, so ti tene da-Nzapa ti Jérusalem. Gbia amu akopo ni si lo na akota zo ti lo, na awali ti lo so lo ne ala mingi nga na ala so lo ne ala mingi pepe titene ala anyon na samba.

Daniel 5:30

Gi na bi ni, azo afâ Baltazar, gbia ti Babilone.

Daniel 5:4

So ala kue anyon samba ni agbu le ti ala awe, ala londo ti gonda anzapa so a sara ala na lôro na wen ti nginza; ala so a sara ala na bengba wen, na wen, na keke nga na têne.

Wungo ti azo 7:79

Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.