Daniel 4:5 - Mbeti ti Nzapa - Tënë so amu fini

⁵ Na pekoni Daniel, so mbeni iri ti lo ayeke Beltasar, aga. Beltasar ayeke iri ti nzapa ti mbi so a mu na lo. Yingo ti anzapa so ayeke nde si ayeke nzoni kue asi Daniel singo. Mbi fa bango-li ni na lo, mbi tene:

Daniel 4:5 Iomraidhean Croise

Tongo nda ti aye 41:1

Na peko ti ngu use, gbia Faraon abaa li ti lo. Lo yeke luti na yanga ti *bale ti Nil.

Daniel 1:7

Makonzi ti ambaiwa azia fini iri na ndö ti ala. Lo di iri ti Daniel, Beltasar; lo di iri ti Hanania, Shadrak; lo di iri ti Mishael, Meshak si lo di iri ti Azaria, Abed-Nego.

Daniel 2:1

Na ngu use ni so Nabukodonosor ayeke le-gbia, lo baa li ti lo. Li ti lo kue akpe si lo kiri lo lango pepe.

Daniel 2:3

si lo tene na ala, lo tene: “Mbi baa li ti mbi; li ti mbi kue akpe na bango-li ni. Nilaa mbi ye ti hinga nda ti bango-li ni.”

Daniel 4:10

‘So mbi ngba ti lango na ndö ti gbogbo ti mbi, mbi kiri mbi baa li ti mbi tongaso: Mbi baa mbeni sanziri, lo so lo yeke nde si lo yeke nzoni kue alondo na yayu azu.

Daniel 4:13

Fade a zi hingango ndo ti lo ti zo si a mu na lo mbeni hingango nde so ayeke hingango ndo ti nyama. Fade lo ngba tongaso na ya ti ngu mbarambara.

Daniel 4:15

‘Bango-li so mbi, gbia Nabukodonosor, mbi baa so laa. Ti mo, Beltasar, mo fa na mbi nda ni, ngbanga ti so azo ti nganga so kue ayeke na kodro ti mbi alingbi ti fa nda ni na mbi pepe. Me mo, mo lingbi ti fa nda ni na mbi, ngbanga ti so yingo ti anzapa so ayeke nde si ayeke nzoni kue ayeke na ya ti mo.’ ”

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 5:10

Mama ti gbia ama tënë ti ye so gbia na akota zo ti lo atene si lo li na ndo so ala yeke sara matanga ni daa. Lo mu tënë si lo tene: “Gbia na nduzu! Ayeke nzoni be ti mo agi mo pepe, le ti mo aga nga nde pepe!

Daniel 5:11

Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Daniel 7:1

Na ya ti kozo ngu so Baltazar ayeke gbia ti Babilone, Daniel abaa li ti lo na ndembe so lo ngba ti lango na ndö ti gbogbo ti lo. Na ya ti bango-li ni, aye aga na li ti lo si lo baa ni na ya ti mbeni ye tongana bango-li. Na pekoni lo su ni na mbeti si lo fa gi amama ti tënë ni.

Daniel 7:28

“Tënë ni ahunzi na ndo so. Me ti mbi Daniel, be ti mbi agi mbi mingi, mbi woko kue si mbi ngba ti gbu li ti mbi daa.”