Daniel 4:4 - Mbeti ti Nzapa - Tënë so amu fini

⁴ Tongaso azo ti nganga, azo ti mazi, azo ti yoro, na azo kue ti bango nda ti aye aga. So ala ga awe, mbi fa na ala bango-li ti mbi ni, me zo oko na popo ti ala afa na mbi nda ni pepe.

Daniel 4:4 Iomraidhean Croise

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Jérémie 48:11

“Ti londo na ngoi so Moab ade kete ngbii asi laso, lo duti nzoni: laoko a gbu lo a gue na lo na kodro wande pepe. Lo duti ando gi kpoo tongana vin so aduti na ndö ti puru ni. Laoko a tuku vin ni na ya ti mbeni ta nde pepe. Ndani laa lo bata nzerengo ti lo nga na nzoni fion ti lo.

Ezekiel 28:17

Be ti mo asuku na baba ndali ti pendere ti mo; mo zia lege na anzoni ye so mo wara ti buba ndara ti mo. Ndani laa, mbi bi mo na sese, mbi zia mo titene mo ga ye ti ngia na le ti agbia.

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Daniel 2:11

Ye so mo hunda so ayeke ngangu mingi. Zo oko ti fa tënë ni na gbia ayeke daa pepe. Gi anzapa si alingbi ti fa ni; me ndo ti lango ti ala ayeke na popo ti azo ti sese pepe.”

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 5:8

Azo ti nganga ti gbia kue ali na da; me ala ha ti diko mbeti ni gbaa; ala lingbi nga ti fa nda ni na gbia pepe.

Sofonii 1:12

Na ngoi ni so, fade mbi yeke mu lamba ti gi ndo na ya ti gbata ti Jérusalem; mbi yeke ga na tere ti azo so ayeke duti senge senge na ndö ti mosoro ti ala so; ala yeke tene na be ti ala, atene: ‘KOTA GBIA alingbi ti sara mbeni ye oko pepe, ataa nzoni ye wala sioni ye!’