Daniel 3:7 - Mbeti ti Nzapa - Tënë so amu fini

⁷ Na ndö ti tënë so, gi na ndembe so azo ti amara nde nde kue na azo ti ayanga ti kodro nde nde kue ama toto ti tatalita, ti ngoli, ti kete kundi, ti kota kundi na ti kalangba, ala kuku na sese si ala voro yanda ti lôro so gbia Nabukodonosor azia ni aluti na nduzu so.

Daniel 3:7 Iomraidhean Croise

Jérémie 51:7

Babilone ayeke ando mbeni kopo ti lôro na maboko ti KOTA GBIA! Ye ti ya ti kopo ni asara azo ti dunia kue tongana samba. Azo ti amara nde anyon vin ti lo ngbii li ti ala aga kirikiri.

Daniel 2:46

Tongaso gbia Nabukodonosor ati akpo li ti lo na sese, lo voro Daniel si lo mu yanga titene a mu *sandaga si a zö dukani na Daniel.

Daniel 3:10

Gbia, mo wani, mo mu yanga, mo tene: ‘Tongana azo ama toto ti tatalita, ti ngoli, ti kete kundi na ti kota kundi, ti kalangba na amara ti ngoli nde nde, na aye ti sarango na mozoko nde nde, fade azo ni akuku na sese, ala voro yanda ti lôro ni.

Daniel 3:4

Zo ti batango bongbi ni adekongo ngangu, atene: “Ala azo kue, azo ti amara nde nde kue na ala, azo ti ayanga ti kodro nde nde kue, ala ma tënë so gbia atene. Lo mu yanga, lo tene:

Daniel 3:5

‘Na ndembe so ala yeke ma toto ti tatalita, ti *ngoli, ti kete kundi na kota kundi, kalangba na amara ti ngoli nde nde, na aye ti sarango na mozoko nde nde, fade ala kuku na sese, ala voro yanda so gbia Nabukodonosor azia ni aluti na nduzu so.

Daniel 3:6

Zo so ake ti kuku ti voro yanda ni, a yeke bi lo biaku na ya ti kota wâ so ayeke za ngangu.’ ”

Daniel 3:8

Kete na pekoni, ambeni zo ti Babilone aga si abi tënë na li ti azuife.

Awatokua 14:16

Na ya ti angoi so ahon, Nzapa azia amara kue titene ala mu lege so be ti ala wani aye.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Aye so Nzapa afa 13:14

Lo handa azo ti ndö ti sese na lege ti aye ti kpene so lo sara na dawa ti nyama ti kota ngu-ingo; lo sara ni na ngangu so a mu na lo. Lo tene na azo ti leke mbeni limo ndali ti nyama ti kota ngu-ingo so awara ka ti yongoro zeme si lo ngba na fini so.

Aye so Nzapa afa 13:3

Mbeni li ti nyama ni oko awara kota ka; ka ni akpa fade titene lo kui na ni, me ka ni amu. Azo ti sese kue agonda ye ni si ala mu peko ti nyama ni.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 17:8

Nyama so mo baa lo so ayeke ando na fini, me lo yeke na fini mbeni pepe. Lo yeke londo ande na ya ti *kota du so alinda mingi si lo yeke sigigi titene a buba lo biani biani. Fade li ti azo ti sese ayeke kpe na bango nyama ni, so ti tene azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa. Biani, nyama ni ayeke ando na fini, me fadeso lo yeke na fini mbeni pepe; fade lo yeke kiri ti ga.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.