Daniel 3:10 - Mbeti ti Nzapa - Tënë so amu fini

¹⁰ Gbia, mo wani, mo mu yanga, mo tene: ‘Tongana azo ama toto ti tatalita, ti ngoli, ti kete kundi na ti kota kundi, ti kalangba na amara ti ngoli nde nde, na aye ti sarango na mozoko nde nde, fade azo ni akuku na sese, ala voro yanda ti lôro ni.

Daniel 3:10 Iomraidhean Croise

1 Mbai 15:16

Tongaso, David atene na amakonzi ti azo ti mara ti Lévi ti zia na yanga ti kua, a-ita ti ala so ayeke he bia si ala yeke pika mozoko na gbe ni; ala yeke pika kota kundi, kete kundi na wen. Lo tene nga na ala ti pika mozoko ni ngangu ti fa ngia ti be ti ala.

1 Mbai 15:28

Azo ti Israel kue ague na sanduku ti mbuki ti KOTA GBIA na Jérusalem; ala yeke dekongo na ngia si ala yeke huru adidi, atatalita, ala yeke pika awen so atoto, akota kundi na akete kundi.

2 Mbai 29:25

Gbia azia azo ti mara ti Lévi na ya ti kota da ti KOTA GBIA; awen so ayeke toto, akota kundi, na akundi ayeke na maboko ti ala. Lo sara ye ni alingbi na yanga so David, Gad, zo ti bango nda ti aye ti gbia, nga na Natan, wayanga-Nzapa amu. Andaa KOTA GBIA wani laa amu yanga so na lege ti awayanga ti lo.

Abia (Psaumes) 94:20

Asioni zo so ayeke na li ti awafango-ngbanga si ayeke sara asioni ye so ndia ake tënë ni, fade mo yeke sara beoko na ala tongana nyen?

Sigingo 1:16

“Tongana ala yeke mu molenge na tere ti awali ti ahebro, ala baa molenge so wali ni ayeke du lo so nzoni: tongana molenge ni ayeke koli, ala fâ lo, tongana ayeke wali, ala zia lo, lo ngba na fini.”

Sigingo 1:22

Tongaso Faraon amu yanga na azo ti lo kue, atene: “Amolenge-koli so kue ahebro adu ala, ala bi ala na ya ti *bale ti Nil! Me ala zia amolenge-wali angba na fini.”

Zo ti bongbingo azo 3:16

Mbi kiri mbi baa ndo na ndö ti sese so: na ndo so a yeke fâ ngbanga daa, sarango ye ti sioni ayeke daa; na ndo so mbirimbiri alingbi ti duti daa, sarango ye ti sioni ayeke daa.

Ésaïe 10:1

Mawa na azo so ayeke lu asioni ndia, ala so ayeke su andia ni na mbeti ti sara si azo aga azo ti mawa!

Daniel 3:11

Zo so ake ti kuku ti voro yanda ni, fade a bi lo biaku na ya ti kota wâ so ayeke za ngangu.’

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Daniel 6:12

Awato ti Daniel aga na loro na ndo ti lo, ala wara lo, lo ngba ti sambela si lo yeke voro tere ti lo na Nzapa ti lo.

Amos 6:5

Ala yeke pika kundi kirikiri ti he na bia. Titene ala sara ye tongana David, ala yeke sigigi na afini ye ti mozoko.

Jean 11:57

Akota wayango-sandaga na afarizien amu yanga, atene: “Tongana mbeni zo ahinga ndo so Jésus ayeke daa, lo tene tënë ni si a lingbi ti gbu lo.”