Daniel 2:5 - Mbeti ti Nzapa - Tënë so amu fini

⁵ Gbia akiri tënë na ala, atene: “Mbi mu yanga awe, mbi tene: Tongana ala fa na mbi bango-li ni pepe si ala fa na mbi nda ni pepe, fade a yeke fâ ya ti ala nduru nduru si ada ti ala aga ndo ti azende.

Daniel 2:5 Iomraidhean Croise

2 Agbia 10:27

Na pekoni, ala kungbi na sese ngbongboro têne so ala leke aluti na nduzu ndali ti Baal so, ala kungbi nga da ti nzapa Baal ni na sese. Ala sara si da ni aga mbeni kabinee ndali ti azo ti lege. Kabinee ni angba ngbii asi laso.

Esdras 6:11

Zo so ake ti sara ye alingbi na ambela so, yanga so mbi mu ayeke so: fade a yeke gboto mbeni yongoro keke ti da ti lo, a yeke kpo ni na nduzu si a yeke bi zo ni na yanga ni. Na pekoni, fade da ti zo ni ayeke ga ndo ti gba ti azende.

Abia (Psaumes) 50:22

Ala so agirisa mbi Nzapa so, ala ma mbi nzoni! Tongaso pepe, mbi yeke suru ya ti ala si mbeni zo ti soo ala ayeke daa pepe.

Abia (Psaumes) 58:7

Nzapa, fâ apembe ti azo so na yanga ti ala; *KOTA GBIA, kungbi abio ti ngbangba ti abamara so!

Daniel 2:12

Gi so gbia ama tënë so, ngonzo alondo na be ti lo tongana wâ. Lo mu yanga titene a fâ azo ti nganga so kue ayeke na Babilone.

Daniel 3:29

Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”

Daniel 4:9

Akugbe ni ayeke pendere si ale ni ayeke gbani gbani. Tongaso kobe ayeke daa ndali ti aye kue. Anyama ti ngonda ayeke lango na gbe ni; andeke ti nduzu ayeke sara ada ti ala na tere ti amaboko ni. Aye so kue ayeke na fini ayeke wara kobe gi na lege ti keke ni.

Ndia ti fani use ni 13:16

fade ala yeke fâ azo ti gbata ni kue, ala yeke fâ nga anyama kue. Na pekoni, ala yeke buba gbata ni na aye ti ya ni kue:

Josué 6:26

Na ngoi ni so, Josué adeba yanga ti lo, atene: “Deba ti KOTA GBIA aga na li ti zo so ayeke londo ti kiri ti leke gbata ti Jéricho so! Lo yeke futa lekengo gere ti gbata ni na fini ti kozo molenge ti lo; lo yeke futa nga lekengo ayanga ti gbata ni na fini ti tanga ti molenge ti lo.”

1 Samuel 15:33

Me Samuel atene na lo: “Yongoro zeme ti mo asara si amama ayeke na vundu ndali ti amolenge ti ala. Fade mama ti mo nga ayeke na vundu ndali ti molenge ti lo.” Tongaso, Samuel afâ Agag na dawa ti KOTA GBIA na Gilgal.