Daniel 2:4 - Mbeti ti Nzapa - Tënë so amu fini

⁴ Ala kiri tënë na lo na yanga ti *arameen, atene: “Gbia na nduzu! Mo fa na e, azo ti kua ti mo, bango-li ni si e fa nda ni na mo.”

Daniel 2:4 Iomraidhean Croise

Tongo nda ti aye 31:47

Laban adi iri ti ndo ni Yegar-Sahaduta. Jacob adi ti lo iri ti ndo ni Galed.

Tongo nda ti aye 41:8

So ndo ahan awe, be ti Faraon agi lo mingi. Tongaso lo tokua titene a iri azo ti nganga kue ti Ezipte nga na azo ti ndara. Lo fa peko ti abango-li ti lo ni na ala, me zo oko ti fango na lo nda ni ayeke daa pepe.

1 Agbia 1:25

Biani, laso, lo gue, lo sara kota matanga, lo fâ akoli-bagara, abagara ti mafuta nga na gba ti ataba na angasa ti mu na sandaga. Lo tisa amolenge ti mo ti koli kue, amakonzi ti aturugu nga na wayango-sandaga Abiatar ti ga daa. Ala yeke te, ala yeke nyon na dawa ti lo si ala yeke tene: ‘E mu gbia Adonia na nduzu!’

1 Agbia 1:31

Batsheba akuku na sese, lo kpo li ti lo na sese na dawa ti gbia si lo tene: “E mu David, gbia ti mbi, na nduzu lakue!”

2 Agbia 18:26

Tongaso Eliakim, molenge ti Hilkia, Shebna na Yoa atene na makonzi ti aturugu ti batango gbia, atene: “E gbu gere ti mo, mo tene tënë na e, azo ti gbe ti mo, na yanga ti arameen, ngbanga ti so e yeke ma ni. Me mo tene tënë ni na yanga ti hebro pepe, ngbanga ti azo so aduti na ndö ti gbagba ti gbata ni.”

Esdras 4:7

Na ngoi so Artakzerses ayeke le-gbia na kodro ti Perse, Bishelam, Mitredat, Tabeel na ambeni mba ti ala asu nga mbeti na gbia Artakzerses. Ala su mbeti ni na yanga ti arameen nga na kode ti sungo agere ti mbeti ti yanga ti arameen.

Néhémie 2:3

Me mbi kiri tënë na gbia, mbi tene: “Gbia na nduzu! Le ti mbi alingbi ti duti na ngia tongana nyen? Gbata so a lu akotara ti mbi daa ati awe si wâ agbi ayanga ti gbagba ni kue awe so!”

Ésaïe 36:11

Tongaso Eliakim, Shebna nga na Yoa atene na makonzi ti aturugu ti batango gbia, atene: “E gbu gere ti mo, mo tene tënë na e, azo ti gbe ti mo, na yanga ti arameen, ngbanga ti so e yeke ma ni. Me mo tene tënë ni na yanga ti hebro pepe, ngbanga ti azo so aduti na ndö ti gbagba ti gbata ni.”

Ésaïe 44:25

Fadeso mbi yeke mingo aye ti dongo be ti azo ti fango nda ti ye na mvene; mbi yeke sara si azo ti bango nda ti aye atene tënë kirikiri. Mbi yeke sara si azo ti ndara akiri na peko; mbi yeke sara si hingango ye ti ala aga buba ye.

Daniel 1:4

Alingbi mbeni ye ti tere ti amaseka-koli ni oko abuba pepe; ala yeke pendere mingi; ala si singo na ndara, ala yeke azo ti hingango mbeti na azo ti hingango ndo. Tongaso, fade ala yeke sara kua na yangbo ti gbia; fade a yeke fa na ala agere ti mbeti nga na yanga ti kodro ti azo ti Babilone.

Daniel 2:7

Ti fani use ni, azo ti nganga ni atene na gbia, atene: “Gbia, mo fa na e, azo ti kua ti mo, bango-li ni si e lingbi ti fa nda ni na mo.”

Daniel 3:9

Ala mu tënë si ala tene na gbia Nabukodonosor, atene: “Gbia na nduzu!

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 4:7

So mbi ngba ti lango na ndö ti gbogbo ti mbi, mbi baa li ti mbi tongaso: Mbi baa mbeni keke so aluti taa na be ti sese; keke ni ayo na nduzu ahon ndoni.

Daniel 4:9

Akugbe ni ayeke pendere si ale ni ayeke gbani gbani. Tongaso kobe ayeke daa ndali ti aye kue. Anyama ti ngonda ayeke lango na gbe ni; andeke ti nduzu ayeke sara ada ti ala na tere ti amaboko ni. Aye so kue ayeke na fini ayeke wara kobe gi na lege ti keke ni.

Daniel 5:10

Mama ti gbia ama tënë ti ye so gbia na akota zo ti lo atene si lo li na ndo so ala yeke sara matanga ni daa. Lo mu tënë si lo tene: “Gbia na nduzu! Ayeke nzoni be ti mo agi mo pepe, le ti mo aga nga nde pepe!

Daniel 5:8

Azo ti nganga ti gbia kue ali na da; me ala ha ti diko mbeti ni gbaa; ala lingbi nga ti fa nda ni na gbia pepe.

Daniel 6:21

So lo yeke ga nduru na du ni, na vundu na be ti lo, lo dekongo ti iri Daniel, lo tene: “Daniel, zo ti kua ti Nzapa so ayeke na fini! Nzapa ti mo so mo ngba ti sara na lo lakue so azi mo na yanga ti abamara ni awe?”

Daniel 6:6

Tongaso azo so atene na popo ti ala, atene: “E yeke wara ande sioni oko ti Daniel pepe si fade e bi tënë na li ti lo ndali ni. E hinga pepe, fade e yeke wara ni na lege ti ndia ti Nzapa ti lo.”

Daniel 6:7

Agbenyogbia use so na amakonzi alondo na loro, ala gue na ndo ti gbia si ala tene na lo, atene: “Gbia Darius, na nduzu!

Matthieu 21:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

1 Samuel 10:24

Samuel atene na azo ni: “Ala baa, zo so KOTA GBIA asoro lo so laa! Na popo ti azo kue, mbeni zo ti lingbi na lo ayeke daa pepe.” Azo kue adekongo na ngia, atene: “E mu gbia na nduzu!”