Daniel 2:2 - Mbeti ti Nzapa - Tënë so amu fini

² Tongaso lo mu yanga titene a iri azo ti nganga, azo ti mazi, azo ti yoro na azo nde nde so ayeke baa nda ti aye. Lo iri ala titene ala fa na lo bango-li so lo baa so. So ala si awe, ala gue na dawa ti gbia

Daniel 2:2 Iomraidhean Croise

Tongo nda ti aye 41:8

So ndo ahan awe, be ti Faraon agi lo mingi. Tongaso lo tokua titene a iri azo ti nganga kue ti Ezipte nga na azo ti ndara. Lo fa peko ti abango-li ti lo ni na ala, me zo oko ti fango na lo nda ni ayeke daa pepe.

Esther 1:13

Tongaso lo gue, lo baa tënë ni na azo so ayeke mu ka na lo wango. Biani, lakue tongana mbeni tënë asi na gbia, lo yeke baa ni na azo so ahinga ndia nga na azo so ayeke gi nda ti atongoro.

Sigingo 7:11

Me gbia Faraon airi azo ti hingango nda ti aye nga na anganga; azo ti mazi ti Ezipte so asara gi mara ti ye so na lege ti mazi ti ala.

Ésaïe 19:3

Fade be ti azo ti Ezipte ayeke woko, mbi yeke buba ya ti apialo ti ala. Tongaso, ala yeke gue ti hunda ayanda, ayingo ti akuâ na azo so ayeke baa nda ti aye.

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Daniel 1:20

Lakue gbia ayeke hunda na ala atënë so ahunda ndara na hingango ye. Nilaa lo baa amaseka-koli osio so ahinga ye fani baleoko ahon azo ti nganga na azo ti yoro so kue ayeke na ya ti kodro ti lo.

Daniel 1:4

Alingbi mbeni ye ti tere ti amaseka-koli ni oko abuba pepe; ala yeke pendere mingi; ala si singo na ndara, ala yeke azo ti hingango mbeti na azo ti hingango ndo. Tongaso, fade ala yeke sara kua na yangbo ti gbia; fade a yeke fa na ala agere ti mbeti nga na yanga ti kodro ti azo ti Babilone.

Daniel 2:10

Azo ti nganga ni atene na gbia, atene: “Gbia, ye so mo hunda so, zo oko na ndö ti sese so alingbi ti sara ni pepe. Mbeni gbia oko, ataa lo yeke kota wala lo yeke ngangu tongana nyen, lo de ti hunda mara ti ye tongaso laoko pepe na mbeni zo ti nganga, wala na mbeni zo ti bango nda ti aye.

Daniel 2:27

Daniel akiri tënë na lo, atene: “Ye ti ndima so gbia ayeke tene tënë ni so, ataa azo ti nganga, ataa azo ti mazi, ataa azo ti yoro, azo ti bango nda ti aye, ala lingbi ti fa ni pepe.

Daniel 3:8

Kete na pekoni, ambeni zo ti Babilone aga si abi tënë na li ti azuife.

Daniel 4:3

Nilaa mbi mu yanga titene a iri azo ti nganga so kue ayeke na Babilone, aga na ala na le ti mbi titene ala fa na mbi nda ti bango-li ni.

Daniel 4:6

‘Beltasar, mo yeke makonzi na li ti azo ti bango nda ti aye kue; mbi hinga, mbi tene, yingo ti anzapa so ayeke nde si ayeke nzoni kue asi mo singo; mbeni ye ti ndima akara mo pepe. Mbi baa li ti mbi, ayeke nzoni mo fa na mbi nda ni.

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

1 Samuel 6:2

Azo ti Filistii airi awayango-sandaga na azo ti bango nda ti aye si atene na ala: “Nyen laa e lingbi ti sara na sanduku ti mbuki ti KOTA GBIA so? Ala fa na e lege so e lingbi ti kiri na ni na ndo so lani ayeke daa.”