Daniel 2:12 - Mbeti ti Nzapa - Tënë so amu fini

¹² Gi so gbia ama tënë so, ngonzo alondo na be ti lo tongana wâ. Lo mu yanga titene a fâ azo ti nganga so kue ayeke na Babilone.

Daniel 2:12 Iomraidhean Croise

Mbeti ti Job 5:2

Biani, songo be laa ayeke fâ zo ti buba; zo so li ti lo ayeke daa pepe, kota be ayeke fâ lo.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Amato 16:14

Tongana ngonzo asara gbia, lo lingbi ti fâ zo; me zo ti ndara alingbi ti de be ti lo.

Amato 19:12

Ngonzo ti gbia ayeke tongana toto ti bamara; me nzoni be ti lo ayeke tongana ngu ti ndö ti pere.

Amato 20:2

Ngonzo ti wâ ti gbia ayeke tongana toto ti bamara so ayeke zia kota mbeto na be ti zo; zo so asara si ngonzo ti gbia alondo, lo gi kuâ na tere ti lo wani.

Amato 29:22

Zo ti ngonzo asara si papa alondo; zo so be ti lo gi wâ wâ asara si siokpari awu ahon ndoni.

Daniel 2:24

Na pekoni, Daniel alondo ague na ndo ti Ariok, lo so gbia amu yanga na lo titene lo fâ azo ti nganga ti Babilone so. So Daniel asi awe, lo tene na Ariok, lo tene: “Mo fâ azo ti nganga so ayeke na Babilone pepe! Mo gue na mbi na gbe ti gbia, fade mbi yeke fa na lo nda ti bango-li ti lo ni.”

Daniel 2:5

Gbia akiri tënë na ala, atene: “Mbi mu yanga awe, mbi tene: Tongana ala fa na mbi bango-li ni pepe si ala fa na mbi nda ni pepe, fade a yeke fâ ya ti ala nduru nduru si ada ti ala aga ndo ti azende.

Daniel 3:13

Tongaso ngonzo ti wâ alondo na be ti Nabukodonosor si lo mu yanga titene ala ga na lo Shadrak, Meshak na Abed-Nego. Azo aga na ala na dawa ti gbia.

Daniel 3:19

Tongaso be ti Nabukodonosor asi na ngonzo ti wâ si le ti lo abe na tere ti Shadrak, Meshak na Abed-Nego. Lo mu yanga titene a sara wâ ni si akiri aza ngangu fani mbarambara, ahon ti so a yeke sara ka lakue.

Daniel 5:19

Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.