Daniel 11:4 - Mbeti ti Nzapa - Tënë so amu fini

⁴ Tongana lo duti ande gbia si gere ti lo agbu sese mbirimbiri awe, ya ti kodro ti lo ayeke fâ si ya ni ayeke kangbi na ndangoro osio ti le ti nduzu. *Ahale ti lo laa ayeke mu kodro ni na peko ti lo pepe. Fade a yeke zi kodro ni na maboko ti lo, a kangbi ni na popo ti ambeni zo nde. Me komandema ti azo ni ayeke lingbi na ti lo pepe.

Daniel 11:4 Iomraidhean Croise

Abia (Psaumes) 39:6

Baa, mo mu na mbi lango ti fini so ayeke nduru tongana ya ti maboko ti mbi. Na le ti mo, fini ti mbi ayeke ye oko pepe. Biani, ataa zo angba ngangu, lo yeke gi pupu senge. Luti kete

Zo ti bongbingo azo 4:8

mbeni zo ayeke daa so lo yeke gi lo oko, mbeni zo ayeke na tere ti lo pepe; lo yeke na molenge pepe, wala na ita pepe. Lo yeke sara kua, lo wu tere pepe; me nzara ti warango mosoro mingi angba na be ti lo. Lo hunda tere ti lo, lo tene: “Akua so kue mbi sara, mbi yeke sara ni ndali ti zo wa?” Mbi gbanzi tere ti mbi ti sara ngia, mbi yeke sara ni ndali ti zo wa? Ye so nga ayeke gi senge senge; so ayeke sioni ye.

Jérémie 12:15

Me na peko ti so mbi gboto ala na ndö ti sese ni awe, mbi yeke kiri ti baa mawa ti azo ni si mbi yeke kiri na zo oko oko na ndö ti sese ti lo nga na ya ti kodro ti lo.

Jérémie 12:17

Me tongana ala ma pepe, fade mbi yeke gboto mara ni so na ndö ti sese ti lo biani biani, mbi yeke hunzi lo”; so tënë ti yanga ti KOTA GBIA laa.

Jérémie 18:7

Mbeni lâ, mbi tene tënë ti mbeni mara wala ti mbeni kodro-gbia, mbi tene: Fade a yeke gboto ala tongana ti so a yeke gboto pere na gunda ni kue; a yeke de ala na sese si a yeke buba ala biani biani.

Jérémie 31:40

Popo-hoto so kue a yeke bi akuâ daa si a yeke tuku amburu ti wâ ti mafuta ti anyama daa, na asenge sese so ague ngbii asi na tere ti ngu ti Sedron, akiri ague ngbii asi na ndangoro ti yanga ti gbagba so iri ni Ambarata, na mbage ti To; asese so kue, fade a yeke zia ni nde ndali ti KOTA GBIA; zo ayeke kiri ti gboto ye daa wala ti kungbi ye daa pepe.”

Jérémie 45:4

Baa, tënë so mo yeke tene na Baruk laa: Tënë so KOTA GBIA atene ayeke so: ‘Ye so mbi leke na nduzu, mbi yeke kungbi ni na sese; ye so mbi lu, mbi yeke gboto ni. Fade mbi yeke sara tongaso na ya ti kodro ni kue.

Jérémie 49:36

Ti londo na Banga asi na Mbongo, nga na To asi na Do, mbi yeke tokua apupu osio ti ga na mbage ti Elam. “Mbi yeke kangbi azo ti Elam na mbage kue. Azo ti Elam so akpe kodro ti ala ti gue na kodro wande, ala yeke duti na ya ti akodro mobimba.

Ezekiel 37:9

Tongaso KOTA GBIA atene na mbi: “Molenge ti zo, tene peko ti tënë ti yanga ti mbi na ndö ti pupu; tene peko ti tënë ti yanga ti mbi, mo tene: Tënë so Kota Gbia NZAPA atene ayeke so: ‘Pupu, londo na andangoro osio ti sese kue, mo ya na ndö ti akuâ so si ala kiri ti duti na fini!’ ”

Daniel 7:2

Lo tene: “Na bi, na ya ti mbeni ye so mbi baa tongana bango-li, mbi baa pupu so alondo na ndangoro osio ti le ti nduzu si ayingi le ti kota ngu-ingo ngangu mingi.

Daniel 7:6

Na pekoni mbi baa ndo, mbi baa mbeni nyama so ayeke tongana ze. Akpangi osio ayeke na ndö ti peko ti lo tongana ti ndeke. Li ti lo ayeke osio si a mu na lo ngangu ti sara komandema.

Daniel 7:8

So mbi ngba ti gbu li ti mbi na ndö ti adidi ni, mo ye ti baa, mbeni fini didi so ayeke kete ato nda ti sigigi na popo ti adidi ni. Na dawa ti kete didi ni, a gboto didi ota ti akozo didi ni. Le ti fini didi ni ayeke daa tongana ti zo si yanga ni ayeke daa so ayeke tene gba ti atënë ti baba.

Daniel 8:22

Kota didi ni afâ si adidi osio asigigi na ndo ni: so ayeke agbia osio so ayeke londo na ya ti kodro ni, me ngangu ti ala ayeke lingbi na ti kozo gbia ni pepe.

Daniel 8:8

Koli-ngasa ni akono mingi. Me so ngangu ti lo ahon ndoni awe, kota didi ti lo ni afâ si akota didi osio asigigi na ndo ni; ala sigigi na ndangoro osio ti le ti nduzu.

Zakarii 2:6

Mbi hunda lo, mbi tene: “Mo yeke gue na ndo wa?” Lo kiri tënë na mbi, lo tene: “Mbi yeke gue ti haka gbata ti Jérusalem, ti hinga yongoro ni na nduru ni.”

Zakarii 6:5

Ange ni akiri tënë na mbi: “Ala yeke andangoro osio ti le ti nduzu. Ala yeke luti ando na dawa ti *KOTA GBIA so ayeke Makonzi ti sese kue; fadeso ala londo ti hon.”

Matthieu 12:25

Jésus ahinga tënë ti be ti ala si lo tene na ala: “Kodro so kue akangbi si azo ni ayeke tiri na popo ti ala, fade kodro ni ayeke buba. Gbata so kue wala sewa so akangbi si azo ni ayeke tiri na popo ti ala alingbi ti ngba pepe.

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

Aye so Nzapa afa 7:1

Na pekoni, mbi baa *a-ange osio, ala yeke luti na ndangoro osio ti sese kue. Ala yeke kanga lege na pupu osio so ayeke ya na ndö ti sese titene pupu ni aya na ndö ti sese, wala na le ti kota ngu-ingo wala na ndö ti akeke pepe.