Daniel 10:8 - Mbeti ti Nzapa - Tënë so amu fini

⁸ Tongaso mbi ngba gi mbi oko si mbi yeke baa kota ye so aga na le ti mbi so. Ngangu ti mbi kue ahunzi; mbeto agbu mbi si mbi ga tongana zo so ayeke kui; mbi woko kue.

Daniel 10:8 Iomraidhean Croise

Tongo nda ti aye 32:31

Jacob adi iri ti ndo so Penuel, ngbanga ti so lo tene: “Mbi baa Nzapa le na le si mbi ngba na fini.”

Sigingo 3:3

Moïse atene na be ti lo: “Mbi yeke ngoro ti gue ti baa kota ye ti ndima so. Ngbanga ti nyen si wâ agbi keke ni pepe so?”

Daniel 10:16

Me mbeni ye so akpa zo andu poro ti yanga ti mbi; yanga ti mbi azi si mbi to nda ti tene tënë. Mbi tene na zo so aluti na dawa ti mbi so, mbi tene: ‘Babâ, ye so mbi baa tongana bango-li so asara si be ti mbi ayeke na siriri pepe; mbi woko kue awe.

Daniel 10:17

Mbi yeke gi senge zo ti kua ti babâ. Mbi lingbi ti tene tënë na zo tongana mo so tongana nyen? Baa fadeso, mbi yeke na ngangu pepe si pupu ti ya ti mbi ayeke nga daa pepe!’

Daniel 7:28

“Tënë ni ahunzi na ndo so. Me ti mbi Daniel, be ti mbi agi mbi mingi, mbi woko kue si mbi ngba ti gbu li ti mbi daa.”

Daniel 8:27

Tongaso, mbi Daniel, mbi woko kue si mbi ti na kobela aninga lango kete. Na pekoni, so tere ti mbi akai awe, mbi kiri na kua so gbia amu na mbi. Mbeto asara mbi mingi ndali ti ye so mbi baa na ya ti mbeni ye tongana bango-li so, ngbanga ti so mbi ma ya ni pepe.”

Daniel 8:7

Mbi baa lo ga nduru na tere ti koli-taba ni; ngonzo alondo na be ti lo tongana wâ na tere ti lo. Lo pika koli-taba ni si lo fâ adidi ti lo use so. Me koli-taba ni ayeke na ngangu pepe ti gbu le ni na koli-ngasa ni. Lo bi lo na sese, lo do lo si zo oko so alingbi ti zi koli-taba ni na gbe ti koli-ngasa ni ayeke daa pepe.

Habakuk 3:16

Mbi ma tënë ti aye so si li ti mbi kue akpe. Toto ti aye ni asara si yanga ti mbi ado dongo, bio ti mbi awoko kue, gere ti mbi awoko kue, mbi lingbi ti luti na nduzu pepe. Mbi duti kpoo ti ku lango ti ye ti vundu ni, ti ku lango ti gue ti tiri bira na azo so ayeke sara ngangu na e.

Matthieu 17:6

So adisiple ama go so, mbeto ahon ndö ti ala, ala ti na sese si ala honde le ti ala.

Marc 9:6

Biani, lo hinga tënë so lo ye ti tene pepe, ngbanga ti so mbeto agbu lo mingi, lo na tanga ti azo ni.

Jean 16:32

Baa, ngbonga ayeke ga si ngbonga ni alingbi awe so ala kue ayeke kangbi kirikiri, zo oko oko ayeke hon ti zia gi mbi oko. Me mbi yeke gi mbi oko pepe, ngbanga ti so Babâ ayeke na mbi.

2 Korente 12:7

Aye so Nzapa afa na mbi si mbi baa ni so ayeke aye ti ndima. Titene mbi gonda tere ti mbi ndali ti aye ni pepe, Nzapa azia mbeni ye tongana ki na ya ti tere ti mbi: ki ni ayeke tongana mbeni zo so Satan atokua lo ti pika mbi si mbi gonda tere ti mbi pepe.

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,