Daniel 10:5 - Mbeti ti Nzapa - Tënë so amu fini

⁵ So mbi yo le ti mbi na nduzu, mbi baa mbeni zo aluti, lo yu bongo ti *len si kamba ti ndö ti bongo ti lo ayeke na lôro ti nzoni ni.

Daniel 10:5 Iomraidhean Croise

Ésaïe 11:5

Fade sarango ye ti mbirimbiri ayeke duti tongana kamba ti ndö ti bongo ti lo, sarango ye lakue na legeni ayeke duti tongana kamba so lo kanga na ngbonda ti lo.

Jérémie 10:9

A mu wen ti nginza so a pika ni pikango na Tarsis si a ga na ni; a mu nga lôro so alondo na Ufaz si a sara na ayanda ni. Zo ti sarango ye na kode laa aleke ni, wakode-kua ti lôro abaa lege ni. Na pekoni, ala yu na ayanda ni bongo so nzoroko ni akpa le ti nduzu, wala bongo so abe bengo. Andaa wakode-kua laa asara aye so kue.

Ezekiel 9:2

Tongaso mbi baa akoli omene alondo na yanga ti kota da ti Nzapa si ayeke ga; yanga ti da so ayeke na mbage ti nduzu si ayeke baa le na mbage ti Banga so. Zo oko oko ayeke na ye ti bira ti bubango na ye na maboko ti lo. Na popo ti ala, mbeni koli ayeke daa so ayu bongo ti *len; lo yoro ye ti sungo na mbeti na gbe ti kamba ti ndö ti bongo ti lo. Akoli ni kue aga aluti na tere ti gbalaka so a sara ni na bengba wen.

Zakarii 1:8

Na bi so, na ya ti mbeni ye tongana bango-li, mbi baa mbeni koli so aduti na ndö ti mbeni mbarata so tere ti lo abe bengo. Mbarata ni ayeke luti na popo ti akeke ti mirte, na popo-hoto, na gbeni kâ. Na peko ti lo, ambeni mbarata ni ayeke daa so tere ti ala abe bengo, tere ti ala avuru tuuu si tere ti ala avuru vurungo.

Efeze 6:14

Ala luti na nduzu! Ala kanga taa-tënë tongana kamba ti ndö ti bongo ti ala; ala yu sarango ye ti mbirimbiri tongana kazaka ti wen;

Josué 5:13

Mbeni lâ, Josué ayeke nduru na gbata ti Jéricho. Lo ye ti baa ndo tongaso, lo baa mbeni koli ayeke luti na dawa ti lo. Koli ni agbu mbeni yongoro zeme so lo zi ni na ya ti bozo ni awe. Josué ague na tere ti lo si ahunda lo: “Mo yeke na mbage ti e wala mo yeke na mbage ti awato ti e?”