Daniel 1:9 - Mbeti ti Nzapa - Tënë so amu fini

⁹ Nzapa asara si makonzi ti ambaiwa ni asara nzoni be na Daniel. Lo sara na Daniel alingbi na ye so Daniel ahunda.

Daniel 1:9 Iomraidhean Croise

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Tongo nda ti aye 39:21

*KOTA GBIA ayeke na Joseph, lo sara nzoni be na Joseph; lo sara titene makonzi ti da ti kanga ni abaa Joseph na nzoni le.

1 Agbia 8:50

Siokpari so ala sara ti ke mo, mo zi tënë ni na li ti ala. Asioni so kue ala sara ti ke mo, mo zi tënë ni na li ti ala; mo zia lege na azo so agbu azo ti mo si ague na ala na kodro wande titene ala baa mawa ti azo ti mo.

Néhémie 1:11

KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Néhémie 2:4

Gbia atene na mbi: “Mo ye nyen?” Mbi sambela Nzapa ti yayu.

Esther 2:9

Tënë ti Esther agbu be ti Hege mingi, tongaso lo sara nzoni be na lo. Gi hio tongaso, lo mu na lo aye ti sarango na pendere ti lo nga na anzoni kobe. Lo mu nga na lo amaseka-wali mbarambara so lo soro ala na popo ti azo ti kua ti yangbo ti gbia titene ala duti azo ti kua ti Esther. Hege azia lo titene lo na azo ti kua ti lo ni alango ti ala na ya ti da ti awali; da ni apendere ahon ti tanga ti awali ni kue.

Mbeti ti Job 5:15

Me zo so be ti lo awoko, Nzapa asoo lo na maboko ti azo ni; lo zi wayere na maboko ti azo ti ngangu.

Mbeti ti Job 5:16

Fadeso, zo so ayeke na ngangu pepe, lo lingbi ti zia be ti lo ti ku ye ti nzoni; zo so ayeke sara sioni, yanga ti lo akanga.

Abia (Psaumes) 106:46

Lo sara si azo so agbu ala si ague na ala na kodro wande, azo ni akiri abaa mawa ti ala.

Abia (Psaumes) 4:3

Ala azo, ala yeke ngba ti buba iri ti mbi ngbii asi lawa? Ala yeke ye gi asenge senge ye ngbii asi lawa? Ala yeke zia lege ti kpengo na peko ti aye ti mvene ngbii asi lawa? Luti kete

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Daniel 1:10

Me lo tene na Daniel, lo tene: “Gbia wani laa amu yanga titene a mu na ala kobe so ala lingbi ti te na samba so ala lingbi ti nyon. Mbeto asara mbi ngbanga ti so, tongana lo baa si ala nge ahon amba ti ala so ngu ti ala ayeke oko na ala, fade lo yeke fâ go ti mbi ndali ti ala.”

Awatokua 7:10

Nzapa azi lo na ya ti aye ti ngangu so kue asi na lo. So Joseph asi na gbe ti Faraon, gbia ti Ezipte, Nzapa amu na lo ndara si lo sara titene gbia ni abaa lo na nzoni le. Tongaso gbia ni azia Joseph ti sara komandema na ndö ti Ezipte nga na ndö ti aye ti da ti lo kue.