Ahebro 1:2 - Mbeti ti Nzapa - Tënë so amu fini

² Me na ngoi ti ndani so e yeke daa, lo tene tënë na e na lege ti Molenge ti lo. Nzapa asara dunia mobimba na lege ti Molenge si lo zia Molenge ni titene aye kue aga ti lo.

Ahebro 1:2 Iomraidhean Croise

Tongo nda ti aye 49:1

Jacob airi amolenge ti lo ti koli si lo tene na ala: “Ala bongbi tere ti ala titene mbi fa na ala ye so ayeke si na ala gbanda.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 45:12

Mbi laa mbi sara sese si mbi sara zo na ndö ni. Maboko ti mbi wani laa agbara le ti nduzu si mbi yeke sara komandema na ndö ti aye ti le ti nduzu kue kue kue.

Ésaïe 45:18

*KOTA GBIA asara yayu; lo yeke Nzapa so lo sara sese, lo leke ni, lo sara si akpengba. Lo sara sese ni titene ndö ni angba senge pepe, lo sara ni titene azo alango daa. Tënë so lo tene ayeke so: “Mbi laa mbi yeke KOTA GBIA, mbeni nde ayeke daa pepe.

Jérémie 30:24

Ngonzo ti wâ ti KOTA GBIA ayeke kai ande pepe, ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 48:47

Me mbeni lâ, fade mbi yeke sara titene Moab akiri na kozo ndo ti lo; so tënë ti yanga ti KOTA GBIA laa.” Ngbanga so KOTA GBIA afâ na li ti Moab, tënë ni ahunzi na ndo so.

Ezekiel 38:16

Mo yeke ga ti tiri bira na Israel, azo ti mbi. Mo yeke kanga ndö ti kodro ti ala tongana ti so mbinda ayeke kanga ndö ti sese. Ye ni ayeke si ande na lango ti ndani. Fade mbi yeke tokua mo ti gue ti tiri bira na kodro ti mbi. Tongaso si amara nde ahinga atene, mbi yeke Nzapa so mbi yeke nde si mbi yeke nzoni kue. Mbi yeke fa ye ni na ala na lege ti mo, Gog.

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Daniel 2:28

Me na yayu kâ, mbeni Nzapa ayeke daa so ayeke fa nda ti aye ti ndima. Gbia Nabukodonosor, lo laa lo yeke fa na mo ye so ayeke si gbanda. Baa, ye so mo baa na ya ti bango-li na ndembe so mo yeke na ndö ti gbogbo ti mo so ayeke tongaso:

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Mishe 4:1

“Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara ayeke gue kâ tongana ngu so ayeke sua.

Wungo ti azo 24:14

Fadeso, mbi yeke kiri na kodro ti mbi. Ga, mbi fa na mo kozoni ye so azo ti Israel ayeke sara ande na azo ti kodro ti mo na ya ti alango so ayeke ga.”

Matthieu 13:39

wato so alu asioni pere ni ayeke Zabolo; ngoi ti fango ale ti kobe ni ayeke lango ti ndani; azo ti fango ale ti kobe ni ayeke *a-ange.

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Matthieu 21:38

Me so azo ti fango yaka ni abaa molenge ni, ala tene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ti lo aga ti e!’

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Marc 1:1

Nzoni Tënë na ndö ti Jésus Christ, Molenge ti Nzapa ato nda ni tongaso:

Marc 12:6

Oko zo so angba na wa ti yaka ni ayeke gi molenge ti lo so lo ye lo mingi. Lo tokua lo na azo ti fango yaka ni si lo tene na be ti lo, lo tene: ‘Fade ala yeke kpe mbeto ti molenge ti mbi.’

Marc 12:7

Me azo ti fango yaka ni atene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ni aga ti e!’

Jean 1:10

Tënë ni ayeke na dunia so. Na lege ti lo laa dunia abaa gigi, me azo ti dunia ahinga lo pepe.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 1:3

Na lege ti lo laa aye kue abaa gigi, mbeni ye so abaa gigi na mbeni lege nde ayeke daa pepe.

Jean 13:3

Jésus ahinga so Babâ azia aye kue na maboko ti lo. Lo hinga nga so lo londo na Nzapa, lo ga si lo yeke kiri ande na Nzapa.

Jean 13:32

[So Nzapa awara gonda na lege ti lo,] fade Nzapa wani laa ayeke fa na le ti azo gonda ti Molenge ti lo; lo ga nduru ti sara ni awe.

Jean 15:15

Mbi yeke kiri ti iri ala azo ti kua pepe, ngbanga ti so zo ti kua ahinga ye so makonzi ti lo ayeke sara pepe. Me mbi iri ala amba ti mbi so mbi na ala e ye tere, ngbanga ti so mbi fa na ala aye so kue mbi ma na yanga ti Babâ.

Jean 16:15

Ye so kue Babâ ayeke na ni, ayeke ti mbi. Ndani laa mbi tene: ‘Fade Yingo ayeke wara ye so ayeke ti mbi si lo yeke tene na ala.’ ”

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Jean 3:25

Andaa papa alondo na popo ti adisiple ti Jean na mbeni zuife na ndö ti tënë ti *sukulango sioni.

Jean 5:26

Babâ ni ayeke na ngangu ti mu fini na zo, Molenge ni nga ayeke na ngangu ti mu fini na zo, ngbanga ti so Babâ amu na lo ngangu ni awe.

Jean 5:27

Tongaso lo mu ngangu ti fango ngbanga na Molenge ni, ngbanga ti so Molenge ni ayeke *Molenge ti Zo.

Jean 9:29

E hinga so Nzapa atene tënë na Moïse, me ti koli so, e hinga ndo so lo londo daa si lo ga pepe.”

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

Awatokua 2:17

‘Nzapa atene: Na ya ti alango ti ndani, fade mbi yeke sara titene Yingo ti mbi aga na ndö ti azo kue; amolenge ti ala ti koli na ti wali ayeke tene peko ti tënë ti yanga ti mbi, amaseka ti ala ti koli ayeke baa aye na ya ti mbeni ye tongana bango-li, ambakoro ti ala ayeke baa li ti ala.

Rome 1:4

Me na lege ti Yingo-Vuru, zingongo ti lo na popo ti akuâ afa na ngangu so lo yeke Molenge ti Nzapa: Jésus Christ, *Kota Gbia ti e.

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

1 Korente 2:7

Mbi yeke fa tënë ti ndara ti Nzapa so zo ahinga ni pepe, so lo honde ni na azo. Nzapa aleke tënë ti ndara ni kozo si dunia abaa gigi, ti sara si e wara gonda daa.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

Efeze 1:10

Lo leke na be ti lo titene, tongana lango ni alingbi awe, lo yeke bongbi ye kue ti yayu na ti sese na gbe ti makonzi oko so ayeke Christ.

Efeze 3:9

Lo mu nga na mbi lege ti fa polele na azo kue lege so Nzapa ayeke sara titene aye so lo leke na hondengo ni ayeke si ande. Aye ni so, Nzapa so asara ye kue, lo honde tënë ni na be ti lo na ngoi kue.

Ndia ti fani use ni 18:15

Fade KOTA GBIA Nzapa ti ala ayeke sara titene mbeni wayanga-Nzapa tongana mbi, abaa gigi na popo ti ala; lo yeke duti mbeni ita ti ala. Fade ala yeke ma yanga ti lo!

Ndia ti fani use ni 31:29

Biani, mbi hinga, mbi tene, na peko ti kuâ ti mbi, fade azo ti Israel ayeke ti na ya ti siokpari, ala yeke zia lege so mbi fa na ala. Gbanda, fade ye ti vundu ayeke si na ala ndali ti asioni ye so kue ala yeke sara ti so be ti KOTA GBIA nga na aye so be ti lo ake ni.”

Ndia ti fani use ni 4:30

Gbanda, tongana ye so kue mbi tene tënë ni na ala so asi na ala si ye ti vundu asi na ala, ala yeke kiri na mbage ti KOTA GBIA Nzapa ti ala si ala yeke ma yanga ti lo.

Ahebro 1:5

Biani, laoko Nzapa atene mbeni tënë tongaso na mbeni ange pepe: “Mo yeke molenge ti mbi, laso mbi ga Babâ ti mo awe.” Laoko lo tene nga mbeni tënë tongaso na ndö ti mbeni ange pepe: “Fade mbi yeke duti Babâ ti lo si lo yeke duti molenge ti mbi.”

Ahebro 1:8

Me ti molenge ti lo, Nzapa atene: “O Nzapa, mbata ti mo ti gbia ayeke ngba kpu na kpu! Na ya ti kodro-gbia ti mo, mo yeke sara komandema na legeni.

Ahebro 11:3

Na lege ti mabe si e hinga, e tene, dunia abaa gigi na lege ti tënë ti yanga ti Nzapa. So aye ti fa atene, ye so le ti zo ayeke baa, alondo na lege ti ye so le ti zo abaa pepe.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Ahebro 5:8

Ataa so lo yeke Molenge ti Nzapa, lo ga zo ti mango yanga ti Nzapa na lege ti pasi so kue lo baa.

Ahebro 7:28

Azo so Ndia ti Moïse amu na ala lege ti ga akota wayango-sandaga, ala yeke azo so alingbi kue pepe; me na peko ti Ndia ni, Nzapa adeba yanga ti lo si lo mu Molenge ti lo ti ga kota wayango-sandaga so alingbi kue kpu na kpu.

Ahebro 7:3

Babâ ti lo na mama ti lo ayeke daa pepe, akotara ti lo ayeke nga daa pepe. Zo ahinga lango ti dungo lo wala lango ti kuâ ti lo pepe. Lo yeke tongana Molenge ti Nzapa: lo yeke sara kua ti wayango-sandaga kpu na kpu.

Ahebro 9:26

Tongana ye ni ayeke fade tongaso, ngbene ye so dunia abaa gigi, ka Christ abaa pasi fani mingi awe. Me so lango ti ndani aga nduru awe, Christ asi fani oko biani biani titene lo zi asiokpari ti azo na lege ti mene ti lo wani.

1 Pierre 1:20

Nzapa asoro Christ kozoni si dunia abaa gigi. Na ngoi ti ndani, lo fa Christ na le ti azo kue ndali ti nzoni ti ala, a-ita.

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

Jude 1:18

Awatokua ni atene na ala: “Na lango ti ndani, azo ayeke he ala na ngia, azo ti sioni so ayeke sara ye alingbi gi na asioni nzara ti be ti ala.”