Aggée 1:6 - Mbeti ti Nzapa - Tënë so amu fini

⁶ Ala lu kobe mingi, me ala fâ ni gi kete; ala yeke te kobe, me ya ti ala ayeke si pepe; ala yeke nyon vin, me tere ti ala ayeke nzere pepe; ala yeke yu bongo, me tere ti ala ayeke mu wâ pepe. Zo ti kua ayeke wara futa ti lo, me nginza ni ayeke li gi na ya ti bozo so akoro awe.

Aggée 1:6 Iomraidhean Croise

2 Samuel 21:1

Na ngoi ti lengo-gbia ti David, kota nzara ati na ya ti kodro, asara ngu ota. David ahunda *KOTA GBIA si KOTA GBIA akiri tënë na lo, atene: “Ye ni asi ndali ti so Saul na asewa ti lo afâ azo ti gbata ti Gabaon.”

1 Agbia 17:12

Wali ni akiri tënë na lo: “KOTA GBIA, Nzapa ti mo ayeke na fini! Ataa kete nduru mapa, mbi yeke na ni pepe; ye so angba na mbi ayeke gi kete farini na ya ti ta na kete mafuta na ya ti ngbenda. Mbi ga ti ro anduru keke use; mbi yeke kiri na da ti leke ye so angba ndali ti mbi na molenge ti mbi ti koli. Na pekoni, e yeke kui.”

Néhémie 5:2

Ambeni atene: “E na amolenge ti e ti koli na ti wali, e yeke mingi. E ye ti wara *ble ti te si e ngba na fini.”

Mbeti ti Job 20:22

Tongana zo ti sioni awara ye ahon ndoni, mbeto ayeke sara lo, ye ti vundu ayeke ti na ndö ti lo.

Mbeti ti Job 20:28

Na lango so Nzapa ayeke tokua ngonzo ti lo, ngu ayeke suku mingi, amu aye ti lo ahon na ni.

Abia (Psaumes) 107:34

sese so kobe ale daa nzoni aga sese ti ingo ndali ti sioni ti azo ti kodro ni.

Amato 11:24

Ambeni zo ayeke mu ye mingi na amba ti ala si ala ga azo ti mosoro ahon ndoni. Me ambeni zo agbanzi ye gi ndali ti ala wani si ala ga awayere.

Ésaïe 5:10

Tongana ala fâ kota yaka ti vinye so akono hektare ota, fade ala yeke wara gi litere baleoku ti vin; tongana ala lu kilo ngbangbo oko ti ble, fade ala yeke wara gi kilo baleoko.”

Jérémie 12:13

Ala lu *ble, me ala wara akeke ti ki. Ala baa pasi senge senge, ye ti peko ni ayeke daa oko pepe. Aye so ala wara so aga ye ti kamene na ala ndali ti ngonzo ti wâ ti KOTA GBIA.

Jérémie 14:4

Sese kue asuru surungo, ngbanga ti so ngu apika pepe. Tongaso, kamene agbu le ti azo ti fango yaka si ala ba li ti ala na sese.

Jérémie 44:18

Me ngbene ye so e zia lege ti mu sandaga ti dukani si e zia ti tuku samba ti mu na sandaga na gbia-wali ti yayu, ye kue atia e si e yeke kui na lege ti bira nga na kota nzara.”

Osée 4:10

Ala yeke te kobe, me ya ti ala ayeke si pepe; ala yeke sara aye ti ndumba, me ala yeke du amolenge pepe, ngbanga ti so ala ke ti ne KOTA GBIA.

Osée 8:7

So ala yeke gi kete pupu, fade ala yeke wara kota pupu ti ngu-Nzapa. Mbeni *mato atene: “Tongana *ble ale pepe, zo ayeke wara farini pepe”. Ataa ble ni ale kete, awande laa ayeke te ni kue.

Awayango-sandaga 26:20

Ala yeke hunzi ngangu ti ala na sarango kua senge senge; sese ti ala ayeke du ale ti kobe oko pepe, akeke ti kodro ni ayeke du alengo ni oko pepe.

Awayango-sandaga 26:26

Mbi yeke gbanzi na ala kobe; awali baleoko alingbi ti to kobe ti ala na ya ti duke oko; awali ni ayeke mu kobe ni gi kete kete ti ga na ni na ala, ala yeke te ni, me ya ti ala ayeke si pepe.

Aggée 1:10

Ndani laa ngu-Nzapa ake ti pika si sese ake ti mu ale ti kobe.

Aggée 1:5

Tënë so KOTA GBIA so ayeke na ndö ti dunia kue atene ayeke so: Fadeso, ala gbu li ti ala nzoni na ndö ti aye so ayeke si na ala.

Aggée 1:7

Tënë so KOTA GBIA so ayeke na ndö ti dunia kue atene ayeke so: Ala gbu li ti ala nzoni na ndö ti aye so ayeke si na ala.”

Aggée 1:9

Ala ku fade ti wara kobe ti yaka mingi, me ala wara ni gi kete. Kete ni so angba na ala so, mbi huru ni si ahon kue. Ye ni asi tongaso ndali ti nyen? So tënë ti yanga ti KOTA GBIA so ayeke na ndö ti dunia kue laa: Ye ni asi ndali ti so kota da ti mbi abuba, me zo oko oko amu ngangu ti lo kue ti sara gi da ti lo wani.

Aggée 2:16

nyen laa asi na ala, nyen? Mbeni zo abaa ti lo atene, ni yeke gue ti mu sakpa ti kobe baleuse na ya ti gogoro, me lo wara gi sakpa baleoko. Mbeni zo apete vin ti lo na ya ti du, lo baa ti lo, lo tene, ni yeke wara litere baleoku, me lo wara gi litere baleuse.

Aggée 2:17

Mbi pika ala si akua ti maboko ti ala kue abuba; mbi sara si akobe ti yaka ti ala ahole si afun, *pembe ti bekpa ati na ndö ti akobe ni si abuba ni. Me ala kiri na mbage ti mbi pepe; so tënë ti yanga ti KOTA GBIA laa.

Zakarii 5:4

So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Zakarii 8:10

Kozoni, zo ayeke wara futa ti kua ti lo pepe, nyama ayeke wara nga futa ti kua ti lo pepe. Ndali ti awato, azo alingbi ti fono na siriri pepe. Biani, mbi zia zo oko oko ti tiri na mba ti lo.

Malashii 2:2

Tënë so *KOTA GBIA so ayeke na ndö ti dunia kue atene laa: “Tongana ala ma tënë ti mbi pepe, tongana ala sara si tënë ti nengo mbi agbu be ti ala pepe, fade mbi yeke deba ala si tufa so mbi ye ti sara na ndö ti ala, mbi yeke sara titene akiri aga deba. Biani, fade mbi yeke deba ala, ngbanga ti so tënë ti gbotongo mê so mbi gboto mê ti ala agbu be ti ala pepe.

Ndia ti fani use ni 28:17

Deba ayeke ga na ndö ti asakpa ti ale ti kobe ti ala nga na ndö ti ata ti kobe ti ala.