Aggée 1:5 - Mbeti ti Nzapa - Tënë so amu fini

⁵ Tënë so KOTA GBIA so ayeke na ndö ti dunia kue atene ayeke so: Fadeso, ala gbu li ti ala nzoni na ndö ti aye so ayeke si na ala.

Aggée 1:5 Iomraidhean Croise

Abia (Psaumes) 48:13

Azo, ala tambula angoro gbagba ti Sion; ala diko akota da so ayo na nduzu, ada so asanziri ayeke duti daa.

Sigingo 7:23

Faraon azia peko na ala, lo kiri na ndo ti lo si lo baa ye ni tongana senge ye na le ti lo.

Sigingo 9:21

Me ambeni abaa tënë ni tongana mbumbuse ye; ala zia azo ti kua ti ala na anyama ti ala na yaka.

Abia ti demango tere 3:40

E baa lege ti sarango ye ti e mbirimbiri, e gi ti hinga nda ni nzoni, na pekoni e kiri na mbage ti KOTA GBIA.

Ezekiel 18:28

Tongana li ti lo aga daa, lo baa aye ti sioni ti lo tongana sioni ye si lo zia lege ni, biani, lo yeke ngba na fini, lo yeke kui pepe.

Ezekiel 40:4

Koli ni atene na mbi: “*Molenge ti zo, zi le ti mo, mo baa ndo nzoni, zi mê ti mo, mo ma tënë nzoni; le ti mo angba na ndö ti ye so mbi yeke fa na mo. Biani, a ga na mo ge titene mo baa ye ni. Aye so kue mo baa so, fade mo yeke fa peko ni na azo ti Israel.”

Daniel 10:12

Lo kiri lo tene: ‘Daniel, sara mbeto pepe. Ti londo na kozo lango so lani mo mu be ti mo titene mo hinga ye so asi si mo sara tere ti mo kete so, Nzapa ama sambela ti mo awe. Nilaa mbi ga na mbage ti mo ti kiri tënë na mo.

Daniel 6:14

Awato ti Daniel akiri atene na gbia: “Gbia, Daniel, oko ti azo ti Juda so a gbu ala si a ga na ala so, lo baa mo tongana senge ye. Lo baa nga mbela so mo su maboko ti mo na gbe ni tongana senge ye: na ya ti lango oko, lo yeke sambela Nzapa ti lo fani ota.”

Aggée 1:4

“Ngoi titene ala lango na ya ti ada ti ala so ala leke ni pendere pendere laa si kota da ti mbi, KOTA GBIA abuba kue so?

Aggée 1:6

Ala lu kobe mingi, me ala fâ ni gi kete; ala yeke te kobe, me ya ti ala ayeke si pepe; ala yeke nyon vin, me tere ti ala ayeke nzere pepe; ala yeke yu bongo, me tere ti ala ayeke mu wâ pepe. Zo ti kua ayeke wara futa ti lo, me nginza ni ayeke li gi na ya ti bozo so akoro awe.

Aggée 1:7

Tënë so KOTA GBIA so ayeke na ndö ti dunia kue atene ayeke so: Ala gbu li ti ala nzoni na ndö ti aye so ayeke si na ala.”

Nzoni Tënë so Luc asu na mbeti 15:17

Tongaso lo to nda ti gbu li ti lo si lo tene na be ti lo, lo tene: ‘Kobe ti tengo ni asi singo na azo ti kua ti babâ ti mbi si mbi yeke kui nzara ge so!

2 Korente 13:5

Ala wani abaa be ti ala nzoni, ala gi ti hinga biani wala ala yeke duti na lege ti mabe. Ala hinga pepe atene, Jésus Christ ayeke na be ti ala? Tongana ye ni ayeke tongaso, ye so afa atene, ala yeke na mabe ayeke daa pepe.

Galasii 6:4

Ayeke nzoni zo oko oko agbu li ti lo na ndö ti sarango ye ti lo wani. Titene lo gonda tere ti lo ndali ti mbeni ye, ayeke nzoni lo wara ye ni na ya ti fini ti lo wani, me lo haka sarango ye ti lo na ti mbeni zo pepe.