Aggée 1:4 - Mbeti ti Nzapa - Tënë so amu fini

⁴ “Ngoi titene ala lango na ya ti ada ti ala so ala leke ni pendere pendere laa si kota da ti mbi, KOTA GBIA abuba kue so?

Aggée 1:4 Iomraidhean Croise

2 Samuel 7:2

gbia atene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti Nzapa ayeke lango na gbe ti da ti bongo.”

2 Agbia 5:26

Élisée atene na lo: “Na ndembe so mbeni zo alondo hio na ndö ti pusu ti ambarata ti lo ti ga ti wara mo so, mo hinga, mo tene, mbi yeke fade daa na lege ti yingo pepe? Ngoi titene mo mu abongo wala mo mu nginza ti vo na yaka ti a-olive na ti *vinye laa pepe; wala titene mo vo na ataba, abagara nga na azo ti kua ti koli na ti wali laa pepe!

Abia (Psaumes) 102:14

Mo ye *Sion; fade mo yeke londo ti sara na lo, ngbanga ti so ngoi ti baa mawa ti lo asi awe. Biani, taa ngoi ni alingbi awe!

Abia (Psaumes) 74:7

Ndo ti mo so ayeke nde si ayeke nzoni kue so, ala zia wâ daa si agbi; da so iri ti mo ayeke na ndö ni so, ala kungbi ni na sese, ala sara si aga *sioni.

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Jérémie 22:14

Mo tene: ‘Mbi ye ti leke ndali ti mbi mbeni da so akono mingi, aya ni akono ahon ndoni.’ Mo zi afenetere daa; adere ti da ni kue gi na keke ti sedre si mo zia bengba mbamba na tere ni!

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Jérémie 26:6

Tongana ala ma pepe, fade mbi yeke buba kota da ti Nzapa so, tongana ti so mbi buba ti Silo. Mbi yeke sara si gbata ti Jérusalem aga tapande ti dengo ba ndali ti amara ti sese kue.’ ”

Jérémie 33:10

Tënë so KOTA GBIA atene ayeke so: “Ala azo ti Juda, ala yeke tene: ‘Hoo, ndo so abuba kue awe! Azo na anyama ayeke daa mbeni pepe!’ Taa-tënë, agbata ti Juda nga na ndö ti abalabala ti Jérusalem ade dengo; zo ayeke lango na ya ti gbata ni oko pepe, azo na anyama ayeke daa pepe. Biani, na ya ti kodro so, a yeke kiri ti ma

Jérémie 33:12

Tënë so KOTA GBIA so ayeke na ndö ti dunia kue atene ayeke so: “Na ya ti kodro so abuba kue awe so, so azo na anyama ayeke daa pepe so, na ya ti agbata ni kue, ndo ayeke kiri ti duti daa ndali ti awabatango-taba, ndo titene ala zia ataba na angasa ti ala daa ti wu tere.

Jérémie 52:13

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

Abia ti demango tere 2:7

Be ti KOTA GBIA akiri aye gbalaka ti asandaga ti lo mbeni pepe; lo ke kota da ti lo awe. Agbagba ti ada ti makonzi ti Sion so, KOTA GBIA azia ni na maboko ti awato awe. Mo ma go ti azo kirikiri na ya ti kota da ti KOTA GBIA, mo baa mo tene lango ti matanga laa.

Abia ti demango tere 4:1

Azo-oo, azo! Pendere ti lôro alondo daa awe; lôro ti nzoni ni akiri aza oko pepe! Atêne so a zia ni nde ndali ti Nzapa atuku kirikiri amu ya ti kodro ni kue!

Ezekiel 24:21

Tene na azo ti Israel, mo tene: Tënë so Kota Gbia NZAPA atene ayeke so: Mbi yeke sara si ndo so a zia ni nde ndali ti mbi aga sioni. Andaa da ti mbi ni ayeke ye so ala yeke pika kate ti ala ndali ni, ye so apendere na le ti ala, ye so ala zia be ti ala daa ndali ti fini ti ala. Amolenge ti ala ti koli na ti wali so ala zia ala na Jérusalem, fade a yeke fâ ala na yongoro zeme.

Awayango-sandaga 19:25

Na oku ngu ni, fade ala lingbi ti te le ti akeke ni senge. Tongana ala sara tongaso, fade ale ti kobe ti ala ayeke gue guengo na nduzu. Mbi laa mbi yeke KOTA GBIA, Nzapa ti ala.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Aggée 1:3

Tënë ti KOTA GBIA asi na wayanga-Nzapa Aggée titene lo tene peko ni, lo tene:

Aggée 1:5

Tënë so KOTA GBIA so ayeke na ndö ti dunia kue atene ayeke so: Fadeso, ala gbu li ti ala nzoni na ndö ti aye so ayeke si na ala.

Aggée 1:9

Ala ku fade ti wara kobe ti yaka mingi, me ala wara ni gi kete. Kete ni so angba na ala so, mbi huru ni si ahon kue. Ye ni asi tongaso ndali ti nyen? So tënë ti yanga ti KOTA GBIA so ayeke na ndö ti dunia kue laa: Ye ni asi ndali ti so kota da ti mbi abuba, me zo oko oko amu ngangu ti lo kue ti sara gi da ti lo wani.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Filipe 2:21

Atanga ti azo ni kue ayeke gi gi nzoni ti ala wani; ala yeke gi nzoni ti Jésus Christ pepe.