Aggée 1:10 - Mbeti ti Nzapa - Tënë so amu fini

¹⁰ Ndani laa ngu-Nzapa ake ti pika si sese ake ti mu ale ti kobe.

Aggée 1:10 Iomraidhean Croise

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 8:35

“Tongana le ti nduzu akanga si ngu-Nzapa apika pepe, ngbanga ti so azo ti Israel asara siokpari so ake mo, tongana ala baa ndo na mbage ti da so ti sambela mo, tongana ala sepela mo si ala zia lege ti siokpari ti ala, ngbanga ti so mo sara ngangu na ala,

Osée 2:9

Lo yeke tumba peko ti andeko ti lo, me lo yeke tumba peko ti ala gbaa; lo yeke gi ala, me lo yeke wara ala pepe. Na pekoni, lo yeke tene: ‘Fade mbi yeke kiri na kozo koli ti mbi, ngbanga ti so mbi yeke duti lani nzoni mingi ahon ti fadeso.’

Awayango-sandaga 26:19

Ngangu so ala yeke sara na baba so, fade mbi yeke buba ni; mbi yeke sara si le ti nduzu akpengba na ala tongana wen si sese ti ala ayeke kpengba tongana bengba wen.

Aggée 1:6

Ala lu kobe mingi, me ala fâ ni gi kete; ala yeke te kobe, me ya ti ala ayeke si pepe; ala yeke nyon vin, me tere ti ala ayeke nzere pepe; ala yeke yu bongo, me tere ti ala ayeke mu wâ pepe. Zo ti kua ayeke wara futa ti lo, me nginza ni ayeke li gi na ya ti bozo so akoro awe.