Aggée 1:1 - Mbeti ti Nzapa - Tënë so amu fini

¹ Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.

Aggée 1:1 Iomraidhean Croise

1 Agbia 10:15

Na ndö ni, lo yeke wara nga nginza ti lapo so a yeke futa na ndö ti akungba so ayeke londo na kodro wande nga na ndö ti akungba ti azo ti dengo buze. Agbia ti amara nde nde na agovoronere ti kodro ni ayeke futa nga na lo lapo.

1 Agbia 14:18

A lu lo si azo ti Israel atoto kuâ ti lo alingbi na tënë so KOTA GBIA atene na lege ti zo ti kua ti lo, wayanga-Nzapa Ahia.

2 Agbia 14:25

Lo laa lo kiri na asese ti Israel na kozo ndo ti ala, ti londo na Lebo-Hamat ngbii asi na yanga ti kota ngu ti Gba-ti-ingo. Ye ni asi alingbi na tënë so KOTA GBIA, Nzapa ti Israel atene ando na lege ti zo ti kua ti lo, wayanga-Nzapa Jonas, molenge ti Amitai, zo ti gbata ti Gat-Hefer.

1 Mbai 3:17

Yekonia so a kanga lo si a gue na lo na Babilone: amolenge ti lo ayeke Shealtiel,

1 Mbai 3:19

Amolenge ti Pedaya ayeke Zorobabel na Shimei. Zorobabel adu amolenge-koli use: Meshulam na Hanania; lo du nga molenge-wali so iri ti lo Shelomit.

Esdras 1:8

Lo mu yanga na Mitredat, wabatango amosoro titene lo sigigi na akungba ni, lo diko ni na le ti Sheshebasar, makonzi ti Juda.

Esdras 10:18

Na popo ti awayango-sandaga, akoli so amu awali so ayeke awande, ayeke so: ambeni koli ti kete mara ti Yeshua na a-ita ti lo, amolenge ti Yosadak: akoli ni ayeke Maaseya, Eliezer, Yarib na Gedalia.

Esdras 2:2

Ala na Zorobabel, Yeshua, Nehemia, Seraya, Relaya, Mordokai, Bileshan, Mispar, Bigvai, Rehum na Baana laa akiri. Wungo ti akoli ti Israel na lege ti kete mara ti ala ayeke tongaso:

Esdras 2:63

Govoronere agbanzi lege na ala ti te kobe so a zia ni nde gi ndali ti Nzapa. Ala yeke ku ngbii mbeni wayango-sandaga aga atene tënë na ndö ti ala na lege ti Urim na Tumim si.

Esdras 3:2

Yeshua, molenge ti Yosadak, lo na amba ti lo awayango-sandaga, na Zorobabel, molenge ti Shealtiel, lo na a-ita ti lo alondo ti sara gbalaka ti Nzapa ti Israel. Ala ye ti ya asandaga so a yeke gbi ni kue na wâ na ndö ni alingbi na tënë so a su na ya ti *Ndia ti Moïse, zo ti Nzapa.

Esdras 3:8

Na ngu use ni so ala si na Jérusalem, na ndo so kota da ti Nzapa ayeke lani daa, na use nze ni, Zorobabel, molenge ti Shealtiel, lo na Yeshua, molenge ti Yosadak, na tanga ti a-ita ti ala, na awayango-sandaga, na azo ti mara ti Lévi nga na azo so kue a gbu ala lani, a gue na ala na kodro wande si ala kiri na Jérusalem, ala to nda ti kua ni. Ala soro azo ti mara ti Lévi so ngu ti ala ayeke baleuse wala ahon so titene ala baa ndo na ndö ti akua ti lekengo da ti KOTA GBIA.

Esdras 4:2

Awato ni aga abaa Zorobabel na azo ti li ti asewa ti azo ti Israel si atene na ala: “E ye ti mu maboko na ala na lekengo da ni! Biani, oko Nzapa so ala yeke voro lo laa e nga, e yeke voro lo; e yeke ya asandaga na lo ngbene ye na ngoi so Asaradon, gbia ti Asirii, agbu e si aga na e ge.”

Esdras 4:24

Na Jérusalem, akua ti lekengo kota da ti Nzapa aluti; akua ni aluti ngbii asi na ngu use ni so Darius ayeke gbia ti Perse.

Esdras 5:1

Me mbeni lâ, wayanga-Nzapa Aggée na wayanga-Nzapa Zakarii, molenge ti Ido atene peko ti tënë ti yanga ti Nzapa ti Israel, Nzapa ti ala, na azuife so ayeke na Juda nga na ala so ayeke na Jérusalem.

Esdras 5:3

Gi hio tongaso, Tatenai, govoronere ti sese so ayeke na Do ti ngu ti Efrate, na Shetar-Boznai na amba ti ala aga abaa ala si atene na ala: “Zo wa laa amu na ala yanga ti leke kota da ti Nzapa so, ti leke agbagba ni na nduzu, zo wa?

Esdras 6:14

*Akangba ti azuife angba ti sara kota da ni si akua ni ayeke tambula nzoni, alingbi na atënë ti mungo ngangu na be so wayanga-Nzapa Aggée na Zakarii, molenge ti Ido atene na ala. Ala hunzi ti sara da ni, alingbi na yanga so Nzapa ti Israel amu nga alingbi na ambela ti agbia ti Perse so ayeke Sirus, Darius na Artakzerses.

Néhémie 12:1

So ayeke iri ti awayango-sandaga na azo ti mara ti Lévi so alondo na ngbaa na kodro wande si ala kiri laa. Ala na Zorobabel, molenge ti Shealtiel na Yeshua laa akiri oko. Azo ni ayeke: Seraya, Irmeya, Ezra,

Néhémie 12:10

Yeshua adu Yoyakim; Yoyakim adu Eliashib; Eliashib adu Yoyada;

Néhémie 5:14

A mu mbi ti duti govoronere ti sese ti Juda na ngoi so Artakzerses ayeke gbia, ti londo na ngu baleuse ni ngbii asi na ngu baleota na use ni. Na ya ti ngu baleoko na use so, ataa mbi, ataa a-ita ti mbi, laoko e mu nginza ti lapo ti govoronere ti te na kobe pepe.

Néhémie 7:7

Azo so amu azo ni ti kiri na ala ayeke: Zorobabel, Yeshua, Nehemia, Azaria, Raamia, Nahamani, Mordokai, Bileshan, Misperet, Bigvai, Rehum na Baana. Wungo ti akoli ti Israel na lege ti kete mara ti ala ayeke tongaso:

Néhémie 8:9

So azo ni ama atënë ti ya ti mbeti ti Ndia ni, ala ti na toto. Ndani laa govoronere Néhémie, lo na wayango-sandaga Esdras, so lo yeke nga wafango-ndia, ala na azo ti mara ti Lévi so ayeke fa nda ti Ndia ni, atene na azo ni, atene: “Lango so ayeke lango so a zia ni nde ndali ti KOTA GBIA, Nzapa ti ala. Ngoi titene ala duti na mawa si ala toto laa pepe!”

Sigingo 4:13

Moïse atene: “KOTA GBIA, mbi gbu gere ti mo! Tokua mbeni zo nde so mo ye!”

Aggée 1:12

Tongaso Zorobabel, molenge ti Shealtiel, na Yeshua, kota wayango-sandaga, molenge ti Yosadak na tanga ti azo ti kodro ni kue ama atënë ti KOTA GBIA, Nzapa ti ala, atënë so lo zia na yanga ti wayanga-Nzapa Aggée titene lo tene peko ni na ala si azo ni akpe mbeto ti KOTA GBIA.

Aggée 1:14

KOTA GBIA amu ngangu na be ti Zorobabel, govoronere ti sese ti Juda, molenge ti Shealtiel; lo mu nga ngangu na be ti kota wayango-sandaga Yeshua, molenge ti Yosadak nga na tanga ti azo ti kodro ni. Ala ga si ala to nda ti sara kua ti kota da ti KOTA GBIA, Nzapa ti ala so ayeke na ndö ti dunia kue.

Aggée 1:15

Ala to nda ti akua ni na lango baleuse na osio ti nze omene ni.

Aggée 1:2

Tënë so KOTA GBIA so ayeke na ndö ti dunia kue atene ayeke so: “Azo ti kodro so ayeke tene: ‘Ngoi ti sarango kota da ti KOTA GBIA ade ti lingbi pepe’ ”

Aggée 1:3

Tënë ti KOTA GBIA asi na wayanga-Nzapa Aggée titene lo tene peko ni, lo tene:

Aggée 2:10

Na lango baleuse na osio ti nze gumbaya ti use ngu ni so Darius ayeke gbia, tënë ti *KOTA GBIA akiri asi na wayanga-Nzapa Aggée, atene:

Aggée 2:20

Tënë ti *KOTA GBIA akiri asi na Aggée ti fani use ni, na lango baleuse na osio ti nze ni, atene:

Aggée 2:21

“Tene na Zorobabel, govoronere ti sese ti Juda, mo tene: ‘Fade mbi yeke yingi nduzu na sese.

Aggée 2:4

Ti fadeso, Zorobabel, gbu ngangu! So tënë ti yanga ti KOTA GBIA laa. Yeshua, kota wayango-sandaga, molenge ti Yosadak, gbu ngangu! Ala azo ti kodro ni kue, ala gbu ngangu! So tënë ti yanga ti KOTA GBIA laa. Ala kue alondo, asara kua! Biani, mbi yeke na ala! So tënë ti yanga ti KOTA GBIA so ayeke na ndö ti dunia kue laa.

Zakarii 1:1

Na ngu use ni so Darius ayeke gbia, na nze miombe ni, tënë ti *KOTA GBIA asi na wayanga-Nzapa Zakarii, molenge ti Berekia, molenge ti Ido. Tënë ni atene:

Zakarii 3:1

Na pekoni, na ya ti mbeni ye tongana bango-li, *KOTA GBIA asara si mbi baa kota wayango-sandaga Yeshua. Lo yeke luti na dawa ti *ange ti KOTA GBIA. Andaa Satan ayeke luti na mbage ti maboko ti lo ti koli, ti bi tënë na li ti lo.

Malashii 1:8

So ala mu nyama so le ti lo abuba, aga na lo ti mu na *sandaga so, sioni laa ala sara so pepe? So ala mu nyama so gere ti lo abuba, wala lo yeke na kobela, aga na lo so, sioni laa ala sara so pepe? Tongana ala gue na mara ti anyama tongaso na govoronere ti ala, fade be ti lo ayeke nzere na ala? Lo yeke yamba ala nzoni? Tënë so KOTA GBIA so ayeke na ndö ti dunia kue atene laa.

Nzoni Tënë so Luc asu na mbeti 3:27

Yoda ayeke molenge ti Yohanan; Yohanan ayeke molenge ti Resa; Resa ayeke molenge ti Zorobabel; Zorobabel ayeke molenge ti Shealtiel; Shealtiel ayeke molenge ti Neri;