2 Samuel 1:3 - Mbeti ti Nzapa - Tënë so amu fini

³ David ahunda lo: “Mo londo na ndo wa?” Lo kiri tënë, lo tene: “Mbi kpe na ya ti bâbâ ti azo ti Israel laa mbi ga so.”

2 Samuel 1:3 Iomraidhean Croise

2 Samuel 1:2

Na ota lango ni, mbeni koli alondo na ya ti bâbâ ti Saul asi. Bongo ti lo asuru surungo, ya ti li ti lo kue gi na sese ti fa vundu ti be ti lo. So lo si nduru na David awe, lo kuku, lo kpo li ti lo na sese.

2 Samuel 1:4

David ahunda lo, atene: “Ye ni kâ tongana nyen? Tene na mbi peko ni si.” Koli ni akiri tënë: “Bira aza wâ si azo ti Israel akpe kirikiri. Azo akui mingi; Saul na molenge ti lo Jonatan kue akui.”

2 Agbia 5:25

Gehazi akiri na tere ti wa ti lo. Élisée ahunda lo, atene: “Gehazi, mo londo na ndo wa?” Gehazi akiri tënë, atene: “Mbi zo ti kua ti mo, mbi gue na mbeni ndo oko pepe.”

1 Samuel 30:13

David ahunda lo, atene: “Wa ti mo ayeke zo wa? Mo londo na ndo wa?” Lo kiri tënë: “Mbi yeke zo ti Ezipte, mbi yeke ngbaa ti mbeni zo ti Amalek. Wa ti mbi azia mbi ahon asara laso lango ota, ngbanga ti so tere ti mbi aso.