1 Samuel 5:4 - Mbeti ti Nzapa - Tënë so amu fini

⁴ Na mbeni ndade ni, ala londo na kota ndaperere, ala ye ti baa, Dagon laa na sese na dawa ti sanduku ti mbuki ti KOTA GBIA. Li ti Dagon na maboko ti lo use kue afâ si ayeke lango na lingo ti yanga ti gbagba ti da; gi tere ti lo laa angba.

1 Samuel 5:4 Iomraidhean Croise

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ésaïe 40:20

Zo so yere ahon ndö ti lo si lo lingbi ti mu mara ti matabisi tongaso pepe, lo yeke soro keke so alingbi ti fun pepe. Na pekoni, lo yeke gi nzoni wakode-kua so alingbi ti sara yanda so alingbi ti yingi pepe.

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Jérémie 10:14

Azo kue ayeke azo so li ti ala ayeke daa pepe, ala hinga ndo pepe; awakode-kua kue ti lôro, kamene agbu le ti ala ndali ti ayanda ti ala, ayanda ti ala ni ayeke ye ti mvene, pupu ayeke na ya ti ala pepe.

Jérémie 10:15

Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Daniel 11:8

Anzapa ti ala so lo gbu na ya ti bira, na ayanda ti ala so a sara na wen, fade lo yeke mu ni ti gue na ni na Ezipte. Lo yeke gue nga na aye ti kua ti nzoni ni so a sara na wen ti nginza na lôro. Na pekoni, lo yeke zia lege ti sarango bira na gbia so ayeke na Banga aninga ambeni ngu.

Mishe 1:7

Fade a yeke fâ ya ti ayanda ti gbata ni kue; aye so azo ti gbata ni awara, fade a yeke gbi ni kue na wâ, ngbanga ti so ala wara ni na lege ti sarango aye ti ndumba. Fade aye ni ayeke kiri ti hon na lege ti sarango aye ti ndumba.”

1 Samuel 6:5

Fade ala sara alimo ti aka ti sanzo nga na limo ti adeku so ayeke buba kodro ti ala. Na pekoni, ala gonda Nzapa ti Israel. E hinga pepe, fade lo yeke zia ti sara ngangu na ala, na anzapa ti ala nga na kodro ti ala.