1 Samuel 2:3 - Mbeti ti Nzapa - Tënë so amu fini

³ Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.

1 Samuel 2:3 Iomraidhean Croise

1 Agbia 8:39

mo so mo yeke na yayu, na ndo so mo yeke duti daa, ma sambela ti ala, mo zi siokpari na li ti ala, mo sara mbeni ye; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo kue.

Mbeti ti Job 31:6

Ayeke nzoni Nzapa azia mbi na ndö ti kilo so ayeke mbirimbiri; fade lo yeke hinga lo tene, tënë ayeke na li ti mbi pepe.

Abia (Psaumes) 147:5

KOTA GBIA ti e ayeke kota, lo yeke na ngangu mingi; nda ti hingango ye ti lo ayeke daa pepe.

Abia (Psaumes) 17:10

Ala yeke baa mawa ti zo pepe, tënë ti baba asi singo na yanga ti ala.

Abia (Psaumes) 31:18

KOTA GBIA, tongana mbi iri mo, ayeke nzoni mo zia kamene na le ti mbi pepe. Me ayeke nzoni kamene agbu le ti asioni zo so. Ayeke nzoni yanga ti ala akanga si ala gue na ndo ti akuâ.

Abia (Psaumes) 44:21

Tongana e girisa lani Nzapa ti e, tongana e sambela lani mbeni nzapa nde,

Abia (Psaumes) 75:5

Mbi tene na azo ti baba, mbi tene: “Ti fadeso, baba ni ahunzi awe!” Mbi tene na azo ti sioni, mbi tene: “Ala fa tere ti ala pepe!

Abia (Psaumes) 94:4

Ala yeke diko atënë ti baba, ala yeke tene atënë ti zonga, ala yeke pika kate ti ala, azo ti sarango sioni so kue so.

Amato 16:2

Zo oko oko ayeke baa na le ti lo atene, aye so kue ni yeke sara ayeke nzoni; me KOTA GBIA laa ayeke baa atënë ti be ti zo.

Amato 24:12

Mo lingbi ti tene: “Mbi hinga fade pepe!” Me lo so abaa atënë ti be ti zo, lo yeke hinga ni senge. Lo yeke baa mo, lo hinga ye kue; fade lo yeke futa zo oko oko alingbi na ye so lo sara!

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Ésaïe 26:7

*KOTA GBIA, zo ti mbirimbiri, lege ti lo ayeke mbirimbiri; mo yeke sara si lege ti zo ti mbirimbiri aba pepe.

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Ezekiel 35:13

Ala tene tënë na tere ti mbi na baba; ala tene atënë ti baba na tere ti mbi: mbi ma atënë ni kue awe.

Daniel 5:27

TEKEL aye ti tene a baa nengo ni awe: a zia mo na ndö ti kilo ti baa nengo ti mo, me mo ne pepe;

Malashii 3:13

Tënë so *KOTA GBIA atene laa: “Ala tene asioni tënë mingi na tere ti mbi si ala hunda ndo, atene: ‘Asioni tënë ti nyen laa e tene na popo ti e na tere ti mo?’

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.

Josué 22:22

“Nzapa, Nzapa, KOTA GBIA! Nzapa, Nzapa, KOTA GBIA! Lo yeke Nzapa so ayeke na ndö ti anzapa kue. Lo hinga nda ti ye so e sara. Fade azo ti Israel kue ayeke hinga nda ti ye ni. Tongana e sara ngangu li wala e sara mbeni ye so ayeke sioni mingi ti ke KOTA GBIA, ayeke nzoni lo soo e na lango ni so pepe!

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Awafango-ngbanga 9:38

Zebul akiri tënë na lo: “Yanga ti mo so lani ayeke za so ayeke na ndo wa fadeso? Mo tene na e lani, mo tene: ‘Abimelek ni ayeke ti lo zo wa si e duti na gbe ti lo so?’ Azo so mo yeke zonga ala lani so, ala laa ayeke ga so. Fadeso, gue, mo tiri bira na ala ma!”

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”