1 Pierre 3:4 - Mbeti ti Nzapa - Tënë so amu fini

⁴ Me ala gi ti ga pendere na be ti ala. Aye ti pendere ni ayeke be so aduti kpoo, aduti na siriri si ane mingi na le ti Nzapa; aye ti pendere so laa ayeke buba pepe.

1 Pierre 3:4 Iomraidhean Croise

Abia (Psaumes) 131:2

Me mbi kai si mbi duti kpoo tongana molenge so ayeke na kate ti mama ti lo, lo nyon me, ya ti lo asi. Be ti mbi ade tongana ti molenge so.

Abia (Psaumes) 147:6

KOTA GBIA ayeke mu asenge zo na nduzu, lo yeke kiri azo ti sioni ngbii asi na sese.

Abia (Psaumes) 149:4

Biani, be ti KOTA GBIA anzere na azo ti lo; lo yeke soo asenge zo ti lo ti mu na ala nengo.

Abia (Psaumes) 25:9

Lo yeke fa lege ti mbirimbiri na azo so asara tere ti ala kete; lo yeke fa na ala lege ti lo.

Abia (Psaumes) 45:13

Azo ti gbata ti Tir, ala so ayeke na mosoro mingi, fade ala yeke ga na mo akadoo titene be ti mo anzere na ala.

Abia (Psaumes) 51:6

Mbi sara siokpari so ake mo, ake gi mo oko; mbi sara ye so ayeke sioni na le ti mo. Tongaso, fade azo ayeke baa so mo yeke mbirimbiri na lege ti tënë ti yanga ti mo; fade ala yeke baa so fango ngbanga ti mo ayeke na legeni.

Ésaïe 11:4

Me azo so ye atia ala, lo yeke fâ ngbanga ti ala mbirimbiri; awayere so ayeke na ya ti kodro, lo yeke leke tënë ti ala na legeni. Tënë ti yanga ti lo ayeke pika kodro ni tongana keke so ayeke pika ye, pupu ti yanga ti lo ayeke fâ azo ti sioni.

Ésaïe 29:19

Azo so ayeke sara tere ti ala kete ayeke wara ngia so ayeke gue guengo na nduzu ndali ti *KOTA GBIA; azo so yere ti ala ahon ndoni ayeke dodo na ngia ndali ti Nzapa ti Israel so ayeke nde si ayeke nzoni kue.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Jérémie 51:59

Tongaso Wayanga-Nzapa Jérémie amu yanga na Seraya, molenge ti Neria, molenge ti Maaseya, na ndembe so Seraya na gbia Sedesias ague na Babilone, na ngu osio ni so Sedesias ayeke le-gbia. Seraya ayeke mbeni turugu ti batango gbia Sedesias, gbia ti Juda.

Matthieu 11:29

Ala yeda ti yo *zuge ti mbi, ala manda ye so mbi fa na ala, ngbanga ti so mbi yeke zo so mbi yeke sara ngangu na zo pepe si mbi yeke gi kota ndo pepe. Fade ala yeke wara lege ti wu tere ti ala.

Matthieu 21:5

“Ala tene na gbata ti *Sion, atene: Baa, gbia ti mo ayeke ga na mo, lo sara tere ti lo tongana senge zo. Lo duti na ndö ti mama ti lele nga na ndö ti molenge ti lele so ayeke nyama ti sarango na kua.”

Matthieu 23:26

Mo farizien, so mo yeke waziba so! Sukula ya ti kopo ti mo kozoni si fade peko ni nga avuru!

Matthieu 5:5

Ti ala nzoni, ala so ayeke sara ngangu na azo pepe, ngbanga ti so ala yeke ga ande awa ti sese so Nzapa aleke ndali ti ala!

Nzoni Tënë so Luc asu na mbeti 11:40

Ala so li ti ala ayeke daa pepe so! Nzapa so aleke tere, lo nga laa lo leke ye so ayeke na ya ni pepe?

Nzoni Tënë so Luc asu na mbeti 16:15

Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.

Rome 1:23

Nzapa so alingbi na gonda si lo yeke na fini kpu na kpu, azo azia ti voro lo si ala yeke voro limo ti zo so ayeke kui kuingo, ti andeke, ti anyama ti gere osio na ti anyama so ayeke hara harango.

Rome 2:29

me taa zuife ayeke zuife so ayeke na ya ti be ti lo kâ, taa fango ganza ayeke ganza ti be, aga na lege ti Yingo ti Nzapa, me na lege ti Ndia so a su na mbeti pepe. Taa zuife, azo laa ayeke gonda lo pepe, me Nzapa.

Rome 6:6

E hinga so dutingo ti e ti kozo akui legeoko na Christ na ndö ti keke ti kroa awe. Tongaso sioni nzara ti be ti e akui nga si e kiri e duti na gbe ti ngbaa ti siokpari pepe.

Rome 7:22

Nilaa na ya ti be ti mbi kâ, Ndia ti Nzapa laa anzere na mbi.

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Korente 4:16

Ndani laa be ti e awoko pepe. Ataa so tere ti e ti zo ayeke buba kete na kete, fini so ayeke na be ti e kâ ayeke wara ti lo ngangu lakue.

Galasii 5:23

sarango ngangu na zo pepe nga na ngangu ti kanga nzara ti tere. Ndia ake aye tongaso pepe.

Efeze 4:2

Ala baa tere ti ala tongana akota zo pepe, ala sara ye na amba ti ala na ngangu pepe, ala kanga be ti ala. Na lege ti ndoye, ala kanga be ti ala na amba ti ala.

Kolose 3:12

Nzapa asoro ala, ala ga azo ti lo si lo ye ala. Tongaso, alingbi ala baa mawa ti azo, ala sara nzoni be na azo, ala baa tere ti ala tongana akota zo pepe, ala sara ngangu na azo pepe, ala kanga be ti ala ti ku.

Kolose 3:3

Biani, ala kui awe si fini ti ala ahonde legeoko na ti Christ kâ na tere ti Nzapa.

1 Tesalonike 4:11

Ala gi lege ngangu ti duti na siriri, zo oko oko abaa lege ti akua ti lo wani, ala gi kobe ti yanga ti ala na lege ti kua ti maboko ti ala, alingbi na yanga so e mu na ala.

2 Tesalonike 3:12

Azo tongaso, e mu yanga na ala si e mu wango na ala na iri ti Kota Gbia Jésus Christ: ala duti kpoo, ala sara kua ti ala si ala te kobe ti peko ti kua ti ala wani.

1 Timothée 2:2

Ala sambela ndali ti agbia na azo so kue ayeke na kota ndo si e wara lege ti duti kpoo na ya ti siriri, na gbungo tënë ti Nzapa mingi nga na nengo tere.

2 Timothée 2:25

Azo so ayeke ke tënë na yanga ti lo, ayeke nzoni lo fa ye na ala yeke-yeke. E hinga pepe, Nzapa ayeke sara titene ala zia ngbene lege ti sarango ye ti ala, ala hinga taa-tënë

Tite 3:2

Alingbi ala tene sioni tënë na iri ti zo pepe, ala papa na zo pepe, ala sara nzoni be na azo; lakue, ala sara ye na azo kue gi na wokongo be.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.

1 Pierre 1:23

Biani, a kiri a du ala mbeni awe; zo so ayeke kui kuingo laa akiri adu ala pepe, me tënë ti Nzapa. Tënë ni ayeke na fini, ayeke kui pepe si ayeke ngba lakue lakue.

1 Pierre 3:15

Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”