1 Pierre 3:3 - Mbeti ti Nzapa - Tënë so amu fini

³ Awali, ala gi ti ga pendere pepe na lege ti aye so zo ayeke baa ni bango: kangango kua ti li ti ala na kode ahon ndoni, yungo aye ti pendere nde nde ti lôro, yungo abongo ti kota ngere.

1 Pierre 3:3 Iomraidhean Croise

Tongo nda ti aye 24:22

So azambala ni anyon ngu ni awe, koli ni amu mbeni *kati ti lôro so nengo ni aga nduru na grame omene, na aye ti maboko use so a sara na lôro, nengo ti oko aga nduru na grame ngbangbo oko, lo mu na maseka-wali ni.

Tongo nda ti aye 24:47

Mbi hunda lo, mbi tene: ‘Mo yeke molenge ti zo wa?’ Lo kiri tënë, lo tene: ‘Mbi yeke molenge ti Betuel so Milka adu na Nahor.’ Tongaso mbi zia kati na hon ti lo si mbi zia nga aye ti maboko na maboko ti lo.

Tongo nda ti aye 24:53

Zo ti kua ni asigigi na apendere ye so a sara ni na lôro, na wen ti nginza, lo sigigi nga na abongo si lo mu na Rébecca. Lo mu nga aye ti ngangu ngere na ita ti Rébecca nga na mama ti lo.

2 Agbia 9:30

Yehu ali na gbata ti Yizreel awe. So Yezabel ama tënë ni, lo kpaka ambeni ye ti pendere na tere ti kua ti le ti lo, lo leke kua ti li ti lo pendere si na pekoni, lo luti na le ti fenetere.

Esther 5:1

Na peko ti lango ota so Esther ake kobe, lo yu bongo ti lo ti gbia-wali si lo gue, lo luti na ya ti gbagba ti yangbo ti gbia ni; lo luti na ndo so ayeke baa ndo na ndo so gbia ayeke duti ka daa. Andaa gbia ni ayeke na ya ti yangbo ni, lo duti na ndö ti mbata ti lo so ayeke baa ndo na yanga ti yangbo ni.

Abia (Psaumes) 45:9

Abongo ti mo ayeke fun gi yombo ti mire, ti aloes na ti kanele. Kâ na yangbo ti mo so a leke na pembe ti doli, azo ayeke pika mozoko ti zia ngia na be ti mo.

Sigingo 3:22

Wali oko oko ti Israel ayeke hunda na awali ti Ezipte so ayeke nduru na lo nga na awali so ayeke lango na da ti lo aye ti pendere so a sara na lôro nga na wen ti nginza; lo yeke hunda nga abongo. Fade amolenge ti ala, azo ti Israel, ala ti koli na ti wali laa ayeke yo ni. Lege so ala yeke zi amosoro kue ti azo ti Ezipte na maboko ti ala laa.”

Sigingo 32:2

Aaron akiri tënë na ala: “Aye ti mê so a sara na lôro si ayeke na mê ti awali ti ala, ti amolenge ti ala ti koli na ti wali, ala gboto ni aga na ni na mbi.”

Sigingo 33:4

So azo ni ama sioni tënë so, ala kue asara mua; zo oko ayu aye ti pendere ti lo pepe.

Sigingo 35:22

Tongaso akoli na awali ti nzoni be aga na aye nde nde so a sara na lôro: aye ti mê, akete palata, aye ti go, aye ti maboko wala *akati. Zo oko oko aga na aye ni na KOTA GBIA, lo ya ni na nduzu ti fa atene, lo mu na lo.

Sigingo 38:8

Na pekoni, lo mu bengba wen, lo sara na mbeni kota sembe; lo sara nga gere ni na bengba wen. Lo mu tatara ti awali so ayeke sara kua na yanga ti da ti bongo so Nzapa na azo ti lo ayeke wara tere daa si lo sara na kota sembe ni.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Jérémie 4:30

Ti mo Jérusalem, azo abuba mo awe! Mo yeke yu bengba bongo ti ngangu ngere, mo yeke yu aye ti pendere ti lôro si mo yeke kpaka aye ti baba na ndö ti le ti mo ti sara na nyen? Mo yeke sara aye ti pendere so gi senge senge; akoli so ayeke kpe lani na peko ti mo so, ala ke mo awe, ala ye gi kuâ ti mo.

Ezekiel 23:40

Na ndö ni kue, ala tokua mbeni zo ti iri akoli so alango yongoro ti ga. Gi so akoli ni ama tokua ni, ala mu lege aga. Ndali ti akoli ni, ala sukula ngu, ala suru ye ti pendere na le ti ala, ala yu aye ti pendere.

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

1 Pierre 3:2

akoli ni ayeke baa gi sarango ye ti ala so ayeke *nzoni nga na nengo so ala, awali ni ayeke ne tere ti ala.