1 Pierre 2:9 - Mbeti ti Nzapa - Tënë so amu fini

⁹ Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

1 Pierre 2:9 Iomraidhean Croise

Abia (Psaumes) 106:5

Tongaso si mbi lingbi ti baa ye ti nzoni so mo sara ndali ti azo so mo soro ala si mbi lingbi ti kangbi ngia so azo ti mo ayeke na ni si mbi lingbi ti pika kate ti mbi tongana ti azo so aga ye ti mo awe.

Abia (Psaumes) 118:27

– KOTA GBIA ayeke Nzapa, lo mu na e lumiere ti lo titene e baa ndo nzoni. Ala azo, ala mu maboko ti akeke, ala ga, ala sara molongo ngbii asi na ayanga ti gbalaka ti *sandaga ni.

Abia (Psaumes) 135:4

Biani, KOTA GBIA asoro Jacob ndali ti lo wani, lo soro Israel titene aga ye ti lo wani.

Abia (Psaumes) 22:30

Akota zo ti sese kue ayeke te ye, ala kuku ti voro lo. Azo so aga nduru na kuâ, azo so alingbi ti ngba na fini pepe, fade ala yeke kuku na gbe ti lo.

Abia (Psaumes) 33:12

Ti ala nzoni, amara so KOTA GBIA ayeke Nzapa ti ala! Ti ala nzoni, azo so KOTA GBIA asoro ala ti ga azo ti lo!

Abia (Psaumes) 73:15

Tongana mbi tene fade, mbi tene: “Mbi ye ti tene tënë tongana ti ala”, ka mbi ka mara ti amolenge ti mo awe.

Ésaïe 26:2

Alingbi ala zi ayanga ti gbagba ni si mara so ama yanga ti Nzapa, mara so asara ye alingbi na tënë ti lo, alingbi ti li na ya ti gbata ni.

Ésaïe 41:8

“Ti mo Israel, zo ti kua ti mbi, mo Jacob so mbi soro mo, mo yeke *hale ti Abraham, kamarade ti mbi.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 44:1

Me fadeso Jacob, zo ti kua ti mbi, mo ma! Israel, mo so mbi soro mo, mo ma!

Ésaïe 61:6

Me ti ala, fade a yeke iri ala “Awayango-sandaga ti KOTA GBIA”. A yeke di iri ti ala “Azo ti kua ti Nzapa ti e”. Ala yeke te anzoni ye ti amara nde, ala yeke pika kate ti ala ndali ti amosoro ti azo ni.

Ésaïe 62:12

Fade a yeke iri ala: “Azo so ayeke nde si ayeke nzoni kue, azo so KOTA GBIA azi ala awe”. Ti mo Jérusalem, azo ayeke kiri ti iri mo pepe, atene: “Gbata so azo ado azia”, me ala yeke iri mo, atene: “Gbata so be ti Nzapa aye”.

Ésaïe 66:21

Ataa na popo ti amara ni, mbi yeke soro ambeni ti ga awayango-sandaga, mbi yeke soro ambeni ti ga tongana azo ti mara ti Lévi; tënë so KOTA GBIA atene laa.”

Ésaïe 9:2

*KOTA GBIA, mo sara si azo awara ngia mingi, mo sara si ngia ti ala asi singo. Ala sara ngia na dawa ti mo tongana ti so azo ayeke sara ngia na ngoi ti fango ale ti kobe; ala sara ngia tongana ti so azo ayeke dekongo na ngia na ngoi so azo ayeke kangbi aye so ala gbu na peko ti bira.

Malashii 3:17

Na pekoni, tënë so KOTA GBIA so ayeke na ndö ti dunia kue atene laa: “Na lango so mbi yeke fa ngangu ti mbi, azo ni ayeke ga azo ti mbi, ala yeke ga ye ti mbi wani. Fade mbi yeke sara nzoni be na ala tongana ti so babâ ayeke sara nzoni be na molenge ti lo ti koli so ayeke sara kua na lo.

Matthieu 4:16

Azo so aduti na ya ti vukongo ndo abaa kota lumiere! Ndo ahan na ndö ti azo so aduti ando na ya ti vukongo ndo, na kodro ti akuâ.”

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”

Jean 17:19

Ndali ti nzoni ti ala, mbi bata tere ti mbi nde ndali ti mo titene ala nga, ala bata tere ti ala nde ndali ti mo na lege ti taa-tënë.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Awatokua 26:28

Agripa atene na lo: “Mo baa ti mo, mo tene, mbi yeke ga zo ti Christ gi hio tongaso?”

Rome 9:24

Azo ni ayeke e so lo iri e; ambeni, lo iri ala na popo ti azuife, gi ala oko pepe, me lo iri nga ambeni na popo ti azo ti amara nde.

1 Korente 3:17

Tongana mbeni zo abuba da ti Nzapa, fade Nzapa ayeke buba lo. Biani, da ti Nzapa ayeke nde si ayeke nzoni kue, ala laa ayeke da ti Nzapa ni.

Efeze 1:14

Yingo so e wara afa atene, anzoni ye so Nzapa abata ndali ti e, e yeke wara ni kue na ndembe so a yeke zi e na ya ti sioni biani biani. Tongaso, ayeke nzoni e sepela gonda ti Nzapa!

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Efeze 3:21

Ayeke nzoni azo so aga oko na Jésus Christ agonda lo na ya ti *Eglize; azo ti ngoi kue agonda lo kpu na kpu! Amen.

Ndia ti fani use ni 10:15

Me na popo ti amara kue, gi akotara ti ala oko laa be ti KOTA GBIA agbu ala si lo ye ala. Fadeso, ala *ahale ti ala laa lo soro ala na popo ti amara kue, tongana ti so a yeke baa ni laso so.

Ndia ti fani use ni 14:2

Biani, ala yeke azo ti mara so a zia ala nde ndali ti KOTA GBIA Nzapa ti ala. Na popo ti amara ti sese kue, gi ala laa KOTA GBIA Nzapa ti ala asoro ala titene ala ga azo ti lo wani.

Ndia ti fani use ni 18:2

Azo ti mara ti Lévi ayeke wara sese pepe titene aga ti ala na popo ti a-ita ti ala, azo ti Israel. Ye ti azo ti mara ti Lévi ayeke KOTA GBIA, alingbi na tënë so lo tene na ala.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

Filipe 3:14

Mbi yeke kpe loro ngangu ti si na nda ti lege ni, ti wara nzoni ye so Nzapa airi e ti wara ni na yayu, na lege ti gango so e ga oko na Jésus Christ.

Kolose 1:13

Nzapa azi e na gbe ti ngangu ti makonzi ti vukongo ndo si lo zia e na ndo so Molenge ti lo so lo ye lo mingi ayeke gbia daa.

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.

Aye so Nzapa afa 20:6

Ti ala nzoni, ala so ayeke na popo ti akozo kuâ so azingo! Ala yeke ti ala biani azo ti Nzapa, kuâ ti use ni ayeke na ngangu na ndö ti ala pepe. Ala yeke ga awayango-sandaga ti Nzapa na ti Christ si ala na lo ayeke le-gbia na ya ti ngu saki oko.

Aye so Nzapa afa 5:10

Mo sara si ala ga azo ti Kodro-gbia ti Nzapa, awayango-sandaga ti sara kua na Nzapa ti e; fade ala yeke le-gbia na ndö ti sese.”

1 Samuel 12:22

Biani, ndali ti kota iri ti lo, KOTA GBIA ayeke zia azo ti lo pepe, ngbanga ti so lo ye ti mu ala ti ga azo ti lo.