Tȩtɔ̀s 3:3 - Mundani

³ À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Tȩtɔ̀s 3:3 Iomraidhean Croise

Matìù 21:29

“Waã wu bɨ̀ɨ̀lè nê ‘È nka ghàa’, ka àfɨ̀Ꞌ a me wu tà kùbte èntɨ̧ɨ̧ vi ngà

Lûk 21:8

Yesò shu abua yɔb nê, “Bɨ̀ me ko awɨ̧ mbɨ̀Ꞌɨ̀ wòt fɨte awɨ̧, na bòt aa li taꞋa kɨꞋɨ ane èlen laã e me shu nê, ‘E ngu tòà’, e mě laꞋnê ‘Àfɨ̀Ꞌ a kuêꞋ’ la. Ka bɨ̀ ka nkùŋè àwɔb.

Jɔ̌n 8:34

Yesò tsɔꞋɔ èngǎ̧ wɔb nê, “KwàꞋ ane nkûŋ tsiꞋ è shua wɨ̧ nê, wòt ègème tàa ngɨa kàbɔ̀ŋ la, wu àbùꞋ a èghɨ kàbɔ̀ŋ bu èntɨ̧ɨ̧ tò àa nkɨà la.

Lûm 11:30

Bɨ̀a bòt kà wu Bèjuê è le kaꞋa wua ndzəa Mbɔ̧ɔ̧mà, ka àfɨ̀Ꞌ yaa tà ku tèsȩ tɨ̧, ndɨ̀ wu Bèjuê àa ka zə atò la.

Lûm 6:12

È wu ale, bɨ̀ ka tsi mbɨ̧̀ɨ̧̀ne kàbɔ̀ŋ bɔ mètàŋ a ègwet mbɨ̧ tɨ̧ tu tè bele fì la, e ghɨ̌ bɨa me ghɨ̀ èbɨꞋte èghɨ bu mbɨ̧te ènyit tɨ̧ tèa nkɨà la.

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

Lûm 6:22

Ka àfɨ̀Ꞌ yaa Mbɔ̧ɔ̧mà tsì àwɨ̧ a èbem kàbɔ̀ŋ, bɨ tsiꞋi èbùꞋ tò la, àbȩ̀ yɨ̧ wu àghɨ yu a ghɨ̂ bɨ tsiꞋa ngɨ̀à wuê èghɨ bu àa mbɔ̀ Mbɔ̧ɔ̧mà, àa ghɨ̌ bɨa li bɔ mèmpème kàlìà la.

Lûm 6:6

Baa ko nê mènəè nyaꞋ ma è pfə nè Yesò Klistò a mbɨ̧̀ mbasa, mbɨ̀Ꞌɨ̀ tsòke àghɨ yu àa ŋwèèlà mbɨ̧̀ ta te ghɨa kàbɔ̀ŋ la, mbɨ̀Ꞌɨ̀ baa baka tsi ngu èbùꞋ abua kàbɔ̀ŋ.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

Gàlashìà 6:3

Wòt me mɨ̀ɨ̀te nê ye wu àghɨa ko, kà lem ngu àghɨ, tà wua fɨ̀ta avi zìambɔŋ.

Kɔ̀losìà 1:21

È lè wu àfɨ̀Ꞌ àko, bɨ teme kwen tɨ̧ ŋǎ abua Mbɔ̧ɔ̧mà tè ntsìꞋi bɔmbù̧ tò, nkàà mènəè kàbɔ̀ŋ mu bɨ̀ le wua ngɨ̀à mè nkwàꞋtà la.

Kɔ̀losìà 3:7

È lè wu àfɨ̀Ꞌ àko mèntsèke mɨ̧ bê ndù̧ ne èwuu mènəè kàbɔ̀ŋ mbɔŋ.

2 Tɔ̀màtià 3:13

È me wu bòt kàbɔ̀ŋ nè bòt mèfà̧, ko bɔɔ me bɨa ngà wuê nè mbì, fɨ̀ta bòt ko, mè fɨ̀ta awɔb mɨ̧̂.

2 Tɔ̀màtià 3:6

Bòt ko ane yɔb aa ngèèba nyaꞋa nyia èpfəè bòt, fɨ̀ta bèzi bɔ bɔ mèntɨ̧ɨ̧ lèyu la, mbɨ̀Ꞌɨ̀ bɔɔ bɨ̧ɨ̧ne ànəa bɔ shuà la. Eyaa wu èwuu bèzi bu kàbɔ̀ŋ kuule awɔb tè bɔ tsiꞋa ngɨ̀à àghɨ àgème a kɨꞋɨ àtsəa yɔb la.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Tȩtɔ̀s 2:12

Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.

Jimsì 1:26

Wòt mɨ̀ɨ̀tè nê ye wu wòt Mbɔ̧ɔ̧mà, ka mbakà wua mbà̧aã èlɨ̧ li, tà ko nê ye fɨte avi zìambɔŋ, me tò nè mènkǒ Mbɔ̧ɔ̧mà wu àku.

1 Pità 1:14

Bɨ̀ me zə wuê a Mbɔ̧ɔ̧mà mbɨ̀Ꞌɨ̀ bɔ̧ tò, bɨ̀ ka tsi ngɨ̀ mènəè kàbɔ̀ŋ mu mèntɨ̧ɨ̧ mɨ̧ li ndzaã ngua nùà nkɨà àfɨꞋa kà bɨ ko a Mbɔ̧ɔ̧mà la.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ètsə 13:14

Tà nɨ ngɨŋa mènəè mu bɔ sa atò nê tà ghɨa a mbì nyà̧mɔ̀Ꞌ mbì yu la, nɨŋ fɨ̀te bòt sitsǎꞋ bàgème. Nyà̧mɔ̀Ꞌ yu ghɨ̀ bɔ kɔ̧ wamâlem kǒ bɔ̀ɔ me nɨa ngùꞋtà nyà̧mɔ̀Ꞌ mbì yu bɔ li nɨ nyi ndzì fɨŋ ane tò, tà bɔ mbèle yû̧ la.

Ètsə 18:2

Tà ŋȩ ane taꞋa àtɔŋ nɨ̧ nê, “A kwen, TaꞋà àpfəèà nɨ̧ a Babilɔ̀n yu a kwen. È tsiꞋi àpfəa fote kàbɔ̀ŋ. Tèwuute èbɨꞋte fotekàbɔ̀ŋ tègème te dzəâ abua Satàn la, teà ntsèka abot. Tèwuute banɨ̧̀ kàbɔ̀ŋ bàgème bòt aa mpààbà la, be mè me bù̧ù̧te abot.