Tȩtɔ̀s 3:2 - Mundani

² Shu abua yɔb nê, wòt ka ndàꞋa kàbɔ̀ŋ adù̧ wòt kǒ, wòt ka nkɨ̀ àyɔ̀ŋ, bɔ̀ nɨ a waa waa mbɨ̀Ꞌɨ̀ shu̧, mè me ghɨ a ntsɔ̧̀ abua wòt ègème.

Tȩtɔ̀s 3:2 Iomraidhean Croise

Matìù 11:29

Bɨ bɨ̧ɨ̧nè mèngǎ̧ mɔ̧, ka è màà ndèt ntsèa wɨ̧, mè me kùŋè tèka taã, ko mèntɨ̧ɨ̧ mɨ̧ naa yète, nkàà nê mènəè mɔ̧ naa njùa, e mè mbɔ àbɔɔla èntɨ̧ɨ̧.

ÀfaꞋa 23:5

Pɔ̂l bɨ̀ɨ̀lè nê, “Bɔnyɨ bɔ̧ bòt Izəèlȩê, mâ ghɨ̂ è nka ko nê tà wu àtsəa bèntsìà mèpɨ̧̀ Mbɔ̧ɔ̧mà. Àkata Mbɔ̧ɔ̧mà a laꞋnê, ‘À ka ndaꞋa kàbɔ̀ŋ adù̧ wòt tà wu àtsəa bòt bê la’.”

1 Kɔlìn 6:10

Ka wuê bètsɔŋ nè bòt aghàbà, nè bòt bɔ̀ɔ nua mèlùꞋ mbea la, nè bòt bɔ̀ɔ ndaꞋa kàbɔ̀ŋ adù̧ tèlente bòt la, ndɔ̀Ꞌ nè bòt bu bɔ̀ɔ nɨa mètàŋ ntsɔa èghɨ bòt la è ka li bɔ àdziꞋ a kèfɔ̧̀ Mbɔ̧ɔ̧mà və mɨ̧̂ a.

1 Kɔlìn 9:19

Àghɨa ko a ntsě a kuule èbu bɔ̧ ŋa abua wòt ko la, e mbɔ̂ ngɨ̀ am mmɔ̌ mbɔŋ ane àbùꞋ abua wòt ègème, mbɨ̀Ꞌɨ̀ ghɨ̌ bòt bɔ̀ɔ ndzìà mèntɨ̧ɨ̧ mɔb ane Yesò Klistò la aa paa yaã.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Gàlashìà 6:1

Bɔnyɨ bɔ̧, bɨ̀a wu bɨa ngȩ̀ȩ̀nà mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ yea wòt ngɨa kàbɔ̀ŋ la, bɨ bɔɔle awɨ̧ nkɨ̀ɨ̀te atò bò̧ bò̧. Ka bɨ̀ me ghɨ̀ ale bɨ me baabe awɨ̧ mbɨ̀Ꞌɨ̀ ka bɨ kwen a èbem kàbɔ̀ŋ mɨ̧̂.

Gàlashìà 6:10

È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

Efesɔ̀s 4:2

Bɨ̀ me nɨ awɨ̧ a si àfɨ̀Ꞌ àgème, njùa ane mènəè mɨ̧, nkùùla mèntɨ̧ɨ̧ mɨ̧, bɨ̀ ka mè yaŋa ntsòa ane wòt. Bɨ̀ me nkɔ̀ŋkà bɔnyɨ bɨ̧ nɨa wɔb mbɨ̀Ꞌɨ̀ bɔ̀ɔ la.

Efesɔ̀s 4:31

Bɨ̀ ka mbèà bòt a mèntɨ̧ɨ̧ mɨ̧, bɨ̀ ka me bɔ èntɨ̧ɨ̧ nendu̧ nè ntsootsə, bɨ̀ ka ntsi me ŋȩte bòt, bɨ̀ ka ntsi me làꞋa kàbɔ̀ŋ ane bòt, bɨ̀ waꞋa mèmɨ̀ɨ̀te kàbɔ̀ŋ ègème.

Filìpȩ 4:5

Bɨ̀ me yu ane mènəè mɨ̧ a mbì waa waa mbɨ̀Ꞌɨ̀ nê Tǎt wa bele yàŋe ekɨꞋɨ.

1 Tèsàlonikà 2:7

È li ngu àdziꞋa ya mbɨ̀Ꞌɨ̀ bɔntu̧ Yesò Klistò e ghɨ̌ bɨa me kukte awa, ka bà ka wua ngɨ̀à ale. Ba li mbɔ̀ɔ̀le awa a si me baãaã awɨ̧ wuê mbɨ̀Ꞌɨ̀ àvi nàa ngɨ̀ tà bɔ̀ɔ̀le avi me nyɔŋe bɔ̧ bi mè ndìà wɔb la.

1 Tɔ̀màtià 3:11

Bèzi bɔb e bɔ̂ ndɨ bɔ̀ɔ bɔ mènəè ntsɔ̧̀ la, bɔ̀ ka me ghɨ̀ mènàŋ. Bɔ̀ ka me nu mèlùꞋ nyaŋ. Bɔ̀ me ghɨ̀ wuê mènəè è kùꞋu ane balu̧ bàgème la.

1 Tɔ̀màtià 3:3

Wòt àtsəa bòt Yesò ka ngu àbaala mèlùꞋ, tà ka ngu wòt tàa nkàà mèntɨ̧̀ la. A nyɨꞋte nê, tà wu mbɔɔlè wòt tàa ndàŋkà mènəè la, tà ka me zǐ èntɨ̧ɨ̧ vi ane èkab.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

Jimsì 4:11

Bɔnyɨ bɔ̧, bɨ̀ ka me làꞋà kàbɔ̀ŋ adù̧ bɔnyɨ bɨ̧. Wòt me làꞋà kàbɔ̀ŋ adù̧ wanyɨ vi kò saꞋa atò leꞋ, tà ko nê ye wua ndaꞋa kàbɔ̀ŋ ane mbɨ̧ mè ngua saꞋa mbɨ̧ mbɔŋ. À me saꞋa mbɨ̧, à ko nê yea kà ghɨ mbɨ̀Ꞌɨ̀ mbɨ̧ mbɔŋ kɨa la, a bê nko nê ye tsiꞋa wòt tàa sàꞋa mbɨ̧ saꞋa la.

1 Pità 2:1

Mbɨ̀Ꞌɨ̀ àa nè la, bɨ̀ waꞋa mènəè kàbɔ̀ŋ ègème bɨ̀a ngɨ̀à la. Bɨ̀ ka tsi ndàꞋ mèfà̧; bɨ̀ ka me ghɨ̀ mènəè nɨa mvəèəèlà àghɨ a bòt; bɨ̀ ka tsi ngòꞋnè bòt; bɨ̀ ka tsi me làꞋa ntsò̧ò̧tà bòt mɨ̧̂.

1 Pità 3:10

Aà mbɨ̀Ꞌɨ̀ Àkata Mbɔ̧ɔ̧mà a shu la, nê, “Wòt tàa nkɨà nê ye wu etseke ntsɔ̧̀ e mèe bɔ èli ntsɔ̧̀ la, ka tsi ndàꞋà mènəè kàbɔ̀ŋ, tà ka tsi ndàꞋà mèfà̧ mɨ̧̂.

1 Pità 3:8

Enɨ lìà àyaa nè ànəê, tsiꞋ è shu abua yɨ̧ bɨ̀agème nê, bɨ̀ wu ane ètsəê wemɔꞋ, me ku tèsȩte bɔnyɨ bɨ̧, mè nkɔ̀ŋkà wɔb. Bɨ̀ me yu ane mènəè mɨ̧, mè mbɔ̌ èntɨ̧ɨ̧ ntsɔ̧̀ ane bòt.

1 Pità 4:4

A taꞋa tsě bòt ngaa kà ko a Mbɔ̧ɔ̧mà la ndɨ̀ wu bɨ̀a ka tsi nkùŋè àwɔb a màngɨa èwuu èbɨꞋte ènəê kèkweelè baa la, ale bɔ tsiꞋi me tsɔ̧̀ɔ̧̀tè àwɨ̧ tsɔ̧̀ɔ̧̀te.

2 Pità 2:10

Mbɔ̧ɔ̧mà naa ghɨ̀ anè te tsě, ane bòt bu bɔ̀ɔ ngɨ̀à wuê èbɨꞋte èghɨ bu mbɨ̧te ènyit tɔb tèa nkɨà la, bɔ̀ ka mê ngua ndzəa bòt bu bɔ̀ wu àtsəa yɔb la, ka è màà ngu wuê wà leꞋ. BènyɨꞋtà fɨte ngaa e kweele àtsə mè mbɔ̀ mètsəê kàbɔ̀ŋ tè bɔ̀ ka tsi ngua mbɔ̀a elàꞋa kàbɔ̀ŋ adù̧ èghɨ àa ntsèka a ègwet la.

Jûd 1:10

Ka bòt ba aà ndàꞋa kàbɔ̀ŋ adù̧ ànəê àgème bɔ̀ bakà ko la. Bɔɔ ngɨ̀à mènəè mbɨ̀Ꞌɨ̀ mbɨ̧te ènyit tɔb tèa nkɨà la kà kwàꞋtè, wuê mbɨ̀Ꞌɨ̀ banyaãbàꞋ. Bɔɔ ye ngoꞋ nkàà èghɨ bàa.

Jûd 1:8

Eyaa wu ndɨ bènyɨꞋtà àfɨte bàà àa ngɨ̀à la. Bɔɔ shua nê, ndzò̧tsə tea shua wɔb mènəè, nɨa mbɨ̧te ènyit tɔb ngɨa kàbɔ̀ŋ, ntù̧a enyi a èten Mbɔ̧ɔ̧mà mè ndàꞋa kàbɔ̀ŋ adù̧ èghɨ bu a ègwet la.