Tȩtɔ̀s 2:2 - Mundani

² Shu abua mbà̧te juŋ nê, bɔ̀ me yu ane mènəè mɔb, nɨ̀a èyì ka ngɨ̀à mènəè, mè mbà̧aã mèntɨ̧ɨ̧ mɔb ka ngɨ̀à mùà. Bɔ̀ mě me nèèta ndzìà mèntɨ̧ɨ̧ mɔb ane Mbɔ̧ɔ̧mà, nèètà nkɔ̀ŋkà bòt, mè nkìà ngoꞋtsə.

Tȩtɔ̀s 2:2 Iomraidhean Croise

Ntu̧ Ntsɔ̧̀ MAK 5:15

Bɔ kɨꞋɨ ndzèa Yesò bɔ̂ mbê wu fote kàbɔ̀ŋ tèa wu ane tò la. Bɔ me ye tà kwaã ndǐ ti ntsèke a si, èyì tò e kuà, kèbɔɔ ke baãaã wòt ègème.

Lûk 8:35

Ale, bòt e dzəè ngà àbȩ eye àghɨa a ghɨ̀ la. Bɔ kɨꞋɨ nkwene ane Yesò, ndzèa mbê wu fote kàbɔ̀ŋ te dzəa ane tò la tà tseke a mbì Yesò la. Bɔ me ye tà kwaã ndǐ ti, èyì tò e kuà, kèbɔɔ ke baãaã wòt ègème.

ÀfaꞋa 24:25

Pɔ̂l è ghɨ̀ ale, tà mè ngà nè mbì me làꞋa ndɨ bòt e wu me ghɨ̀ mènəè Mbɔ̧ɔ̧mà nàa nkɨà la. Mè ndàꞋà ndɨ bòt e wu me baãaã mèntɨ̧ɨ̧ mɔb ka ngɨ̀à mènəè la, mè shu ndɨ Mbɔ̧ɔ̧mà nàa li esaꞋa a waa waa ane àlia ko la. Mbɨ̀Ꞌɨ̀ tàa ndàꞋà mènəè maa la, Felìk è bùꞋ me bɔa, tê ntsìꞋi shu abua tò nê, “TsiꞋ ale àfɨ̀Ꞌ yaa me ghǎ. Maa mě è mbɔ àfɨ̀Ꞌ, ka e mè ntɔ awê.”

Lûm 12:3

E ngua ndàꞋà ane àtɔŋ yu Mbɔ̧ɔ̧mà ŋa abua am mbɨ̀Ꞌɨ̀ wantu̧ Yesò nkàà ntsɔ̧̀ vi la shua abua wòt ègème ane yɨ̧ nê, wòt ka mɨ̀ɨ̀te nê ye wu àghɨa kà wu yùà. Ka wòt ègème me nɨ avi mbɨ̀Ꞌɨ̀ tàa la, nkoa è vi ne èghab Mbɔ̧ɔ̧mà è ŋa ndɨ̀ wu tà zi èntɨ̧ɨ̧ vi ane Yesò Klistò la.

1 Kɔlìn 15:34

Bɨ̀ kubte mènkwàꞋte mɨ̧, bɨ̀ ka tsi ngɨ a kàbɔ̀ŋ. ÀbəèꞋ àyɨ̧ ako a bakà bê nkoê wòt Mbɔ̧ɔ̧mà wû wùà la. E ndàꞋà àyaa mbɨ̀Ꞌɨ̀ bɨa bɔ àtsəa kɔꞋɔ.

1 Kɔlìn 9:25

Wòt ègème tàa ngɨ̀à àlùùlà la nàa ngɨ̀ tà me kuule èntɨ̧ɨ̧ vi ndàna. Bɔ̀ɔ ngɨ̀ bɔ wua ngɨ̀à ale mbɨ̀Ꞌɨ̀ bɔ àbȩ̀ kà wu tseke, ka è wu awa è wu àbȩ̀ àa wu ane àlia nè àlia la.

2 Kɔlìn 5:13

Ba wu anè ntsìꞋi bòt àtsəa bɨɨ ko ba wu nkɨà nê bòt eŋa mèngùꞋte abua Mbɔ̧ɔ̧mà, mbə è wu nê mèmɨ̀ɨ̀te ma bele ntsɔ̧̀, ko ba kɨ etɨŋe awɨ̧.

Gàlashìà 5:23

nè màshuke awê a si, ndɔ̀Ꞌ nè màmbaãaã ènyit yê. Wòt ghɨà èghɨ bàa, ko tà bakà bəꞋ mbɨ̧.

Filìpȩ 4:8

Bɔnyɨ bɔ̧, ànəa e nkɨ elìa eshu awɨ̧ la wu nê, bɨ̀ me mɨ̀ɨ̀tè wuê mènəè è wû nkûŋ la, nè mènəè bòt àa nkùkta la, mè nè mènəè è kùꞋù la. Bɨ̀ me mɨ̀ɨ̀te mènəè kà ye àŋɔꞋte adù̧, nè mènəè nàa mbɔ̀, bòt e mè me kɔ̀ŋke la. Èghɨ bu e taꞋa wua mbɔ̀, bòt e mè me wùꞋte bùà la wu èbe bɨ̀a me mɨ̀ɨ̀tè la.

1 Tèsàlonikà 5:6

È wu ale, bà ka me li mbɨꞋɨ̀ bòt bu kà zi mèntɨ̧ɨ̧ mɔb ane Yesò àa ndìa la. Bà tseka àtatsi me chɨ̀Ꞌɨ.

1 Tèsàlonikà 5:8

Ka è me wu awa wu bàa ngȩ̀ȩ̀nà nèngû̧ la, bà me kuule ènyit ya, ndzì mèntɨ̧ɨ̧ ma ane Yesò mè mbɔ èkɔŋ. Màngɨa ale naa wu mbɨ̀Ꞌɨ̀ ba kwaãaã ndǐ àtɨ̧ɨ̧na yu bèshujà àa nkwà̧aã nɨa nkàbta bèghèmnà bɔb ka nga èbet la. Mèe nɔ̀ŋè ntɨ̀ ya me chɨ̀Ꞌɨ̀ àli yu Yesò Klistò nàa li kɨꞋɨ e ghɨ̌ baa peme la, è wu mbɨ̀Ꞌɨ̀ ntà̧ bɔ ghɨ ane àtɨ̧ɨ̧na baa kwaãaã la.

1 Tɔ̀màtià 1:10

Mbɨ̧ taa te wu abua bòt bu bɔ̀ɔ nɔ̀ŋkà nè bèzi kà wu ebɔb la, nè mbâ̧ tu tèa mpàꞋta teko la. Mbɔ̧ɔ̧mà li ngɨ̀ mbɨ̧ taa abua bòt bu bɔ̀ɔ mbà̧aã bɔbȩ efɨ̧̀ɨ̧̀nà la. Mè ngɨ̀ abua bòt mèfà̧, nè bòt bu bɔ̀ɔ ndàꞋà mèfà̧ àtsəa bòt ko la, nè bòt bu bɔ̀ɔ ngɨ̀à mènəè kà kuꞋ ane èlɨ wu Mbɔ̧ɔ̧mà è nyɨꞋte awa nê bà me ghɨ̌ la.

1 Tɔ̀màtià 1:14

Yesò Klistò Lefɨ̀Ꞌ wa li nèètè ndɔ̀ɔ̀lè am, ngɨ̀ e ndzì èntɨ̧ɨ̧ am ane tò, mè me kɔ̀ŋkè atò, è wù àghɨa tàa ngɨa ane bòt bu bɔ̂ tò ba e tsiꞋi mbɨ̀Ꞌɨ̀ àghɨ yeamɔꞋ la.

1 Tɔ̀màtià 1:2

Abua Tɔ̀màtià, ngule waã am ane Yesò. Maà shù̧ù̧ta nê Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ wa è me nyɨꞋte a ntsɔ̧̀ wɔb abua yê, nkua tèsȩ tê, mè ngɨ̀ à bɔ àlàŋkè a èntɨ̧ɨ̧ wê.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

1 Tɔ̀màtià 3:11

Bèzi bɔb e bɔ̂ ndɨ bɔ̀ɔ bɔ mènəè ntsɔ̧̀ la, bɔ̀ ka me ghɨ̀ mènàŋ. Bɔ̀ ka me nu mèlùꞋ nyaŋ. Bɔ̀ me ghɨ̀ wuê mènəè è kùꞋu ane balu̧ bàgème la.

1 Tɔ̀màtià 3:2

Wòt àtsəa bòt Yesò kâ ngu wòt bòt àa ndàꞋà kàbɔ̀ŋ adù̧ tò la. Tà bɔ̂ ndɨ tàa bɔ wuê àvi wemɔ̀Ꞌ, mè me baãaã èntɨ̧ɨ̧ vi ka ngɨ̀à mènəè la. Ŋut me ghɨ̌ mènəè wuê ane èlɨ bòt àa me zə atò la, nko a màsea bègɨ̧̀ ntsɔ̧̀, nko a mànyɨꞋte mènəè ntsɔ̧̀ mɨ̧̂.

1 Tɔ̀màtià 3:4

Ŋut è bɔ̂ ndɨ tàa me koa mbà̧aã lob zi ntsɔ̧̀, mè ngɨ̀ ndɨ bɔ̧ tò àa me nèèta ndzəèa atò la.

1 Tɔ̀màtià 3:8

Bèdikɨ̀n mɨ̧̂ e bɔ̂ ndɨ bɔ̀ɔ wu bòt mènəè ntsɔ̧̀ la, bɔ̀ ka me fible bòt. Bɔ̀ ka me nu mèlùꞋ nyaŋ, bɔ̀ ka me kɨ nê àghɨ àgème wu ayɔb.

1 Tɔ̀màtià 5:1

À ka ŋȩ̂ ndènè wòt. LàꞋa abua tò mbɨ̀Ꞌɨ̀ tǎt wè. Baãaã bɔkèsà mbɨ̀Ꞌɨ̀ bɔnyɨ bè,

Tȩtɔ̀s 1:13

Ànəê yaa tà li shu la a bɔ̂ ngu nkûŋ. Mbɨ̀Ꞌɨ̀ aa anè la, à bɔ ndɨ àa taꞋa ŋȩte awɔb mbɨ̀Ꞌɨ̀ bɔɔ me nèèta nkùŋà alu̧ Mbɔ̧ɔ̧mà la.

Tȩtɔ̀s 1:8

Ka ŋut e bɔ ndɨ tàa wu wòt tàa nkòa èsèà bègɨ̧̀ a lob zi la, mè ngu wòt tàa nkɔ̀ŋkà wuê àghɨa àa mbɔ̀ la. Ngu wòt tàa mbà̧aã èntɨ̧ɨ̧ vi ka ngɨ̀à mènəè, mènəè tò mè ntɨ̧ɨ̧ ndɨŋndɨ̀ŋ la. Tà bɔ ndɨ tàa wu ngule wòt Mbɔ̧ɔ̧mà, e mě me ghɨ̌ mènəè mbɨ̀Ꞌɨ̀ wòt tà ko èdziꞋ la.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

Fȩlemùn 1:9

ka e ngu anè ntsìꞋa shù̧ù̧te awê shù̧ù̧te nè èkɔŋ. Mmɔ̌ Pɔ̂l, maà ngɨ̀à àyaa anè mbɨ̀Ꞌɨ̀ wòt tà tɨ̧ɨ̧ ane èlen Yesò mbɔ̂ ngu àfɨ̀Ꞌ yaa fȩ ane ànəa tò la.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

1 Pità 5:8

Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.

2 Pità 1:6

Bɨ̀ mě me nèèta nkùùla ènyit yɨ̧, nèètà nkùùla mèntɨ̧ɨ̧ mɨ̧, mè ntsèka mbɨ̀Ꞌɨ̀ Mbɔ̧ɔ̧mà nàa nkɨà la,