Tȩtɔ̀s 1:2 - Mundani

² e mě zǐ ntɨ̀ yɔb ane Mbɔ̧ɔ̧mà mbɨ̀Ꞌɨ̀ taa ghɨ̌ bɔɔ bɔ mèmpème kàlìà. Ngɔ̀ŋ li me laꞋ nê yeà mbùꞋà, Mbɔ̧ɔ̧mà wu tàa ka fɨ̀te la yaŋe kàꞋà àwa mèmpème màa.

Tȩtɔ̀s 1:2 Iomraidhean Croise

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Matìù 25:46

“ÀfɨꞋa mbɔŋ ko bòt kàbɔ̀ŋ bu aa gha àdziꞋa kà ngoꞋ wu li elìa, èbe ntsɔ̧̀ bu e egha àdziꞋa mèmpème kàlìà.”

Ntu̧ Ntsɔ̧̀ MAK 10:17

Yesò li ndɔ̀Ꞌ me ghǎ, wòt kǒ lùùlà nkɨ̀Ꞌɨ̂ ntèm tènjûŋ ti a mbì tò mbììte nê, “NyɨꞋtà Ntsɔ̧̀, betsiꞋa e ngɨ̀ nǎ tè mbɔ̀ mèmpème kàlìà à?”

Ntu̧ Ntsɔ̧̀ MAK 10:30

nàà nga taꞋa ebɔ èghɨ ko tsa àfɨ̀Ꞌ yaa. Tàa bɔ èghɨ ngaa èdziꞋ ènkɨ̀, te tsě ndɨ e li nguê la, lobtsə, bɔnyɨ (mbâ̧ nè àvi), bènyɨ̌, bɔ̧, mbȩtsə, fɔ̀ɔ̀lè ne ndɨ bòt àa me kɨ àtsəa tò enɨ la. Tà bɔ̂ ngu e ghɨ̀ ale, e li bɔ mèmpème kàlìà mɨ̧̂ ane ngɔ̀ŋ yu nga ekɨꞋɨ la.

Jɔ̌n 10:28

Maà ŋǎ wɔb wu bɔ̀ɔ nkuŋà am la mèmpème kàlìà, tè bɔ ka wu li eleme, wòt kà mèe nguê tàa fàà àwɔb a tèkitebu taã la.

Jɔ̌n 17:2

Ghɨ̀ ale nkàà nê, à ŋa atò mètàŋ a ègwet bòt bàgème, nê tà ŋa mèmpème kàlìà abua bòt bu bàgème à ŋa abua tò la.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Jɔ̌n 5:39

Bɨà ntɔ Àkata Mbɔ̧ɔ̧mà ànyaꞋne ntsìꞋa nta nê wu yùà ka àa ghɨ̌ bɨa ko ndɨ wòt nàa bɔ mèmpème kàlìà la. Àkate mbɔŋ aa ndàꞋà ànəa wòt è ngu wùà la,

Jɔ̌n 6:54

Wòt tà kwele nyà̧ ènyit yaã ndɔ̀Ꞌ nù àlo̧ am la, è bɔ mèmpème kàlìà, e mbɔ̂ ngu li eyu̧u̧me atò àlia ngɔ̀ŋ naa lìa la.

Jɔ̌n 6:68

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

ÀfaꞋa 15:18

Eyaa wu ànəa Mbɔ̧ɔ̧mà li shu mè ngɨ̀ bòt e ko tê àfɨꞋa mbì la.’ ”

Lûm 1:2

Mbɔ̧ɔ̧mà li ndzaŋe kàꞋa ànəa Ntu̧ Ntsɔ̧̀ yaa, bèndàꞋàtɔŋ tò e shɨ a èbem Àkata tò.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

Lûm 5:21

Ale, mbɨ̀Ꞌɨ̀ kàbɔ̀ŋ èbɔ mètàŋ ngɨ̀ bòt e me pfəꞋte la, wu wuê ndɨ̀ ntsɔ̧̀ Mbɔ̧ɔ̧mà wu tà nyɨꞋtè abua bòt la, èbɔ mètàŋ mè ngu ghɨ̌ bòt aa tsiꞋi bòt bɔ tɨ̧ɨ̧ ndɨŋndɨ̀ŋ a mbì tò, mè mbɔ̀ mèmpème kàlìà, nkàà àghɨa Yesò Klistò Lefɨ̀Ꞌ wa ghɨ̀ la.

Lûm 5:4

àkuula èntɨ̧ɨ̧ yaa a ghɨ̀ baa bɔ mààlà nàa mbɔ̀ a Mbɔ̧ɔ̧mà la; mààlà waa mè ngɨ̀ baa ko nê baa li wu ne Mbɔ̧ɔ̧mà.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

1 Tèsàlonikà 2:15

Bèjuê ngaa e li mbuŋe a Yesò Lefɨ̀Ꞌ, mbɨ̀Ꞌɨ̀ bɔ̀ le lɔ̂Ꞌ mbùŋè bèndàꞋàtɔŋ Mbɔ̧ɔ̧mà, mè me kɨ ètsə ba enɨ àfɨ̀Ꞌ yaa la. Bɔɔ ngɨ̀à ale, a bɨa Mbɔ̧ɔ̧mà, bɔ mè ntsìꞋi bɔmbù̧ ba,

1 Tèsàlonikà 5:8

Ka è me wu awa wu bàa ngȩ̀ȩ̀nà nèngû̧ la, bà me kuule ènyit ya, ndzì mèntɨ̧ɨ̧ ma ane Yesò mè mbɔ èkɔŋ. Màngɨa ale naa wu mbɨ̀Ꞌɨ̀ ba kwaãaã ndǐ àtɨ̧ɨ̧na yu bèshujà àa nkwà̧aã nɨa nkàbta bèghèmnà bɔb ka nga èbet la. Mèe nɔ̀ŋè ntɨ̀ ya me chɨ̀Ꞌɨ̀ àli yu Yesò Klistò nàa li kɨꞋɨ e ghɨ̌ baa peme la, è wu mbɨ̀Ꞌɨ̀ ntà̧ bɔ ghɨ ane àtɨ̧ɨ̧na baa kwaãaã la.

1 Tɔ̀màtià 6:12

Tsì ètɨ̧̂ wê ntsènè è nù èbele Mbɔ̧ɔ̧mà. Ghɨ̌ ndɨ àa bɔ mèmpème kàlìà la, nkàà nê Mbɔ̧ɔ̧mà li ndȩ̀ awê nê kɨꞋɨ mbɔ̀ mùà, àfɨ̀Ꞌ yu à li mbɨ̧̀ɨ̧̀nê a mbì bòt nyaŋ nê ye zǐ èntɨ̧ɨ̧ vi ane Yesò Klistò la.

1 Tɔ̀màtià 6:19

Bɔ ghɨ̀ anè, bɔ ko nê bɔ wua nɔ̀ŋà èghɨ bɔb adzìꞋa ntsɔ̧̀, mbɨ̀Ꞌɨ̀ wòt ntàŋka mèntsèke ntsɔ̧̀ mi nàa li ewu ane àli ako la. ÀfɨꞋa mbɔŋ àa kɨꞋɨ bɔɔ bɔ ngule mèmpème mbɔŋ.

2 Tɔ̀màtià 1:1

Letà Pɔ̂l wantu̧ Yesò Klistò, Mbɔ̧ɔ̧mà lè zì ane mènkɔ̀ŋke mi nê tà laꞋa ànəa mèmpème mu ye kàꞋa abua bòt bu bɔɔ fɔtè ntsìꞋi àghɨ yeamɔꞋ bɔ̀ Yesò Klistò ba la,

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

2 Tɔ̀màtià 2:13

Ba tsì mèntɨ̧ɨ̧ ma ane tò, ko tàà ndɨ̀ŋkà wu awa àfɨ̀Ꞌ àgème, mbɨ̀Ꞌɨ̀ nê betsiꞋa tà kà kubtè ànəa tà shu zìambɔŋ la.”

2 Tɔ̀màtià 2:15

È wu awê, à nyɔ̀Ꞌtè fàꞋà ndɨ Mbɔ̧ɔ̧mà nàa bɨ̧ɨ̧ne la. FàꞋà mbɨ̀Ꞌɨ̀ wɔ̀fàꞋ kà wu li elɔ̀Ꞌɔ ebɔ àtsəa kɔꞋɔ ane àfàꞋ àzi, mè fàꞋà mbɨ̀Ꞌɨ̀ wòt tàa nèètà nyɨ̀Ꞌta bòt èngǎ̧ nkûŋ wu e dzəâ abua Mbɔ̧ɔ̧mà la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

Tȩtɔ̀s 3:7

mbɨ̀Ꞌɨ̀ Mbɔ̧ɔ̧mà wu naa ku tèsȩ ta, e mě ghɨ̀ mènəè ma naa tɨ̧ɨ̧ ndɨŋndɨ̀ŋ a mbì li. Tà li ngua ngɨ̀à ale mbɨ̀Ꞌɨ̀ baa bɔ mèmpème kàlìà mu ba nɔ̀ŋe ntɨ̀ ya adù̧ la.

1 Jɔ̌n 2:25

Eyaa wu àghɨa Yesò Klistò zìambɔŋ li nkàꞋ àwa la. Tà li nkàꞋ àwa mèmpème kàlìà.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

Jûd 1:21

Bɨa me chɨ̀Ꞌɨ àfɨ̀Ꞌ yu Yesò Klistò Lefɨ̀Ꞌ wa nàa nɨ tèsȩ ti e ghɨ̌ bɨa bɔ mèmpème kàlìà la, bɨ me tseke ane èlɨ Mbɔ̧ɔ̧mà nàa me kɔ̀ŋkè àwɨ̧ la.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Ètsə 17:8

Nyà̧mɔ̀Ꞌ mbɔŋ à li ndze la li ndzaã ngu yu̧, ka nè àfɨ̀Ꞌ yaa tà te ntsě yu̧. È bele nyaŋe edzəâ a èbem ebɨ lu kà ye ndìa la, eghǎ bɔɔ bùŋè atò. AfɨꞋa bòt sitsǎꞋ bu bɔ̀ le kaꞋa shɨ tèlen tɔb a èbem àkata mèmpème a mèmbùꞋu ngɔ̀ŋ la àa ye nyà̧mɔ̀Ꞌ yu la, aa taꞋa tsè àwɔb, nkàà nê tà li ndzaã ngu yu̧, ka nè àfɨ̀Ꞌ yaa tà kà tsi ngu yu̧, mbɔ̂ ngu è li e mě kɨꞋɨ.