Matìù 3:2 - Mundani

² “Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Matìù 3:2 Iomraidhean Croise

Matìù 10:7

Bɨa me ghȩ̀ȩ̀ne, bɨ me làꞋa èngǎ̧ Mbɔ̧ɔ̧mà shua nê, ‘Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.’

Matìù 11:20

Yesò ghɨ̀ ale, mbùꞋ me tsò̧o̧ èpfəè bu tà ghɨ̀ tèwuute ènəê kà ye efəa nyaŋ abàꞋ və la, nkàà nê bɔ li bɔ̀ ka waꞋa mènəè Kàbɔ̀ŋ mɔb.

Matìù 12:41

Naa li ngu ane àlia saꞋa Mbɔ̧ɔ̧mà, bòt àlaꞋ a Ninevè e lɔꞋɔ a si mbà̧ wɨ̧ ane mènəè kàbɔ̀ŋ mu bɨ̀a ngɨ̀à la, nkàà nê bɔ li ngwàꞋ mènəè kàbɔ̀ŋ mɔb àfɨꞋa Jɔnà li ntsɔ̀tè ntu̧ Mbɔ̧ɔ̧mà abua yɔb la. TsiꞋ è shu awɨ̧ nê wòt kǒ naa àdzìꞋ yaa mènəè tò è tsě me Jɔnà la.

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Matìù 13:24

“Yesò ghɨ̀ ale, mè nê betsiꞋa bɔ fɨ̀Ꞌne a Kèfɔ̧̀ Mbɔ̧ɔ̧mà ane èngà̧teme wàà. Wòt kǒ lè lɔꞋ sà èsaãaãme ntsɔ̧̀ a mbȩ zi,

Matìù 13:31

Yesò li mè ntème èngà̧ ko abua yɔb nê, “Kèfɔ̧̀ Mbɔ̧ɔ̧mà wu mbɨ̀Ꞌɨ̀ èsaãaãme èwuu maŋkaŋa kǒ wòt kǒ sǎ a mbȩ zi la.

Matìù 13:33

Yesò mè shu awɔb èngà̧teme ko nê, “Kèfɔ̧̀ Mbɔ̧ɔ̧mà wu mbɨ̀Ꞌɨ̀ yis wu naa ngɨ̀à ka bled è kɔ̀Ꞌa la. Àvi nàa ngɨ̀ tà nɨ̀ adzìꞋ ntɔ̀bte ane bapfəèꞋ fàlawà batat è tsekè tè ngȩȩne a èbem fàlawà wu ègème ngɨ̀ è kɔꞋ.”

Matìù 13:47

“Kèfɔ̧̀ Mbɔ̧ɔ̧mà mè ngu mbɨ̀Ꞌɨ̀ ànəa bòt bɔ maꞋa tasat a èbem *èdzî nɨa mbà̧ tèwuute basə tègème la.

Matìù 13:52

Tà mè shu abua yɔb nê è wu ale, nyɨꞋtà mbɨ̧tsə tà tsiꞋi wakatè a kèfɔ̧̀ Mbɔ̧ɔ̧mà la, wu mbɨ̀Ꞌɨ̀ tǎt lob wu tàa ngɨ̀ tà tsɔꞋɔ àtsəa lob zi ntsì èghɨ ntsɔ̧̀ fi bi nè èbe nyaꞋ àfɨꞋa tà kɔ̀ŋkè la.

Matìù 18:23

“È wu ale, betsiꞋa bɔ fɨ̀Ꞌnè a kèfɔ̧̀ Mbɔ̧ɔ̧mà ane ànəa fɔ̧̀ kǒ tà li ngua kɨ ekwàꞋtè èkatè ekabe bòt ètsə fàꞋ bi la.

Matìù 20:1

Yesò ghɨ̀ ale, mè nê “Kèfɔ̧̀ Mbɔ̧ɔ̧mà wu mbɨ̀Ꞌɨ̀ ànəa wòt kǒ, tà li ndzəè nga àbȩ a ntɔtetsɔ̌Ꞌ ekɨ bòt bɔ̀ɔ faꞋa a mbȩ zi la.

Matìù 22:2

“Kèfɔ̧̀ Mbɔ̧ɔ̧mà wu mbɨ̀Ꞌɨ̀ fɔ̧̀ ko, tà li nkaꞋa èpà̧ ane ndzɔꞋɔ waã vi la.

Matìù 23:13

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la, nkàà nê bɨa nkèla bòt mbɨ̀Ꞌɨ̀ bɔ nyi a Kèfɔ̧̀ Mbɔ̧ɔ̧mà. Bɨ̀a mbɔŋ aà kà kɨ nyi, mbɔ̂ nkèle bòt nkɨ enyi la, mbɨ̀Ꞌɨ̀ bɔ nyi. [

Matìù 25:1

“Àlia mbɔŋ aa li nkùꞋ, ànəa kèfɔ̧̀ Mbɔ̧ɔ̧mà a wu mbɨ̀Ꞌɨ̀ àyea bɔɔ̀zi ko èghem bɔ li nɨ mèkàꞋà mɔb nga esèè lu̧ ndzà la.

Matìù 25:14

“Ànəê yaa a wu mbɨ̀Ꞌɨ̀ wòt kǒ tà li me dzəa nga à lèghȩ̀ȩ̀nè ntɔ bɔfàꞋ bi ndzì èghɨ bi abua yɔb la.

Matìù 4:17

E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

Matìù 4:23

Tà me ghȩȩne a èdziꞋ ègème a Galìlî nyɨ̀Ꞌta èngǎ̧ Mbɔ̧ɔ̧mà a èbem lobte Mbɔ̧ɔ̧mà, mè ntsɔ̀tà Ntu̧ Ntsɔ̧̀ kèfɔ̧̀ Mbɔ̧ɔ̧mà, mè mbəèa tèwuute èghɔ̧ tègème, nè èlɔꞋ ègème ane bòt.

Matìù 5:10

Ntsɔ̧̀ wu bòt bu bòt àa nkɨà àtsəa yɔb enɨ ndɨ̀ wu bɔ̀ɔ nkɨ e ghɨ̀ àghɨa Mbɔ̧ɔ̧mà nàa nkɨà la, kèfɔ̧̀ Mbɔ̧ɔ̧mà wu abua yɔb.

Matìù 5:3

“Ntsɔ̧̀ wu bòt bu bɔ ko nê, bɔ wu bòt mbuŋ a mbì Mbɔ̧ɔ̧mà la. Kèfɔ̧̀ Mbɔ̧ɔ̧mà wu abua yɔb.

Matìù 6:10

Ghɨa kèfɔ̧̀ wê kɨꞋɨ, bòt è me ghɨ̀ àghɨa àa nkɨà la a sitsǎꞋ mbɨ̀Ꞌɨ̀ àa ègwet la.

Matìù 6:33

Ale, bɨ̀ bɨa me zə wuê mènəè kèfɔ̧̀ Mbɔ̧ɔ̧mà mè me ghɨ̀ wuê àghɨa tàa nkɨà la, ko taa ŋa èghɨ bàagème bɨ̀a nkɨ̀ŋkà la abua yɨ̧.

Ntu̧ Ntsɔ̧̀ MAK 1:15

shua nê “Ngule àfɨ̀Ꞌ yu a kùꞋ. Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧. Bɨ̀ waꞋa mènəè kàbɔ̀ŋ mɨ̧, mbɨ̧̀ɨ̧̀ne Ntu̧ Ntsɔ̧̀.”

Ntu̧ Ntsɔ̧̀ MAK 1:4

Ale, Jɔ̌n ndzìà èdzî li nkɨꞋɨ àbâ àlaꞋ àyuube me tsɔ̀te nê, “Bòt è waꞋa mènəè kàbɔ̀ŋ mɔb, nkɨ̀Ꞌɨ̂ bɔ̀ zì àwɔb a èdzî mbɨ̀Ꞌɨ̀ taa waꞋa mènəè kàbɔ̀ŋ mu bɔ̀ɔ ngɨ̀à la.”

Ntu̧ Ntsɔ̧̀ MAK 6:12

Bɔkatè Yesò bu e zə ànəa tà shu la, ngà me tsɔ̀te nê bòt è waꞋa mènəè kàbɔ̀ŋ mɔb.

Lûk 1:16

Taa li ghɨ̌ bòt èpfəè àlaꞋ Izəèlȩê nyaŋ aa kua akwèn ekɨꞋɨ abua tǎt wɔb Mbɔ̧ɔ̧mà.

Lûk 11:20

Ka e ngua nɨa mètàŋ Mbɔ̧ɔ̧mà ka fəèà fote kàbɔ̀ŋ ko a wua nyɨ̀Ꞌta nê kèfɔ̧̀ Mbɔ̧ɔ̧mà kɨꞋɨ tê ntsìꞋi nè nɨ̧̀.

Lûk 13:3

A ntsě ale! Ka e ngu a si shua wɨ̧ nê, bɨ bakà kùbte mèntɨ̧ɨ̧ mɨ̧ ewaꞋa mènəè kàbɔ̀ŋ mɨ̧, ko bɨa li pfəꞋte bàgème mbɨ̀Ꞌɨ̀ bɔ̀ɔ̀ba.

Lûk 13:5

A ntsè ale! E ngu a si shua wɨ̧ nê, bɨ bakà kùbte mèntɨ̧ɨ̧ mɨ̧ ewaꞋa mènəè kàbɔ̀ŋ mɨ̧, ko bɨa li pfəꞋte bàgème mbɨ̀Ꞌɨ̀ bɔ̀ɔ̀ba.”

Lûk 15:10

Yesò ghɨ̀ ale, mè nê, “E ngu a si è shu awɨ̧ nê, ndɨ àvi wàa le lɔ̂Ꞌ ngùꞋtè àvi la, wu wuê èlɨ mbɔŋ bɔntu̧ Mbɔ̧ɔ̧mà àa ngùꞋtà àwɔb ane wòt kàbɔ̀ŋ wemɔ̀Ꞌ tà kubtè èntɨ̧ɨ̧ vi èsà mènəè kàbɔ̀ŋ mi la.”

Lûk 15:7

Ale, kwàꞋ ane nkûŋ tsiꞋ è shu awɨ̧ nê wu wuê èlɨ mèngùꞋte nàa wu a ègwet ane wòt kàbɔ̀ŋ wemɔ̀Ꞌ tà kubte èntɨ̧ɨ̧ vi, ngwàꞋà mènəè kàbɔ̀ŋ mi la, tè ntsè me nàa ane bòt èghem yebəèꞋa ntsɔ̀b babəèꞋa bɔ̀ wu bòt ntsɔ̧̀ kà tsi mbɔ̌ ndɨ bɔ̀ɔ kubte mèntɨ̧ɨ̧ mɔb la.”

Lûk 16:30

“Wòt èkab wu mè nê, ‘ÀwɔꞋ a tè Abàlàghâm, wòt bakà lɔ̀Ꞌɔ adzìꞋa bèmpfəà yaa te gha shu awɔb, ko bɔ ka kubte mènəè kàbɔ̀ŋ mɔb a.’

Lûk 21:31

Wu wuê èlɨ bɨ yea èghɨ bàà ègème e ghɨ̀à la, bɨ ko nê, kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧ la.

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Lûk 6:20

Yesò lɔ̀kè àvi shu abua bɔkatè bi bu nê, “Ntsɔ̧̀ wu bɨ̀a bòt mbuŋ, kèfɔ̧̀ Mbɔ̧ɔ̧mà wu abua yɨ̧.

Lûk 9:2

Tà tsàà àwɔb nê bɔ̀ gha ntsɔ̀tè mènəè Kèfɔ̧̀ Mbɔ̧ɔ̧mà mè mbəâ bòt àghɔ̧.

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

ÀfaꞋa 17:30

Mbɔ̧ɔ̧mà è waꞋ mè ndèènè èfɨ̀Ꞌ bu bɔbȩ e li bɔ̀ ka ko atò la. Ka nè àfɨ̀Ꞌ yaa, tàa nkɨà nê waa waa adzìꞋ àgème waꞋa èwuu mènəè kàbɔ̀ŋ maa.

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 26:20

E ndi mbɨ̀ ndàꞋ èngǎ̧ Yesò a Dàmaskɔ̀s, me tsɔꞋɔ ndaꞋa a Jèlusalèm, mè ndaꞋa àlaꞋ a Bèjuê àgème, ka mbɔ̂ ndaꞋa abua bòt kà wu Bèjuê. E ndi ngua ndaꞋa shua nê, bɔ̀ ghɨ̀ mènəè mu è nyɨꞋtè nê, bɔ waꞋa mènəè kàbɔ̀ŋ mɔb la, mbɨ̀Ꞌɨ̀ etsiꞋi bòt bɔ̀ɔ nkuŋa a Mbɔ̧ɔ̧mà la.

ÀfaꞋa 3:19

È wu ale, bɨ̀ waꞋa mènəè kàbɔ̀ŋ mɨ̧, nkuŋe a Mbɔ̧ɔ̧mà mbɨ̀Ꞌɨ̀ taa waꞋa a kàbɔ̀ŋ wɨ̧,

2 Kɔlìn 7:10

Àbu a Mbɔ̧ɔ̧mà àa ngua ane ànəa àa sàa wòt la, a ghɨ̀ ŋut kubtè èntɨ̧ɨ̧ vi nè mèntsèke mi. Àyaa aa ngɨ̀à wòt pèma, tè à ka wu esaa wòt. Èntɨ̧ɨ̧ àa me saa wòt mbɨ̀Ꞌɨ̀ èntɨ̧ɨ̧ àa sàa bòt ngɔ̀ŋ la, è nɨ èvə nɨŋ nkɨ̀Ꞌɨ̂.

Kɔ̀losìà 1:13

Tà li ntsì àwa a èbem ndzěm yu è li mbɔ̀ mètàŋ a ègwet la la, nèètè ndzì àwa a èbem kèfɔ̧̀ Waã vi wu tà taꞋa wua nkɔ̀ŋkà la.

2 Tɔ̀màtià 2:25

Tà bɔ ndɨ tàa baãaã èntɨ̧ɨ̧ vi ka me kɨɨte bòt bu ntù̧a èngà̧ wu tàa nyɨ̀Ꞌta la. Tà ghɨ anè ko ateko Mbɔ̧ɔ̧mà naa ŋa awɔb èlu̧ bɔɔ kubte mènəè kàbɔ̀ŋ mɔb e mě eko nkûŋ la.

Ebùlù 6:1

Bà me ghɨ èghɨ bu e kùꞋu abua bòt bu bɔ tsə ane mènəè Yesò la. Bà ka ntèꞋà wuê ane ànəa èghɨ leyu bu bɔ li mbɨ̀ nyɨ̀Ꞌte awa ane ànəa Yesò Klistò la. Bà ka tsi me làꞋà wuê mènəè mbì mu nàà shua nê bòt è waꞋa mènəè mu nàa ngɨ̀à bɔ tsiꞋi èpfəꞋte bòt a mbì Mbɔ̧ɔ̧mà la. Bà ka tsi me làꞋà wuê ndɨ wòt nàa zǐ èntɨ̧ɨ̧ vi ane Mbɔ̧ɔ̧mà la.

2 Pità 3:9

Mbɔ̧ɔ̧mà nàà kà lȩ̀ȩ̀tè a màngɨa àghɨa tà kàꞋà la mbɨ̀Ꞌɨ̀ bòt ko àa nkwàꞋtà la. Ànəa àa və la wu nê tà kuule èntɨ̧ɨ̧ vi me chɨ̀Ꞌà wɨ̧ nê bɨ̀ waꞋa mènəè kàbɔ̀ŋ mɨ̧, kùŋè àvi, nkàà nê tàa kà kɨ nê wòt kǒ nyɔ.

Ètsə 2:21

E ndi ŋǎ atò àfɨ̀Ꞌ nê tà kubte, ka tà tu̧u̧ ekubte ane mènəè kàbɔ̀ŋ mi.

Ètsə 2:5

È wu ale, bɨ̀ ku̧u̧te àdziꞋa èkɔŋ wɨ̧ è le wu ane yaã la, nkùbte mèntɨ̧ɨ̧ mɨ̧, mè me ghɨ mbɨ̀Ꞌɨ̀ bɨ li ndzaãaã ngùa ngɨ̀à la. Bɨ̀ baka kubte, ko ma kɨꞋɨ e tsì àyɨ̧ ne àghɨ yu bɔɔ ntsia èkaꞋà adù̧ la adzìꞋa zi.