Matìù 2:6 - Mundani

⁶ Nê, ‘KwàꞋ àwɔ̀ Betèlèghêm, à ntsě àpfəa techɨɨle ayɔɔ èpfəè bòt Judà, ngu nê, Fɔ̧̀ naa li dzə abua yê ewua àtsəa bòt bɔ̧, bòt Izəèlȩê.’ ”

Matìù 2:6 Iomraidhean Croise

Matìù 2:1

Bɔ li mbia Yesò a Betèlèghêm àbâ àlaꞋ a Jùdià àfɨꞋa Elɔ̀d lè wu fɔ̧̀ la. Àfɨ̀Ꞌ a me wu bòt èyì ko bɔ dzə àbâ yu nyèm nàa sàꞋa la e kɨꞋɨ̀ a Jèlusalèm.

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Jɔ̌n 21:16

Yesò mè mbììte atò nê, “Simùn waã Jɔ̌n, tè àà nkɔ̀ŋkà am?” Pità shu abua tò nê, “Oò a Tê, à ko nê, maà nkɔ̀ŋkè awê.” Yesò shu abua tò nê, “Me baabe njɨ̀ taã.”

Jɔ̌n 7:42

Àkata Mbɔ̧ɔ̧mà a laꞋnê Fɔ̧̀ wu Mbɔ̧ɔ̧mà li ndzɔꞋ etsàà la naa wu wòt àndǎ̧ Fɔ̧̀ Dàbid, mbɔ̂ ngua nga edzəâ a Betèlèghêm àdziꞋa Fɔ̧̀ Dàbid li ndzəè la.”

Efesɔ̀s 1:22

Mbɔ̧ɔ̧mà zi èghɨ ègème a èten èka Yesò Klistò. Tà wu a ègwet àghɨ àgème, wuê mbɨ̀Ꞌɨ̀ tà wu àtsəa bòt chɔsì la mɨ̧̂.

Kɔ̀losìà 1:18

Tà mè ngu àtsəa chɔsì wu è wu mbɨ̀Ꞌɨ̀ mbɨ̧̀ ènyit Yesò Klistò zìambɔŋ la. Wu tòà tà li ngɨ̀ bɔ bɔ mèmpème la. Tà wu wòt mbì Mbɔ̧ɔ̧mà li njù̧ù̧me mbɨ̀Ꞌɨ̀ e ghɨ̌ taa wu àtsəa èghɨ ègème la.

Ebùlù 7:14

Waa waa lâ nko nê, Lefɨ̀Ꞌ wa li ndzə a èbem àndǎ̧ Judà, è wu àndǎ̧ Musì li me làꞋa ànəa bèntsìà mèpɨ̧̀ Mbɔ̧ɔ̧mà ale tà kà taꞋà èlen àndǎ̧ mbɔŋ la.

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

Ètsə 2:27

wuê mbɨ̀Ꞌɨ̀ Tǎt am è ŋa mètàŋ abua am la. Ŋut naa me nɨ ambàŋ àtɨ̧ɨ̧na mbà̧aã èlaꞋ mbɔŋ kà ku tèsȩ, ngɔ̀Ꞌà àwɔb, mbɨ̀Ꞌɨ̀ bakɨ̀ŋ ètsaꞋ bèa ngɨ̀ be boꞋtè ane tèbatsə la.

Ètsə 7:17

Aa li wu ale nkàà nê, Wanjɨ̀ wu a kètsìà àtɨ̧a kèfɔ̧̀ yu la, naa li wu mbààba awɔb, e me nɨa awɔb ngà a badzì mèleb nàa ŋa mèmpème la. Mbɔ̧ɔ̧mà mè ngu li yòò mèsi ègème àghɨ ayɔb.”