Lûm 9:4 - Mundani

⁴ Wu bòt Izəèlȩê, Mbɔ̧ɔ̧mà nɨ awɔb ane bɔ̧ bi la. Tà li nyɨ̀Ꞌte awɔb ènɨ̧ vi, ngɨ̀ mènkàꞋa kèkweelè mi bɔ̂ tò ba a ngo̧ a ngò̧, ŋa mbɨ̧ zi abua yɔb, nyɨ̀Ꞌte awɔb ndɨ bɔ̀ɔ me wùꞋtè àvi la, mè nkàꞋ àwɔb èghɨ nyaŋ.

Lûm 9:4 Iomraidhean Croise

Matìù 21:33

Yesò shu abua yɔb nê “Bɨ̀ mèe ndzəè è waa nè èngà̧teme. Wòt kǒ li ndɔ̀Ꞌ ndìꞋi èyɨt vȩn a mbȩ zi, nkùùlè àkaã nɨŋ ngààle mbȩ yu, ntu àdziꞋa màngɨa mèlùꞋ mu, mbɔ̧̀ àdziꞋa bɔ̀ɔ me tɨ̧ɨ̧ a ègwet mbààba èbaꞋ lu la. Mbɔ̂ ŋǎ abua bòt bɔ me faꞋa, tà ndzəè ngà àvi àlaꞋ a ko tsa.

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Jɔ̌n 1:47

ÀfɨꞋa Yesò yea Nàtanìà nkɨ̀Ꞌa la, tà nê, “Bɨ̀ ye ngule wòt Izəèlȩê, kà ye ànəa fɨte ane zi!”

ÀfaꞋa 2:39

Mbɔ̧ɔ̧mà kàꞋà mènəè maa abua yɨ̧ nè bɔ̧ bɨ̧ bàgème. Tà kàꞋà mènəè maa mɨ̧̂ abua bòt bɔ bele a endɨ̌ la, nè waa waa tàa tɔ atò nê tà kɨꞋɨ nkùŋe àvi la.”

Lûm 3:2

Àbȩ̀ a taꞋa wu ane èghɨ bàa, ane abà àgème. Enɨ bùꞋu, Mbɔ̧ɔ̧mà li ndzì èngǎ̧ vi a tèkitebu Bèjuê.

Lûm 8:15

Fo yu Mbɔ̧ɔ̧mà li ŋa abua yɨ̧ la bakà ghɨ awɨ̧ ane èbùꞋ, e ghɨ̌ bɨa me bɔa, ka tà ŋa awɨ̧ Fo è ghɨ̌ bɨ tsiꞋi bɔ̧ tò la. Eyaa wu lə bàa ngɨ̀ bàà dɨa bà tɔ Mbɔ̧ɔ̧mà, baa nê, “Tè leꞋ! Tǎt wa leꞋ!”

Lûm 9:6

Ka la, e ntsèa shua nê tà bakà ghɨ àghɨa èngǎ̧ tò e shu la, nkàà nê è ntsě wòt ègème bɔ bi atò àndǎ̧ bòt Izəèlȩê la, è wu wòt Mbɔ̧ɔ̧mà làà la.

2 Kɔlìn 11:22

Bɨ̀ zə! Bɔ me shu nê bɔ wu bèlèkɔꞋasi bòt Ebùlù, ko e ngu àyaã wekǒ mɨ̧̂, me shu nê bɔ wu bòt Izəèlȩê, ko e ngu àyaã wekǒ mɨ̧̂, mè me shu nê bɔ wu bòt àndǎ̧ Abàlàghâm, ko e ngu àyaã wekǒ mɨ̧̂.

Gàlashìà 3:16

Mbɔ̧ɔ̧mà li ndɔ̀Ꞌ nkàꞋ mènəè mi abua Abàlàghâm bɔ̂ wòt àndà̧ vi. Èngǎ̧ Mbɔ̧ɔ̧mà e bakà laꞋnê, tà li nkàꞋ mènəè “Abua bɔbȩ”, è wu bòt nyaŋ la, ka e shu wuê nê, “Abua waã wê”, ngua ndàꞋà ànəa wòt wemɔ̀Ꞌ, è wu Yesò Klistò la.

Efesɔ̀s 2:12

È li ngu àfɨ̀Ꞌ yaa bɨ̀a ntsèka anè la, bɨ̀ ka ko a Yesò Klistò. Bɨ li bɨ̀ ka wu ayɔɔ bòt Izəèlȩê. Bɨ li ngu bègɨ̧̀, bɨ̀ ka bɔ èghab ane mènkàꞋa kèkweelè Mbɔ̧ɔ̧mà mu tà li ngɨ̀ bɔ̂ bòt Izəèlȩê nê wu bòt bi la. Bɨ li ngua ntsèka a sitsǎꞋ ŋàa kà bɔ ntɨ̀ laꞋ nê bɨa li eye a ntsɔ̧̀ àfɨ̀Ꞌ àko, bɨ̀ ka mê nko a Mbɔ̧ɔ̧mà.

Ebùlù 9:1

È màà ngu wuê mènkàꞋa kèkweelè mbì mu ko è li mbɔ̀ balu̧ bɔ̀ɔ nɨa ka ntsàꞋta Mbɔ̧ɔ̧mà la, me mbɔ̂ àdziꞋ a sitsǎꞋ bɔ̀ɔ ntsàꞋta Mbɔ̧ɔ̧mà abot la.

Ebùlù 9:10

Èghɨ mbɔŋ e wu wuê ane èghɨjɨ nè èghɨ bɔ̀ɔ nu la, nè balu̧ bòt àa nɨa shùà ènyit mbɨ̀Ꞌɨ̀ lèsɔ̀t la. Èghɨ baa wu mbɨ̧te nàbȩ̂ tèa me fàꞋà te egha wu àfɨꞋa Mbɔ̧ɔ̧mà nàa ghɨ̌ àghɨa àgème aa tsiꞋi ayea fi la.

Ebùlù 9:3

Àyea ko nè àtsə a èbem àyò a mbɔŋ a li ngu akwen taꞋà ndǐ kwèn yu bɔ tsoŋa la, bɔ me tɔ nê, àdziꞋa ntsèm a mbì a Mbɔ̧ɔ̧mà.

Ebùlù 9:5

Banyà̧ ko bèa nyɨ̀Ꞌta nê ènɨ̧ Mbɔ̧ɔ̧mà aa bòt la e li ngu a kɔ̧̀ èkɔb wu mbɔ̂ sà̧à̧mè tèbaabè tɔb nkàbte àdziꞋ yu Mbɔ̧ɔ̧mà nàa ngwaꞋà bèkàbɔ̀ŋ bòt la. Ba baka bɔ àfɨ̀Ꞌ a bàa yaatè mènəè maa ègème àfɨ̀Ꞌ yaa e làꞋa la.

Ebùlù 9:6

Bɔ li ngu bɔ̀ɔ ngɨ̀ bɔ̀ taŋke èghɨ bàa tè bɔ paa, bèntsìà mèpɨ̧̀ Mbɔ̧ɔ̧mà e me nyi àtsəa mbì àyò yu àlia àgème fàꞋà àfàꞋ àyɔb.