Lûm 9:20 - Mundani

²⁰ Àwɔ̀ wɔ̀bȩ̂ àa shua anè nko nê yè wu wàa evəèəè èngà̧ a ètsəê Mbɔ̧ɔ̧mà à? Tè betsiꞋa àghɨa wòt ghɨ̀ ane èbu la a shu abua tò wu tà ghɨ̀ la nê, “À ghɨ̀ na ka ngɨ̀ am anè à?”

Lûm 9:20 Iomraidhean Croise

Matìù 20:15

Tè e mbakà bɔ mètàŋ e nɨ èkab am e ghɨ̀ àghɨa mâ kɔ̀ŋkè la à? Mâ ghaꞋa àbu am abua bòt baa ale, a ghɨ̀ na ka me saa àwê à?’ ”

Lûk 12:14

Yesò bɨ̀ɨ̀lè nê, “Àwɔ̀ mbê wa, wàà tsàà am nê è nkɨ̀Ꞌɨ̂ sàꞋà àwɨ̧, mè ngàbtè èghɨ pfə tǎt wɨ̧ à?”

Lûm 14:4

À wu wà e me bàŋe wafàꞋ wòt tsa à? Wu Mbɔ̧ɔ̧mà tò ka tàa shu laꞋnê tà ghɨ ntsɔ̧̀ kò kàbɔ̀ŋ leꞋ la. Taa tɨ̧ɨ̧, nkàà nê Tǎt wa Mbɔ̧ɔ̧mà bɔ mètàŋ e ghɨ̌ taa tɨ̧ɨ̧.

Lûm 2:1

Àwɔ̀ wu àa ntsìà mpəèəète bòt la, à ka ghà àku a, ka à màà ngu wuê wà leꞋ. Àa ngɨ̀ a me tsì mpəèəète wòt à wua ndzìà ndɔ̀ àtsəa yê, nkàà nê àwɔ̀ wu ntsìà mpəèəète mbɔŋ la à bela ngɨ̀à wuê èghɨ mbɔŋ mɨ̧̂.

Lûm 2:3

Tè à mɨɨtè nê, àwɔ̀ wu àa ntsìà mpəèəète bòt bu bɔ̀ɔ ngɨ̀à èghɨ bàà la, à me ghɨ̀ èghɨ mbɔŋ àwɔ̀ mbɔŋ, ko Mbɔ̧ɔ̧mà nàa tseke ka saꞋa awê?

Lûm 9:21

Tè ntsě àdziꞋa wòt wu tàa ngɨ̀à bakɨ̀ŋ la tàa nɨ ambòꞋtsǎꞋ wemɔ̀Ꞌ e ghɨ bakɨ̀ŋ babe, è we bɔ̀ɔ mbà̧à̧ta wuê ane àlia nɨ̧ la, nè wê bɔ̀ɔ mbà̧à̧ta àlia àgème la a?

Lûm 9:22

A bê ngu mbɨ̀Ꞌɨ̀ àghɨa Mbɔ̧ɔ̧mà ghɨ̀ la. Mbɔ̧ɔ̧mà nàà nkɨ e nyɨ̀Ꞌte ntsǒ zi, ka mbɔ̂ me kɨ nê bòt è ye mètàŋ mi, ale tà me tsèna nkùùla èntɨ̧ɨ̧ vi adù̧ bòt bu ntsǒ tò è nɔ̀ŋkè a ègwet lɔb, bɔ̀ tsiꞋi e be bɔ̀ɔ liime awɔb la.

1 Kɔlìn 1:20

Ale, wòt wu tà bɔ èyì la wu neŋàà? NyɨꞋtà mbɨ̧te Musì naa wa à? Bòt bu bɔ̀ɔ nkàànà mènəè àlia laane la bɔ̀ɔ wa à? Mbɔ̧ɔ̧mà nyɨꞋte nê, èyì ngɔ̀ŋ yaa wu àghɨ̧̀ɨ̧̀nè.

1 Kɔlìn 7:16

Àwɔ̀ àvi, à bakà ko laꞋ nê betsiꞋa à ghɨ̀ lu̧ wê zì èntɨ̧ɨ̧ vi ane Mbɔ̧ɔ̧mà mpem? Àwɔ̀ mbâ̧ à kà mê nko laꞋ nê betsiꞋa à ghɨ̀ vi wè zì èntɨ̧ɨ̧ vi ane Mbɔ̧ɔ̧mà mpem?

1 Tɔ̀màtià 6:5

Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

2 Tɔ̀màtià 2:20

Àa ngɨ̀ à nyi a èbem lob nɨ̧, à ye tèwuute bapfəèꞋ tègème, èbe bɔ ghɨ ane silbà nè goêl la, nê èbe bɔ ghɨ ane èyɨt la mè nè èbe bɔ ghɨ ane ètsaꞋ la. Beko wu èbe bɔ̀ɔ mbà̧à̧ta a lob àli àgème la, beko wu èbe èpà̧.

Tȩtɔ̀s 2:9

È me wu èbùꞋ, ko shu abua yɔb nê bɔ̀ me zə bètǎt bɔb, mè ngɨ̀à mènəè nàa bɔ̀ awɔb la ane mènəè ègème. Bɔ̀ ka mvəèəè ànəê a ètsəê bètǎt bɔb,

Jimsì 2:20

Àkèghɨ̧̀a wɔ̀bȩ̂, àà nkɨà nè è nyɨꞋte awê nê wòt zìà èntɨ̧ɨ̧ vi ane Mbɔ̧ɔ̧mà tè àfaꞋa tò a bakà wua nyɨ̀Ꞌta, èntɨ̧ɨ̧ mbɔŋ wu àku?