Lûm 8:5 - Mundani

⁵ Bòt bu bɔ̀ɔ ntsèka mbɨ̀Ꞌɨ̀ mbɨ̧̀ ènyit kɨa la, aà mɨ̀ɨ̀tà wuê ànəa èghɨ bu mbɨ̧te ènyit tɔb tèa nkɨà la. È bu bɔ̀ɔ ntsèka mbɨ̀Ꞌɨ̀ Fo Mbɔ̧ɔ̧mà kɨa la, e mɨ̀ɨ̀tà wuê ànəa èghɨ bu Fo Mbɔ̧ɔ̧mà nàa nkɨà la.

Lûm 8:5 Iomraidhean Croise

Ntu̧ Ntsɔ̧̀ MAK 8:33

Ka Yesò ghèble avi ndɨ̀ŋkè bɔkatè bi, mbɔ̂ ŋȩte Pità nê, “LɔꞋɔ a ngèt yaã à Satàn! Àà nkèla alu̧ am. Mènəè maa à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Jɔ̌n 3:6

Wɔ̀bȩ̂ nàa ngɨ̀ tà bi wekǒ, ŋut wu wuê wɔ̀bȩ̂, ka Fo Mbɔ̧ɔ̧mà bi wòt, ŋut wu tsiꞋi waã Mbɔ̧ɔ̧mà.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

1 Kɔlìn 15:48

Bòt sitsǎꞋ aa mbɨ̀Ꞌɨ̀ wòt wu bɔ li nɨ̀ ètsaꞋ ngɨ̀ atò la, bòt ègwet e wu mbɨ̀Ꞌɨ̀ wòt wu tà li ndzə a ègwet la.

1 Kɔlìn 2:14

Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

2 Kɔlìn 10:3

È batè ngu nkûŋ nê baa ntsèka a ngɔ̀ŋ, ka bà ka wua nua èbet wa ane ndɨ bòt ngɔ̀ŋ àa nùà la.

Gàlashìà 5:17

Aa ale nkàà nê, àghɨa mbɨ̧̀ ènyit nàa nkɨà la ntsě àghɨa Fo Mbɔ̧ɔ̧mà nàa nkɨà la, àyea Fo Mbɔ̧ɔ̧mà nàa nkɨà la è kà wu àyea mbɨ̧̀ ènyit nàa nkɨà la. Èghɨ baa aà ngà èlu̧ tsa tsa, mbɨ̀Ꞌɨ̀ ka bɨ ghɨ̀ àghɨa bɨ ghɨ̂ mbɔ ndɨ bɨ̀a ghɨ̀ la.

Efesɔ̀s 5:9

Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.

2 Pità 2:10

Mbɔ̧ɔ̧mà naa ghɨ̀ anè te tsě, ane bòt bu bɔ̀ɔ ngɨ̀à wuê èbɨꞋte èghɨ bu mbɨ̧te ènyit tɔb tèa nkɨà la, bɔ̀ ka mê ngua ndzəa bòt bu bɔ̀ wu àtsəa yɔb la, ka è màà ngu wuê wà leꞋ. BènyɨꞋtà fɨte ngaa e kweele àtsə mè mbɔ̀ mètsəê kàbɔ̀ŋ tè bɔ̀ ka tsi ngua mbɔ̀a elàꞋa kàbɔ̀ŋ adù̧ èghɨ àa ntsèka a ègwet la.