Lûm 8:4 - Mundani

⁴ Tà li ngɨ̀ àyaa mbɨ̀Ꞌɨ̀ baa me koa ngɨ̀à èghɨ ntsɔ̧̀ bu ègème mbɨ̧ Mbɔ̧ɔ̧mà nàa shuà nê bà me ghɨ̀ la, ndɨ̀ wu baa tsiꞋa ntsèka mbɨ̀Ꞌɨ̀ Fo Mbɔ̧ɔ̧mà nàa nkɨà la, baa kà tsi ngua ntsèka mbɨ̀Ꞌɨ̀ mbɨ̧te ènyit ta tèa nkɨà la.

Lûm 8:4 Iomraidhean Croise

Lûk 1:6

Bòt baa babe la bɔ li ntɨ̧̀ɨ̧ ndɨŋndɨ̀ŋ a mbì Mbɔ̧ɔ̧mà mè me paŋe mbɨ̧te tò nè nkɨ̀atsə tò tègème.

Lûm 2:26

Tè bɔ bakà naŋe a wòt mbɨ̀Ꞌɨ̀ mbɨ̧ Musì kɨa la, tà bɔ me ghɨ̀ àghɨa mbɨ̧ nàa nkɨà la, ko Mbɔ̧ɔ̧mà ka nɨ atò mbɨ̀Ꞌɨ̀ wòt bɔ nàŋe atò la a?

Lûm 3:31

Tè aà anè ngua shua nê mbɨ̧ yu Mbɔ̧ɔ̧mà ŋa la tsiꞋi àku, ndɨ̀ wu è tsìꞋi àyea màndzia èntɨ̧ɨ̧ ane Yesò la à? A mbê ntsě ale! Àghɨa àa və la wu nê baa nɔ̀ŋà mbɨ̧ mbɨ̀Ꞌɨ̀ ba wu nɔ̀ŋè la.

2 Kɔlìn 10:2

Bɨ̀ ka ngɨ̀ mbɨ̀Ꞌɨ̀ ka e nkɨ̀Ꞌɨ̂ me làꞋa abua yɨ̧ ntsòòta tsoote. Eyaa wu àghɨa màa mɨ̀ɨ̀tà ekɨꞋɨ e ghɨ̀ ne bòt bu bɔ̀ɔ shua ne e faꞋa ambo èghɨ sitsǎꞋ la.

2 Kɔlìn 10:3

È batè ngu nkûŋ nê baa ntsèka a ngɔ̀ŋ, ka bà ka wua nua èbet wa ane ndɨ bòt ngɔ̀ŋ àa nùà la.

Gàlashìà 5:16

TsiꞋ è shua wɨ̧ nê, bɨ̀ me ghɨ̀ mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ̀ ka me ghɨ̀ mbɨꞋɨ̀ mbɨ̧te ènyit tɨ̧ te kɨa la.

Kɔ̀losìà 1:22

Ka àfɨ̀Ꞌ yaa Waã tò kɨꞋɨ ntsìꞋi wɔ̀bȩ̂ mpfə la, Mbɔ̧ɔ̧mà nɨ èvə Waã vi mbɔŋ ngɨ̀ bɨ tsiꞋi bèshu̧ tò, mbɨ̀Ꞌɨ̀ taa nɨ awɨ̧ enɨ kɨꞋɨ a mbì li mbɨ̀Ꞌɨ̀ ngule bòt bi, kà ye àlɔꞋ nè àghɨa ko bɔ̀ɔ fèèlè àwɨ̧ adù̧ la.

Ebùlù 12:23

Bɨ kɨꞋɨ àdziꞋa bòt bu bɔ̀ wu mbɨꞋɨ̀ bɔ̧ mbì Mbɔ̧ɔ̧mà bɔ shɨ tèlen tɔb a ègwet la, e bù̧ù̧tè la. Bɨ kɨꞋɨ abua Mbɔ̧ɔ̧mà wu tàa saꞋa wòt ègème la, mè nkɨ̀Ꞌɨ̂ abua bòt mbì bu bɔ li ngu bòt ntsɔ̧̀, Mbɔ̧ɔ̧mà ghɨ̀ àwɔb bɔ tsiꞋi àghɨa tàa nkɨà nê bɔ̀ wu yùà la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.

Ètsə 14:5

Bɔ bakà li me làꞋà mèfà̧, àghɨa à ka meè ngu betsiꞋa wòt fèèlè àwɔb adù̧ la.