Lûm 8:36 - Mundani

³⁶ A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Baa nùka èvə àli àgème ambo yè, bɔ nɨa awa wuê mbɨ̀Ꞌɨ̀ njɨ̀te bɔ̀ɔ bùŋè la.”

Lûm 8:36 Iomraidhean Croise

Jɔ̌n 16:2

Bòt aa kɨ̀ŋè àwɨ̧ a èbem lobte Mbɔ̧ɔ̧mà etsǎ àbȩ. Ane nkûŋ, àfɨ̀Ꞌ àko aa nkɨ̀Ꞌa wòt bùŋà wɨ̧ ko taa mɨ̀ɨ̀te nê ye wua nkùkta Mbɔ̧ɔ̧mà ane àghɨa ye ghɨ̀à la.

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

ÀfaꞋa 8:32

ÀdziꞋa èngǎ̧ yu tà li ngua ntɔ a èbem Àkata Mbɔ̧ɔ̧mà yu la a li ngua shua nê, “Tà li ngu mbɨ̀Ꞌɨ̀ njɨ̀ bɔ̀ɔ nɨa atò nga ekɨ̧ɨ̧me la, mè ngu mbɨ̀Ꞌɨ̀ wanjɨ̀ bɔ̀ɔ ndoota nyemte tò kà tà wua ŋȩ̀a la. Tà li tà kà bê shu ànəê.

1 Kɔlìn 15:30

A wu ale ko lə yu ba yea ngoꞋ àfɨ̀Ꞌ àgème la wu ghà à?

1 Kɔlìn 15:31

Bɔnyɨ bɔ̧, èvə aa nəèꞋa a tèdzi taã àli àgème. E nkà̧à̧ àyaa ane kèghàꞋtè fu mâ bɔ ane yɨ̧ ndɨ̀ wu bà wu àghɨ yeamɔꞋ nè Yesò Klistò Lefɨ̀Ꞌ wa la.

1 Kɔlìn 4:9

Mâ mɨɨtè nê Mbɔ̧ɔ̧mà ŋa wa bàa bɔntu̧ tò kwàꞋ àdziꞋa a lìa akwèn la, mbɨ̀Ꞌɨ̀ bòt bɔ̀ tsiꞋa nga bùŋè àwɔb a kètsìà bòt la. A tsiꞋi mbɨ̀Ꞌɨ̀ ba wu a mbì ngɔ̀ŋ nè bɔntu̧ Mbɔ̧ɔ̧mà bɔ̂ bɔbȩ bɔ ye awa.

2 Kɔlìn 1:9

Ba li mbê mɨ̀ɨ̀tè nê àyaa ne àlia a kuêꞋ. Lə ngoꞋ yaa li ngu mbɨ̀Ꞌɨ̀ ba ko nê, ba bakà bɔ ndɨ bàa lɨ̀Ꞌà wa ane ya bàambɔŋ la, ba bɔ ndɨ bàa lɨ̀Ꞌà wa wuê ane Mbɔ̧ɔ̧mà wu tàa njù̧ù̧ma bòt bɔ pfəꞋte la.

2 Kɔlìn 11:23

Bɔ me shu nê bɔ wu bɔfàꞋ Yesò Klistò, ko maa tsiꞋi làꞋà mbɨ̀Ꞌɨ̀ wòt àbààla nê e ngu wɔ̀fàꞋ Yesò tè ntsè àwɔb. Mâ faꞋa àfàꞋa nyaŋ tè ntsè àwɔb, bɔ zì am a tèfȩ ngò̧tsə nyaŋ tè ntsè àwɔb, shu̧u̧ am tè ntsè àwɔb, èvə e mè nəꞋə a tèdzi taã ngò̧ nyaŋ.

2 Kɔlìn 6:9

Aa ane àbâ ko, bòt è ka ko awa, nga ane ayea ko bòt Mbɔ̧ɔ̧mà e ko bòt bà wu bùà la ntsɔ̧̀. Bòt aa ndzea wa nê ba tsiꞋa mpfəa pfə, ka bɨ̀ ye, ba bele bòt yu̧, mè ndzea ngoꞋ ka bà ka pfə.

Filìpȩ 3:10

NdàꞋ àghɨa è ntsiꞋa nkɨ̀a la wu nê, è ndâ nko a Yesò Klistò, mè bɔ mètàŋ mu tà li mbɔ̀ mbɨꞋɨ̀ wòt tà yu̧u̧me la. Maà nkɨ kùŋe atò eye ngoꞋ mɨ̧̂, e mě pfə nkàà nê tà li mpfə mɨ̧̂.