Bìoball air-loidhne

Lûm 8:34 - Mundani

³⁴ Wòt wu tàa laꞋnê ànəa a li àtsəa wòt Mbɔ̧ɔ̧mà la wu wàà? Yesò Klistò wu tà li mpfə, Mbɔ̧ɔ̧mà yù̧ù̧me atò ngɨ̀ tà tseke àbâ àbualu̧ atò a ègwet la, ka lâ ngu wòt tàa ndɨ̀à mènəè ma abua Mbɔ̧ɔ̧mà la.

Faic an caibideil Dèan lethbhreac

dol air ais ⬆

Lûm 8:34
37 Iomraidhean Croise

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Faic an caibideil

Ntu̧ Ntsɔ̧̀ MAK 16:19

Mbɨ̀Ꞌɨ̀ Yesò Lefɨ̀Ꞌ è paa a màndaꞋa abua yɔb la, Mbɔ̧ɔ̧mà bê nɨ̀a tò ngà a ègwet tà tseke àbâ àbualu̧ a tò.

Faic an caibideil

Jɔ̌n 14:19

AdzìꞋ naa me wù̧ù̧ne bòt ngɔ̀ŋ yaa è ka tsi ndze am, ka bɨ bɔ̂ ngu eye am, nkàà nê ndɨ̀ wu màa və àfɨ̀Ꞌ àgème la, bɨa wu a yɨ̧ mɨ̧̂.

Faic an caibideil

Jɔ̌n 16:23

Àlia mbɔŋ aa li nkùꞋ bɨ̀ ka tsi mbììte ànəê nè abua am. Ane nkûŋ, tsiꞋ è shua wɨ̧ nê, àghɨ àgème bɨ lo̧ abua tǎt la, taa ŋa abua yɨ̧ ane èlen laã.

Faic an caibideil

ÀfaꞋa 2:24

Ka Mbɔ̧ɔ̧mà li ngɨ̀ tà yù̧ù̧me. Mbɔ̧ɔ̧mà li mè ngɨ̀ ngoꞋte kekweelè tu tà li ndze ka mpfə la, te sa atò nkàà nê èvə e li è ka wu ko ebaãaã atò ekuule adzìꞋ yu bòt àa mpfəèa ngà la.

Faic an caibideil

Lûm 14:13

Mbɨ̀Ꞌɨ̀ àa anè la à ka ntsì mpəəte wanyɨ wè, ka la nɔ̀ŋe a èntɨ̧ɨ̧ wê nê à ka ghɨ̀ àghɨa àa ghɨ̌ wanyɨ wè nàa sèmne ko e kwene a èbem kàbɔ̀ŋ la a.

Faic an caibideil

Lûm 14:9

Yesò Klistò li mpfə mè njù̧ù̧me, mbɨ̀Ꞌɨ̀ wu Tǎt abua bòt bɔ pfəꞋte la nè bòt bɔ̀ bele be yû̧ la.

Faic an caibideil

Lûm 4:25

bɔ li ngɨ̀ tà pfə ane kàbɔ̀ŋ wa, tà mè njù̧ù̧me atò enɨ ghɨ̂ bàa tsiꞋi bòt bɔ tɨ̧ɨ̧ ndɨŋndɨ̀ŋ a mbì li la.

Faic an caibideil

Lûm 8:1

Ale, ndɔ̀ Mbɔ̧ɔ̧mà te ntsě adù̧ bòt bu bɔ̀ tsiꞋi àghɨ yeamɔꞋ nè Yesò Klistò la àfɨ̀Ꞌ yaa.

Faic an caibideil

Lûm 8:27

Mbɔ̧ɔ̧mà wu tàa ndzea àghɨ àgème àa èntɨ̧ɨ̧ wòt la, è ko àghɨa àa èntɨ̧ɨ̧ Fo Kèfə la, nkàà nê Fo Mbɔ̧ɔ̧mà nàà ndɨ̀à mènəè bòt Mbɔ̧ɔ̧mà abua tò mbɨ̀Ꞌɨ̀ Mbɔ̧ɔ̧mà kɨa la.

Faic an caibideil

Kɔ̀losìà 3:1

Mbɔ̧ɔ̧mà li njù̧ù̧me awɨ̧ nè Yesò, è wu ale bɨ̀ nɔ̀ŋè mèntɨ̧ɨ̧ mɨ̧ ane èghɨ è wu a ègwet adzìꞋa Yesò Klistò è tseke adù̧ àtɨ̧a kèfɔ̧̀ vi, àbâ àbualu̧ a Tǎt vi Mbɔ̧ɔ̧mà la.

Faic an caibideil

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Faic an caibideil

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

Faic an caibideil

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.

Faic an caibideil

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

Faic an caibideil

1 Pità 3:22

Yesò ghǎ a ègwet, tè ngu àbâ àbualu̧ a Mbɔ̧ɔ̧mà tà tseke la, nè bɔntu̧ Mbɔ̧ɔ̧mà nè ghàa ghàa a ègwet a bɔ àtɔŋ nè mètàŋ la a wu a èten tò.

Faic an caibideil

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Faic an caibideil

Lean sinn:

Ceanglaichean taic

Sanasan

Sanasan