Lûm 8:30 - Mundani

³⁰ Tà ghɨ̀ ale, mè ntɔ bòt bu tà li mbele àfɨꞋa tsa nɔ̀ŋè nê bɔɔ li wu mbɨꞋɨ̀ waã vi la. Tà tɔ ale ngɨ̀ bɔ tsiꞋi bòt bɔ tɨ̧ɨ̧ ndɨŋndɨ̀ŋ a mbì tò la. Tà ghɨ̀ ale, mè ngɨ̀ bòt mbɔŋ e bɔ ènɨ̧ wu tà bɔ la.

Lûm 8:30 Iomraidhean Croise

Jɔ̌n 17:22

Mâ ghɨ̂ bɔ bɔ èwuu ènɨ̧ wu à li ŋǎ abua am la, mbɨ̀Ꞌɨ̀ bɔɔ tsiꞋi àghɨ yeamɔꞋ mbɨ̀Ꞌɨ̀ ba nè è wu àghɨ yeamɔꞋ la.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Lûm 1:6

Fɔɔle awɨ̧ wu bɨ̀ wu ayɨ̧ ayɔɔ bòt bu Mbɔ̧ɔ̧mà tɔ awɔb nê bɔ̀ wu bòt Yesò Klistò la.

Lûm 11:29

Aa ale nkàà nê Mbɔ̧ɔ̧mà nàa ngɨ̀ tà ŋa àghɨ abua wòt, kò ntɔ a ŋut leꞋ, tà ka tsi nkùbte èntɨ̧ɨ̧ vi.

Lûm 8:1

Ale, ndɔ̀ Mbɔ̧ɔ̧mà te ntsě adù̧ bòt bu bɔ̀ tsiꞋi àghɨ yeamɔꞋ nè Yesò Klistò la àfɨ̀Ꞌ yaa.

Lûm 8:21

nkàà nê taa li tsǐ èghɨ bu ègème tà li ngɨ̀ la a èbem ngoꞋ yu nàa ghɨ̌ aa fì la, mbɨ̀Ꞌɨ̀ ghɨ̌ aa baka tsi fì, e bɔ ènɨ̧ wu e ghe, tà nɔ̀ŋe abua bɔ̧ bi la mɨ̧̂.

Lûm 8:28

Baà ko nê Mbɔ̧ɔ̧mà nàa ngɨ̀à àghɨa àgème wuê ane ntsɔ̧̀ bòt bu bɔ̀ɔ nkɔ̀ŋkà tò la, bòt bu tà tɔ awɔb mbɨ̀Ꞌɨ̀ tà li nɔ̀ŋè la.

1 Kɔlìn 1:2

Abua bòt chɔsì Mbɔ̧ɔ̧mà wu a Kɔlìn la, bɔ̀ɔ wu bɔ̀ tsiꞋi àghɨ yeamɔꞋ nè Yesò Klistò, bɔ̀ tsiꞋi bòt Mbɔ̧ɔ̧mà la, nè bòt bu àdzìꞋ ègème bɔ̀ɔ ngùꞋtà èlen Yesò Klistò mbɨ̀Ꞌɨ̀ Lefɨ̀Ꞌ wɔb nè wa la.

1 Kɔlìn 1:9

Mbɔ̧ɔ̧mà naa lâ ghɨ̀ àyaa ane yɨ̧ nkàà nê tàà ngɨ̀à àghɨa tà shu la àfɨ̀Ꞌ àgème. Wu tòà tà tɔ àwɨ̧ nê bɨ̀ kɨꞋɨ ngu a èbem mèntsèke ntsɔ̧̀ nè waã vi Tǎt wa Yesò Klistò Lefɨ̀Ꞌ wa la.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

Gàlashìà 1:15

Ka àfɨꞋa a li mbɔ a Mbɔ̧ɔ̧mà wu tà li ndàà am ka bɔɔ li ebi am la, tà nɨ̀ tèsȩ ti ntɔ am ane èkɔŋ vi,

Gàlashìà 1:6

A taꞋa tsě am ndɨ bɨ bê ntsìꞋa sà Mbɔ̧ɔ̧mà wu tà li ntsè ane tèsȩte Yesò Klistò ka ntɔ awɨ̧ la, ntsìꞋa mbɨ̧̀ɨ̧̀na Ntu̧ Ntsɔ̧̀ kǒ tsa la.

Gàlashìà 5:8

E ntsě Mbɔ̧ɔ̧mà wu tà tɔ awɨ̧ la ka ŋwèèlè àwɨ̧ ale la.

Efesɔ̀s 1:11

Mbɔ̧ɔ̧mà nàà ngɨ̀à àghɨ àgème mbɨ̀Ꞌɨ̀ tà kwaꞋtè nê aa wu la. Tà li ndȩ̀ àwa nɨ a Yesò Klistò tà ghɨ̀ ba tsiꞋi bòt Mbɔ̧ɔ̧mà wu mbɨ̀Ꞌɨ̀ tà li ndzaŋe taŋke nê à wu la.

Efesɔ̀s 1:5

Mbɔ̧ɔ̧mà li nga ambo èkɔŋ wu tà bɔ ane ya la mbèla àfɨꞋa tsa ntàŋke ndɨ Yesò Klistò nàa li ghɨ̌ baa tsiꞋi bɔ̧ bi la. Tà li ngɨ̀ àyaa ndɨ tà kɔ̀ŋkè nê à wu la.

Efesɔ̀s 2:6

Mbɔ̧ɔ̧mà li njù̧ù̧me awa ba Yesò ba nɔ̂, ngɨ̀ ba Yesò Klistò ba e tseke a ègwet.

Efesɔ̀s 3:11

Mbɔ̧ɔ̧mà li ngɨ̀ àyaa wuê mbɨ̀Ꞌɨ̀ tà li ndzaŋe taŋke a mèmbùꞋu la. Tà li ngɨ̀ Yesò Klistò Lefɨ̀Ꞌ wa ghɨ̀ a tsè wuê mbɨ̀Ꞌɨ̀ tà li ntàŋke la.

Efesɔ̀s 4:4

Mbɨ̧̀ ènyit nàà yemɔ̀Ꞌ, Fo Mbɔ̧ɔ̧mà mè ngu yemɔ̀Ꞌ, wuê mbɨꞋɨ̀ àghɨ yu Mbɔ̧ɔ̧mà tɔ awa ba me chɨ̀Ꞌà la àa yeamɔꞋ la.

Kɔ̀losìà 3:4

Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

1 Tèsàlonikà 2:12

Ba li ngua ndɔ̀ktà wɨ̧, ndzìà mèntɨ̧ɨ̧ mɨ̧, mè nkɨ̀ɨ̀ta wɨ̧ nê bɨ̀ me ghɨ̀ mènəè mɨ̧ wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu tòà tà tɔ awɨ̧ nê bɨ̀ kɨꞋɨ bɔ̂ nɨ̧̀ ba è fɔte ngu a èbem kèfɔ̧̀ vi nè ènɨ̧ vi la.

2 Tɔ̀màtià 2:11

Èngà̧ waa wu èngǎ̧ nkûŋ: “È wu nê ba pfə nè tò, ko ba tò ba aa me tseke nɔ̂ mɨ̧̂.

Ebùlù 9:15

Ale, Yesò wu wòt tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi, mbɨ̀Ꞌɨ̀ bòt bu bɔ̀ tsiꞋi e be Mbɔ̧ɔ̧mà la, aa ye a ntsɔ̧̀ Mbɔ̧ɔ̧mà ane àlia nè àlia, mbɨ̀Ꞌɨ̀ tà kàꞋà la. BetsiꞋa àyaa a wu ale nkàà nê, Yesò Klistò li ŋà àtsəa zi mbɨ̀Ꞌɨ̀ e ghɨ̌ bòt aa peme ane mènəè kàbɔ̀ŋ mu bɔ li ngua ngɨ̀a àfɨꞋa bɔ li mbèle a èten mènkàꞋa kèkweelè mu Mbɔ̧ɔ̧mà li ngɨ a mbì la.

1 Pità 2:9

Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.

2 Pità 1:10

È wu ale a bɔnyɨ bɔ̧, bɨ̀ la nyɔ̀Ꞌtè ngɨ̀ bòt e ye nê wu nkûŋ nê Mbɔ̧ɔ̧mà làà àwɨ̧, nɨ̀ àwɨ̧ ane bòt bi. Bɨ me ghɨ èghɨ bàa, ko èntɨ̧ɨ̧ wɨ̧ è ka li lɔ̀Ꞌɔ edzə ane Mbɔ̧ɔ̧mà a,

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

Ètsə 19:9

Wantu̧ Mbɔ̧ɔ̧mà wu shu abua am nê “Shɨ ayaa a si: Ntsɔ̧̀ wu bòt bu bɔ tɔ awɔb nê bɔ̀ kɨꞋɨ njɨ èpǎ̧ ndzɔꞋɔ Wanjɨ̀ wu la.” Tà mè shu abua am nê, “Eyaa wu mèngǎ̧ nkûŋ è dzəè abua Mbɔ̧ɔ̧mà la.”