Lûm 8:27 - Mundani

²⁷ Mbɔ̧ɔ̧mà wu tàa ndzea àghɨ àgème àa èntɨ̧ɨ̧ wòt la, è ko àghɨa àa èntɨ̧ɨ̧ Fo Kèfə la, nkàà nê Fo Mbɔ̧ɔ̧mà nàà ndɨ̀à mènəè bòt Mbɔ̧ɔ̧mà abua tò mbɨ̀Ꞌɨ̀ Mbɔ̧ɔ̧mà kɨa la.

Lûm 8:27 Iomraidhean Croise

Matìù 6:8

Bɨ̀ ka me ghɨ̀ mbɨ̀Ꞌɨ̀ bòt bàa, nkàà nê àa ngɨ̀ à me laꞋ nê yeà ngàꞋa ètsəê wê elo̧o̧ àghɨ abua tǎt wè, tà yaŋe ko tê ndɔ̀Ꞌ.

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Jɔ̌n 14:13

Ale, àghɨ àgème bɨ̀a lo̧o̧ abua Tǎt am ane èlen laã la, maa ghɨ̌, mbɨꞋɨ̀ e ghɨ̌ bòt aa wùꞋte a Tǎt am nkàà èghɨ bu mmɔ̌ Waã tò màa ngɨ̀à la.

Jɔ̌n 21:17

Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.

ÀfaꞋa 1:24

AfɨꞋa mbɔŋ bɔ tsaꞋte a Mbɔ̧ɔ̧mà nê, “Tê, à ko èntɨ̧ɨ̧ waa waa. NyɨꞋte awa wòt à lȩ̀

ÀfaꞋa 15:8

Mbɨ̀Ꞌɨ̀ àa ale la, Mbɔ̧ɔ̧mà wu tà ko èntɨ̧ɨ̧ waa waa la, nyɨꞋtè nê, betsiꞋa bòt kà wu Bèjuê e ko ndzì mèntɨ̧ɨ̧ mɔb ane Yesò mɨ̧̂. Tà lè nyɨꞋtè àyaa ane Fo Kèfə yu tà li ndzì ane yɔb wuê mbɨ̀Ꞌɨ̀ tà lè lɔ̂Ꞌ mbɨ̀ ŋa abua ya la.

Lûm 8:34

Wòt wu tàa laꞋnê ànəa a li àtsəa wòt Mbɔ̧ɔ̧mà la wu wàà? Yesò Klistò wu tà li mpfə, Mbɔ̧ɔ̧mà yù̧ù̧me atò ngɨ̀ tà tseke àbâ àbualu̧ atò a ègwet la, ka lâ ngu wòt tàa ndɨ̀à mènəè ma abua Mbɔ̧ɔ̧mà la.

Lûm 8:6

Wòt me mɨ̀ɨ̀tè wuê ànəa èghɨ mbɨ̧̀ ènyit nàa nkɨà la, ko tàa pfə. È we tàa mɨ̀ɨ̀tà ànəa èghɨ bu Fo Mbɔ̧ɔ̧mà nàa nkɨà la, naa bɔ mèmpème nè àlàŋkà èntɨ̧ɨ̧.

Efesɔ̀s 2:18

E tsě ane Yesò bàagème ba bɔ Fo Mbɔ̧ɔ̧mà yemɔ̀Ꞌ ngu ko eghǎ a mbì tò.

1 Tèsàlonikà 2:4

Bàa ngɨ̀ ba wua ndàꞋà wuê mènəè Mbɔ̧ɔ̧mà nàa nkɨà nê bà laꞋa la, nkàà nê tà lɨ̀ŋkè àwa ba kùꞋù èbe tàa zǐ Ntu̧ Ntsɔ̧̀ yu a tèkitebu ta la. Bà ka laꞋà àghɨa bɔbȩ àa nkɨà la. Baa ndàꞋà wuê ndɨ àa bɔ̌ abua Mbɔ̧ɔ̧mà wu tà ko mèntɨ̧ɨ̧ ma la.

Ebùlù 4:13

Àghɨa ko a ntsě betsiꞋa a lò̧ò̧tè a mbì Mbɔ̧ɔ̧mà la. Tàà ndzea àghɨ àgème a ngɔ̀ŋ ŋaa mbɨ̀Ꞌɨ̀ àa la, è mè ngu abua tò bàa li làꞋà ànəê àghɨ àgème bàa ngɨ̀à la.

Jimsì 5:16

È wu ale, bɨ̀ me shu mènəè kàbɔ̀ŋ mɨ̧ abua bɔnyɨ bɨ̧, mè ntsàꞋta Mbɔ̧ɔ̧mà àtsəa waa waa mbɨ̀Ꞌɨ̀ ekweele. Wòt wu tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la nàa ngɨ̀ tà tsàꞋte atò, mèntsàꞋte mu bɔ mètàŋ, ànəa tà kɨa la a bê mè ngu wuê yùà.

Ètsə 2:23

Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.