Lûm 8:23 - Mundani

²³ È ntsě wuê ndàꞋà èghɨ bu tà li ngɨ̀ la ka àa ngèꞋà la, bàa wu Mbɔ̧ɔ̧mà ŋa Fo zi abua ya mbɨ̀Ꞌɨ̀ àghɨa mbì ane èghɨ bu tà nɔ̀ŋe abua bòt bi la, aà ngèꞋà a mèntɨ̧ɨ̧ ma mɨ̧̂. Baà ngɨ̀à ale mbɨ̀Ꞌɨ̀ bàa nchɨ̀Ꞌɨ̀ àfɨ̀Ꞌ yu Mbɔ̧ɔ̧mà nàa ghɨ̌ ba tsiꞋi ngule bɔ̧ tò, elùùla ngoꞋ yu àdziꞋ yaa la, e ghɨ̌ mbɨ̧te ènyit ta tea peme la.

Lûm 8:23 Iomraidhean Croise

Lûk 20:36

Bɔɔ li tsiꞋi mbɨ̀Ꞌɨ̀ bɔntu̧ Mbɔ̧ɔ̧mà kà wu li pfə. Bɔ wu bɔ̧ Mbɔ̧ɔ̧mà nkàà nê bɔ yu̧u̧me ayɔɔ bèmpfəà.

Lûk 21:28

AfɨꞋa mènəè maa bùꞋ te me ghɨ̀ la, bɨ lɔꞋte a si ndɔ̀kè ètsə bɨ̧ a ègwet, nkàà nê wu àfɨꞋa Mbɔ̧ɔ̧mà tsiꞋa nkɨ echùꞋù ètsə bɨ̧ etsì àwɨ̧ a èbem ngoꞋ la.”

Lûm 5:11

E ntsě wuê ndàꞋà àyùà, baa ngùꞋtà àwa mɨ̧̂ ndɨ̀ wu bàà tsiꞋi ne Mbɔ̧ɔ̧mà la, nkàà ndɨ Yesò Klistò Lefɨ̀Ꞌ wa ghɨ baa tsiꞋi ane àlàŋkè nè Mbɔ̧ɔ̧mà la.

Lûm 5:3

Baa mè ngùꞋtà àwa a èbem ngoꞋ ta nkàà nê ngoꞋte mbɔŋ tea ngɨ̀à baa kuula mèntɨ̧ɨ̧ ma;

Lûm 5:5

Mbɨ̀Ꞌɨ̀ baa ko ale la, baa ntsèa nchɨ̀Ꞌà àku, nkàà nê Fo Kèfə yu tà ŋa abua ya la è ghɨ̂ èkɔŋ tò e lu̧u̧ a mèntɨ̧ɨ̧ ma.

Lûm 7:24

Wòt chɨ̀ŋkè mbɨ̀Ꞌɨ̀ mmɔ̌! Wòt wu tàa tsǐ am a èbem mbɨ̧̀ ènyit yaa nàa ŋwèèlà am ntsàà wuê a èbem èvə la wu wàà?

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

1 Kɔlìn 1:7

bɨa bɔ èghɨ ègème Fo Mbɔ̧ɔ̧mà nàa ŋa la, mbɨ̀Ꞌɨ̀ bɨ̀a nchɨ̀Ꞌà Mbɔ̧ɔ̧mà naa ghɨ̌ Yesò Klistò Lefɨ̀Ꞌ wa naa pùùlà la.

2 Kɔlìn 1:22

Tà zǐ àlȩê a zi ane ya, enɨ nyɨꞋte nê ba wu bòt bi, mè ndzì Fo Kèfə a mèntɨ̧ɨ̧ ma enɨ nyɨꞋte nê baa li ebɔ èghɨ tà nɔ̀ŋe abua ya la.

2 Kɔlìn 7:5

È li ngu àfɨꞋa bà wu a Màsèdonìà la, wòt kǒ ane ya ka bê ndzètè. Ba li ndzě ngoꞋ ane èbâ ègème, me ntàktè nè bòt, kèbɔɔ ke mè ngu a mèntɨ̧ɨ̧ ma.

Gàlashìà 5:5

È wu nè nà ko ba ko nê, Mbɔ̧ɔ̧mà nàà ŋa wa Fo zi ngɨ̀à ba ghɨ̀à àghɨa tàa nkɨà la. Eyaa wu àghɨa bà wua nchɨ̀Ꞌà la, nkàà ntɨ̀ yu ba bɔ ane Yesò Klistò la.

Efesɔ̀s 1:14

Fo tò yaa wu àghɨa mbì tà nɨŋ nyɨ̀Ꞌte nê baa li bɔ èghɨ bu ye kàꞋà wa la. Baa li bɔ èghɨ bàa ane àli yu Mbɔ̧ɔ̧mà nàa li ghɨ̌ bàa wu bà wu bòt tò la aa peme la. Èghɨ baa tà ghɨ̀ la aa ghɨ̌ bòt aa me wùꞋtè ènɨ̧ tò.

Efesɔ̀s 4:30

Bɨ̀ ka ngɨ̀ àghɨa àa me saa Fo Kèfə Mbɔ̧ɔ̧mà la. Fo ya wu àlȩê yu Mbɔ̧ɔ̧mà li ndzi ane yɨ̧ nê bɨ wu bòt bi la. Fo mbɔŋ wua nyɨ̀Ꞌta nê àli yu aa li nkɨ̀Ꞌɨ̂ Mbɔ̧ɔ̧mà ghɨ̀ bɨ pem.

Efesɔ̀s 5:9

Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.