Lûm 8:15 - Mundani

¹⁵ Fo yu Mbɔ̧ɔ̧mà li ŋa abua yɨ̧ la bakà ghɨ awɨ̧ ane èbùꞋ, e ghɨ̌ bɨa me bɔa, ka tà ŋa awɨ̧ Fo è ghɨ̌ bɨ tsiꞋi bɔ̧ tò la. Eyaa wu lə bàa ngɨ̀ bàà dɨa bà tɔ Mbɔ̧ɔ̧mà, baa nê, “Tè leꞋ! Tǎt wa leꞋ!”

Lûm 8:15 Iomraidhean Croise

Matìù 25:25

Ale, e ndi ngà ntu si ndò̧ èkab wê, maà mbɔ̀a wê la. Ye èkab wê mbɔŋ ye wu.’

Ntu̧ Ntsɔ̧̀ MAK 14:36

Tà li ntsàꞋtè nê, “Tê, betsiꞋa ànəa ko à ka tse awê. Tsǐ ndɔŋ ngoꞋ yàa ane yaã. Ka à ka ngɨ̀ mbɨ̀Ꞌɨ̀ e nkɨa la, ghɨ̀ wuê mbɨ̀Ꞌɨ̀ àa nkɨà la.”

Lûk 11:2

Yesò shu abua yɔb nê, “Ye ndɨ bɨ̀a me tsàꞋte la: ‘Tǎt wa wu a ègwet la leꞋ, Ghɨa bòt è kukte èlen lê Ghɨa Kèfɔ̧̀ wê kɨꞋɨ,

Lûk 22:42

“Tê, nɨ ndɔŋ ngoꞋ yaa abua am la, na à kɔ̀ŋkà la. Ka à ka ngɨ̀ àghɨa e nkɨa la, ghɨ̀ wuê àyea àa nkɨà la.”

Lûk 8:28

Mbɨ̀Ꞌɨ̀ tà ye a Yesò la, tà ŋȩ ane àtɔŋ ànɨ̧, nkwen a si a mbì tò mbììte atò ane àtɔŋ ànɨ̧ nê, “Yesò, Waã Mbɔ̧ɔ̧mà Àtsèàngɔ̀ŋ, à kɨa ghà abua am à? Mâ shu̧u̧te awê nê à ka ngɨ̧̀ɨ̧̀nè am.”

Lûk 8:37

Ale, bòt tèpfəte èlaꞋ Galasìn tègème e shu abua Yesò nê, tà dzə àbâ àlaꞋ a yɔb me ghǎ, ngu ndɨ kèbɔɔ kekweelè ke baãaã awɔb la. Ale, Yesò nyi a èbem ànkànuꞋ yu me ghǎ.

Jɔ̌n 16:8

Taa me ghɨ̀ tê nkɨ̀Ꞌɨ̂ nyɨ̀Ꞌte bòt ngɔ̀ŋ nê bɔ fà̧ àghɨa bɔ̀ɔ mɨ̀ɨ̀tà nê kàbɔ̀ŋ wu yùà la, ndɔ̀Ꞌ fà̧ àyea bɔ̀ɔ mɨ̀ɨ̀tà nê wòt tàa ngɨ̀à àghɨa Mbɔ̧ɔ̧mà nàa nkɨà la wu wùà la, mè fà̧ ane ndɨ bɔ̀ɔ mɨ̀ɨ̀tà nê Mbɔ̧ɔ̧mà naa li saꞋa bòt la.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

ÀfaꞋa 16:29

Mbê mbɔŋ lo̧o̧ èkaꞋà, nde ndèbà a èbem lob tèfȩ yu, nkwen a tèkate Pɔ̂l bɔ̂ Sȩlàs ntsìꞋa mbènta bente.

ÀfaꞋa 2:37

Mbɨ̀Ꞌɨ̀ bòt bu abot la e zə èngà̧ waa la, e baãaãte awɔb a mèntɨ̧ɨ̧ mɔb. Bɔ biitè a Pità nè bɔntu̧ Yesò ko bu nê, “Bɔnyɨ ba, baa chɨɨme ghɨ̀ naà?”

Lûm 8:16

È wu Fo Mbɔ̧ɔ̧mà èfɔte ne àghɨa àa mèntɨ̧ɨ̧ ma la, shua nê ba wu bɔ̧ Mbɔ̧ɔ̧mà la.

Lûm 8:23

È ntsě wuê ndàꞋà èghɨ bu tà li ngɨ̀ la ka àa ngèꞋà la, bàa wu Mbɔ̧ɔ̧mà ŋa Fo zi abua ya mbɨ̀Ꞌɨ̀ àghɨa mbì ane èghɨ bu tà nɔ̀ŋe abua bòt bi la, aà ngèꞋà a mèntɨ̧ɨ̧ ma mɨ̧̂. Baà ngɨ̀à ale mbɨ̀Ꞌɨ̀ bàa nchɨ̀Ꞌɨ̀ àfɨ̀Ꞌ yu Mbɔ̧ɔ̧mà nàa ghɨ̌ ba tsiꞋi ngule bɔ̧ tò, elùùla ngoꞋ yu àdziꞋ yaa la, e ghɨ̌ mbɨ̧te ènyit ta tea peme la.

Lûm 8:26

Fo Mbɔ̧ɔ̧mà nàa ntɨ̀ŋa awa mɨ̧̂ àfɨꞋa bàa njùa la. Bàa ngɨ̀ bàà baka ko ndɨ baa wu tsàꞋte Mbɔ̧ɔ̧mà la, Fo Mbɔ̧ɔ̧mà me tɨŋe awa ndɨ̀à mènəè ma abua Mbɔ̧ɔ̧mà ngèꞋà ane èlɨ betsiꞋa wòt kà ko shu la.

Lûm 9:4

Wu bòt Izəèlȩê, Mbɔ̧ɔ̧mà nɨ awɔb ane bɔ̧ bi la. Tà li nyɨ̀Ꞌte awɔb ènɨ̧ vi, ngɨ̀ mènkàꞋa kèkweelè mi bɔ̂ tò ba a ngo̧ a ngò̧, ŋa mbɨ̧ zi abua yɔb, nyɨ̀Ꞌte awɔb ndɨ bɔ̀ɔ me wùꞋtè àvi la, mè nkàꞋ àwɔb èghɨ nyaŋ.

1 Kɔlìn 2:12

Ba bakà bɔ fo ngɔ̀ŋ yaa, ba bɔ Fo Mbɔ̧ɔ̧mà zìambɔŋ, mbɨ̀Ꞌɨ̀ naa ghɨ̌ baa ko èghɨ bu Mbɔ̧ɔ̧mà ŋǎ abua ya la.

2 Kɔlìn 11:4

E shua anè nkàà nê mâ ye nê bɨa mbeà mbɨ̧̀ɨ̧̀na ànəê àgème bɨ zə la. Wòt nàa ngɨ̀ tà kɨꞋɨ tà làꞋa ànəa Yesò tsǎ kà wu yu ba làꞋà la, kò ànəa fo tsǎ kà wu Fo Mbɔ̧ɔ̧mà yu bɨ li mbɔŋ la, kò ntsɔ̀tè ntu̧ tsǎ kà wu Ntu̧ Ntsɔ̧̀ Yesò Klistò yu bɨ li ndzə mbɨ̧̀ɨ̧̀ne la leꞋ, bɨ bê mbɨ̧̀ɨ̧̀ne kà kwàꞋtè.

Gàlashìà 2:4

Ànəa mbɔŋ a li me lɔ̀Ꞌɔ a si ale ngu ndɨ bòt ko bɔ̀ɔ fɨ̀ta nê bɔ wu bòt Yesò la e li ndzɨ̧̀ɨ̧̀ma nyi ayɔɔ ya, me tsɔ ndɨ̀ŋkà mbɨ̀Ꞌɨ̀ eye ndɨ ba zì mèntɨ̧ɨ̧ ma ane Yesò Klistò ale bà ka tsi ngu èbùꞋ la, e mèe ghɨ̌ baa tsiꞋi èbùꞋ.

Gàlashìà 5:1

Yesò Klistò li ndzà àwa ntsì a èbem mbɨ̧te Musì, è wu ale bɨ̀ ŋwètè èka bɨ̧ a si ntsɔ̧̀, bɨ̀ ka mbɨ̧̀ɨ̧̀ne àghɨa ko a mè ngɨ̀ bɨ tsiꞋi èbùꞋ.

Efesɔ̀s 1:5

Mbɔ̧ɔ̧mà li nga ambo èkɔŋ wu tà bɔ ane ya la mbèla àfɨꞋa tsa ntàŋke ndɨ Yesò Klistò nàa li ghɨ̌ baa tsiꞋi bɔ̧ bi la. Tà li ngɨ̀ àyaa ndɨ tà kɔ̀ŋkè nê à wu la.

2 Tɔ̀màtià 1:7

Ko nê Fo yu Mbɔ̧ɔ̧mà ŋa abua ya la, nàà kà ghɨ̀ bòt e bɔà. Nàà ŋàa awa wuê mètàŋ, ngɨ̀à ba kɔ̀ŋkà bòt, mè ngɨ̀à ndɨ bàa me baãaã mèntɨ̧ɨ̧ ma ka ngɨ̀à mènəè la.

Ebùlù 2:15

Yesò li nɨ̀ àyaa ngɨ̀ bòt e pem èvə. Bòt baa e li ngua mbɔ̀ɔ èvə tè ntsìꞋi mbɨ̀Ꞌɨ̀ èbùꞋ a èten lùà àfɨ̀Ꞌ àgème.

Jimsì 2:19

Bɨ bɨ̧ɨ̧ne nê Mbɔ̧ɔ̧mà nàà wemɔ̀Ꞌ ale nko nê bɨ ghɨ ntsɔ̧̀. Ka wuê fote kàbɔ̀ŋ tè bɨ̧ɨ̧ne ayɔb mɨ̧̂, tè me benta mbɔ̀ɔ.

1 Jɔ̌n 4:18

Wòt tàa ngɨ̀à èkɔŋ la nàà kà bɔ̀ɔ̂, nkàà nê èkɔŋ àa ngɨ̀ è lu̧u̧ a èntɨ̧ɨ̧ wòt e fəè kèbɔɔ. Wòt nàa me mɨ̀ɨ̀te nê yea li eye ngoꞋ ka tà me bɔɔ. È wu ale, wòt me bɔɔ tà ko nê, èkɔŋ e bakà zìꞋì ndù̧u̧ a èntɨ̧ɨ̧ vi.