Lûm 8:1 - Mundani

¹ Ale, ndɔ̀ Mbɔ̧ɔ̧mà te ntsě adù̧ bòt bu bɔ̀ tsiꞋi àghɨ yeamɔꞋ nè Yesò Klistò la àfɨ̀Ꞌ yaa.

Lûm 8:1 Iomraidhean Croise

Jɔ̌n 14:20

Naa li ngu ane àlia mbɔŋ bɨ ko nê, e ngu àghɨ yeamɔꞋ nè Tǎt am, bɨ wu àghɨ yeamɔꞋ nè nà̧, e mè ngu àghɨ yeamɔꞋ nè nɨ̧.

Jɔ̌n 15:4

Bɨ̀ wu àghɨ yeamɔꞋ nè nà̧, è mě ngu àghɨ yeamɔꞋ nè nɨ̧̀ mɨ̧̂. Ndɨ̀ wu betsiꞋa èntaãaã àyɨt è ka koê nkɔ̀ɔ̀le tètaãaãtsə zia ndziꞋne kà wu a mbɨ̧̀ àyɨt la, wu ndɨ betsiꞋa bɨ̀ambɔŋ è ka ko ngɨ̀ àghɨ kà wu àghɨ yeamɔꞋ nè nà̧ la.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Lûm 16:3

Bɨ̀ tsàꞋta Plìsilà bɔ̂ Àkwilà, è wu bòt baa tò ba àa fàꞋà nɔ̂ abua Yesò Klistò la.

Lûm 16:7

Bɨ̀ tsàꞋte Àndòlonikùs bɔ̂ Junìàs, è wu bòt àlaꞋ bɔ̧, bàà tò ba e li ngua tèfȩ nɔ̂ la. Bòt e ko awɔb ntsɔ̧̀ ayɔɔ bɔntu̧ Yesò Klistò, bɔ mè ngu bòt bɔ li mbɨ̀ ndzì mèntɨ̧ɨ̧ mɔb ane Yesò ka maa zì èwɔ̧ la.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Lûm 5:16

Àghɨa Mbɔ̧ɔ̧mà ghɨ ane ya àku la, à ka meè ngu mbɨ̀Ꞌɨ̀ àghɨa kàbɔ̀ŋ wòt wu wemɔ̀Ꞌ li ngɨ̀ la. Wòt wemɔ̀Ꞌ li ngɨ̀ a kàbɔ̀ŋ, è ghɨ̂ Mbɔ̧ɔ̧mà me saꞋa bòt nê bɔ ghɨ̂ a kàbɔ̀ŋ. Ka bèkàbɔ̀ŋ bu nyaŋ bòt e ghɨ̀ la, bê tsiꞋi ghɨ̌ Mbɔ̧ɔ̧mà ŋà àghɨa bòt e ghɨ̂ bɔ̀ ka wu bɔ la, àku abua yɔb, nɨ̀ awɔb mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 7:17

Ale, è te ntsě mmɔ̌ ngɨ̀à èghɨ bàà la, wu kàbɔ̀ŋ wu a èntɨ̧ɨ̧ am la ka ŋwèèlà am e ngɨ̀à la.

Lûm 7:20

E ngu anè me ghɨ̀ àghɨa màa ka kɔ̀ŋke e ghɨ̀ la, ko è ntsě mmɔ̌ ka ngɨ̀à la, wu kàbɔ̀ŋ wu a èntɨ̧ɨ̧ am la ka ŋwèèlè am e ngɨ̀à la.

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

Lûm 8:14

Bòt bu bàgème bɔ̀ɔ ngɨ̀à mbɨ̀Ꞌɨ̀ Fo Mbɔ̧ɔ̧mà nàa shua la wu bɔ̧ Mbɔ̧ɔ̧mà.

Lûm 8:2

Mbɨ̧ Fo Mbɔ̧ɔ̧mà yu nàa ngɨ̀à wòt bɔ̌ mèntsèke fi, ndɨ̀ wu tà tsìꞋi àghɨ yeamɔꞋ nè Yesò Klistò la, è tsì mbɨ̧ yu a ègwet laã nàa ngɨ̀à e ngɨa kàbɔ̀ŋ, è mè nɨa èvə nkɨ̀Ꞌa adù̧ yaã la.

Lûm 8:34

Wòt wu tàa laꞋnê ànəa a li àtsəa wòt Mbɔ̧ɔ̧mà la wu wàà? Yesò Klistò wu tà li mpfə, Mbɔ̧ɔ̧mà yù̧ù̧me atò ngɨ̀ tà tseke àbâ àbualu̧ atò a ègwet la, ka lâ ngu wòt tàa ndɨ̀à mènəè ma abua Mbɔ̧ɔ̧mà la.

Lûm 8:39

kò ngɔ̀ŋ yu a ègwet la, kò ye si leꞋ, kò àghɨa ko tsa ane èghɨ bu ègème Mbɔ̧ɔ̧mà ghɨ̀ la leꞋ, à ka tsì èkɔŋ Mbɔ̧ɔ̧mà bɔ ane ya nkàà Yesò Klistò Lefɨ̀Ꞌ wa la.

Lûm 8:4

Tà li ngɨ̀ àyaa mbɨ̀Ꞌɨ̀ baa me koa ngɨ̀à èghɨ ntsɔ̧̀ bu ègème mbɨ̧ Mbɔ̧ɔ̧mà nàa shuà nê bà me ghɨ̀ la, ndɨ̀ wu baa tsiꞋa ntsèka mbɨ̀Ꞌɨ̀ Fo Mbɔ̧ɔ̧mà nàa nkɨà la, baa kà tsi ngua ntsèka mbɨ̀Ꞌɨ̀ mbɨ̧te ènyit ta tèa nkɨà la.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

1 Kɔlìn 15:22

Ndɨ̀ wu bòt àa mpfəèꞋta nkàà ndɨ bɔ̀ wu àghɨ yeamɔꞋ nè Adàm la, wu wuê ndɨ bòt àa li yu̧u̧me nkàà ndɨ bɔ̀ wu àghɨ yeamɔꞋ nè Yesò Klistò la.

2 Kɔlìn 12:2

Mâ ko wòt kǒ tà wu wòt Yesò Klistò la. Bɔ li nɨ atò àfɨ̀Ꞌ àko ngà tè ntsè ègwet nga a ègwet àdziꞋa Mbɔ̧ɔ̧mà wù la. Kò ŋut li ngà nè nkèm zi, kò wu wuê àlɨ̀ŋka tò ka a li ngà la leꞋ, ko e mbakà koê, wu Mbɔ̧ɔ̧mà ka tà ko la. Àfɨ̀Ꞌ ya wu èngùꞋebȩ ntsɔ̀b yekwì mbɨ̀Ꞌɨ̀ àyaa a tsè la.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Gàlashìà 3:13

Yesò Klistò li nɨ̀ àtsəa zi nchùꞋ ètsə ba a èbem ndɔ̀ mbɨ̧tsə, ndɨ̀ wu tà li ntsìꞋi ŋeꞋe ndɔ̀ ngaa zìambɔŋ àdziꞋa ya la. Aa anè nkàà nê Àkata Mbɔ̧ɔ̧mà a laꞋnê, “Ànyem a wu àtsəa waa waa tà tɨŋne a ègwet àyɨt la.”

Gàlashìà 3:26

Èntɨ̧ɨ̧ wu bɨ zi ane Yesò Klistò la è ghɨ bɨ tsiꞋi bɔ̧ Mbɔ̧ɔ̧mà.

Gàlashìà 3:28

BetsiꞋa bɔ̀ ka tsi nê wòt Juê è kubte ane wòt Glɨ̂k, àbùꞋ à ka kubte ane wòt ka wu àbùꞋ, mbâ̧ kà kubte ane àvi, nkàà nê bɨ̀agème e tsiꞋi àghɨ yeamɔꞋ ane Yesò Klistò.

Gàlashìà 5:16

TsiꞋ è shua wɨ̧ nê, bɨ̀ me ghɨ̀ mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ̀ ka me ghɨ̀ mbɨꞋɨ̀ mbɨ̧te ènyit tɨ̧ te kɨa la.

Gàlashìà 5:25

Ndɨ̀ wu Fo Mbɔ̧ɔ̧mà ŋa awa mèmpème la, ba bɔ ndɨ bàa me ghɨ̀ mbɨꞋɨ̀ nàa nkɨà la.

Efesɔ̀s 1:1

Letà Pɔ̂l wantu̧ Yesò Klistò Mbɔ̧ɔ̧mà è ghɨ̂ ane mènkɔ̀ŋke mi la. Abua bòt Mbɔ̧ɔ̧mà bu a Efesɔ̀s bɔ̀ tsiꞋi àghɨ yeamɔꞋ nè Yesò Klistò la.

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.